عرض للطباعة
السلام عليكم
انا ناوي اشتري عربيه سبيرانزا a113
وبصراحه الكلام اللي بيتقال عن السبيرانزا ملخبطني
لانه لو سمعت الف واحد بشكر فيها وبعدين يجي واحد يقول حاجه مش كويسه يلخبط الواحد
فانا ناوي اسمع بس من الناس اللي عندها العربيه دي تقولنا تجربتها بالسلب او الايجاب ولو اي حاجه حصلت يقولها بامانه علشان يفيد اللي زيي
اللي عنده العربيه بس او اللي عند حد صاحبه العربيه وعاش وشاف تجربته يقول نيابه عن صاحبه
بس ياريت الناس اللي سمعوا وماشوفوش انهم مايدخلوش يشوشو افكارنا
والموضوع ده للفائده العامه
العربية مع واحد صاحبى اشتراها مستعملة ماشية 16000 وبقاله سنة معاة موديل 2008 بيشكر فيها وعمل بيها حادسة وصلحها المهم انة لقى الحاجة بتاعتها فى التوكيل وبرة التوكيل واسعرها كويسة وفى منافسة بين التجار فى بيع قطع غيارها ودة اللى بيخليهم ينزلوا السعر بتاع قطع الغيار وبعدين العفشة ناشفة عشان دى عفشة رياضية بتحافظ على ثبات العربية بس النشوفية مش مزعجة وبعدين واسعة من جوة وسعرها جديدة ارخص من اى عربية فى الفئة بتاعتها ب13000 على الاقل مع امتيازها باالكماليات الزيادة زى الاربعة زجاج كهرباء وفرامل الاى بى اس والاييرباج كل دة امان زيادة وبفلوس ومش موجود فى الفئة دى فى العربيات الكورى اعتمد وتوكل ولو هتشتريها مستعملة صمم انك تاخدها تكشف عليها فى التوكيل على حسابك حوالى 100 جنية طبعا بعد الاتفاق على السعر وخليهم يقلولك حالة الموتور والعفشة والشاسية وربنا يوفقك
على فكرة العربية دى جامدة وقوية لان الحادثة اللى عملها صاحبى انة قطع الشارع باالعرض فى الاشارة فى نفس اللحظة اللى كان جاى فيا ميكروباص تويوتا من الطريق التانى بسرعة حوالى60 كييلو وراح خبطة فى الرفرف والباب العربية اتصلحت ورجعت فبريكة يعنى متدمرتش ولا اتكسرت ولا اتكرمشت وربنا يوفقك
شكرا للاخ medoragab
انا فعلا قرأت المواضيع التي في اللنكات
بس للاسف الكل كان بيحط رأيه
انا حبيت احط الموضوع ده فقط للي عنده العربيه دي فقط يقول رأيه
او اللي عاش وشاف تجربه حد صاحبه
اما اللي سمع وبيقول كلام نظري فسوري
ياريت الموضوع يكتمل بتجارب الاعضاء كلهم علشان انا وغيري وكلنا نستفيد
وشكرا
انا كنت ناوي اجيب العربيه دي
ومره وانا بعمل الصيانه بتاعة والدي (اسبيرانزا516) قلت اسأل الناس اللي معاها 113 سالت اكتر من ستة اشخاص ولا واحد شكر فيها وروح شوف المهزله اللي في التوكيل هتعرف انا قصدي ايه
عبارة عن اية المهزلة دىاقتباس:
المشاركة الأصلية كتبت بواسطة aelhossan
ياريت تراعى ضميرك ..
اقتباس:
المشاركة الأصلية كتبت بواسطة medoragab
+11111111111
معايا من فترة طويلة حوالى 9 شهور تقريبا
الاخ aelhossan
شكرا للمرور
ممكن تنقل لنا بعض الكلام اللي سمعته من الناس بالتوكيل
ومن خلال تجربتك مع عربيه والدك ال 516 ايه رايك في الاسبيرانزا والتوكيل
الاخ max
ممكن تحكي لنا تجربتك مادام العربيه معاك 9 شهور
والاخ mmmmgogommmm
اولا الحمدلله على السلامه
وياريت لو فيه صور للعربيه مع الحادث تفرجنا ولو ممكن صاحبك اشتراها بكم مستعمله ؟؟
ومشكور على النصائح
شكرا للجميع
متابع معاكم باهتمام لانى عاوز اعرف كتير عن ال a113
ياباشا منا عامل موضوع العربية عند ال 11111
شكرا max
موضوعك جميل جدا
ومنتظرين اراء باقي الاخوه اللي عندهم العربيه
سؤالي
هل هناك فروق بين الموديلات 2007-2008-2009-2010؟؟؟؟
وهل فيه موديل احسن من التانيين؟؟
وبالنسبه للمستعمل لو حبيت اجيبها مستعمله ماهي النصائح منك ومن باقي الاعضاء ؟؟؟
وسعر المستمعل يبقى معقول بحدود كم؟؟ مثلا لو عربيه 2007 ماشيه 30000 صيانه توكيل؟؟
العربيه مفيهاش ايرباجز اصلااقتباس:
المشاركة الأصلية كتبت بواسطة mmmmgogommmm
واحد صاحبي معاه ال 516
و قالي انها بتحتاج تربيط العفشه كل فتره
و عايزه استعمال حريمي
و مش عايزه شد و جري بالعربيه
و طبعا ال 113 زيها كده
اشتراها ب42000 اما موضوع الصور فهو مصورهاش بس العربية متحطمتش الشاسية اتعوج وتم استعدالة وبقول اتلوح مش اتقطم ودة عادى فى كل العربيات ابن عمى كان معاة فليشيا ودخلت فية عربية لانوس عوجتلة الشاسية برضة وتم استعدالها باالكمبيوتر تخيل ميكروباص خبط عربية ملاكى على سرعة60 وكل اللىحصل تغيير رفرف وسمكرة باب وتغيير مساعد ولوحة خفيفة فى القنطرة وتم استعدالها تفتكر اى عربية تانية كان هيحصلها اية بس انا شفت عربيات تانية خبطة اسهل وابسط من دى دمرتها ولم تعد صالحة للاستخدام وبعدين انا هريحك اسال اللى راكبنها فى الشارع هما الفيصلاقتباس:
المشاركة الأصلية كتبت بواسطة kontfeen
شكرا للاخ mmmmgogommmm
كلامك صح وانا عملت الموضوع ده علشان اللي راكب العربيه دي يقولنا رايه وتجربته علشان انا وغيري نستفيد ونتخذ قرار بالشراء او لا
وياريت اللي يدخل يقول تجربته سلبا وايجابا مش معقول تبقى 105 واحد دخلو الموضوع واللي شاركو اقل من 10
ياريت مانبقاش سلبيين
رأيكم يهمنا
يعني ايه اراعي ضميرياقتباس:
المشاركة الأصلية كتبت بواسطة max_ziro
هوه انا لازم اقول كلام علي مزاجك عشان يبقي عندي ضمير
خلاص يا سيدى العربيه زي الفل
اشتروها واشبعوا بيها
ارجو ان يبقى الموضوع في اطاره وهو افاده كل من يفكر في شراء هذه العربيه
والاخ aelhossan حقك علي هو مايقصدش
وياريت نطبق السنه النبويه في التماس الاعذار للاخوه
وكلامي هذا موجه للاخوين على حد سواء
ويارب نسمع ناس مجربه تجكي تجربتها
متابع بامل واهتمام
يا جماعه محدش يزعل الاخ مش قصده حاجه
لاننا بصراحه كشعب مصرى مش بيرضينا العجب
يعنى لو جبت bmw اخر موديل وحصلها اى حاجه ولو بسيطه هنعيب عليها ونقول دا انا شوفت bmw على الدائرى مش عارف ملها
المهم موضوعنا الراجل عاوز يعرف الى مجربها و يمتلكها يقول رايه فيها ايه
وفى الاول والاخر احنا كلنا اخوة ودخلين المنتدى عشان نفيد ونستفيد
وبرضه متابع الموضوع معاكم لانى كمان بفكر اشتريها
العربيه دي هايله عن تجربه هي معايا فعلا بقالها فتره مش كبيره يعني حوالي 06 شهور بس الحمد لله مفيش منها ولا مشكله وزي الفل ورأيي ده ربنا هايحسبني عليه
انا ركبت العربية دي يا شباب وهي في أسوأ حالاتها .. يعني كان التيل خلصان .. و ميعاد تغيير الزيت جه .. وكانت حالاتها زفت .. ومشيت وسافرت بيها مشاوير مهمة .. وربنا يعلم العربية دي اصيلة اد ايه .. A113 عربية نضيفة ومحترمة ... A516 فيها عيوب ومشاكل كتير والشكاوى منها كتير فعلا .. Tiggo اروع ما صنعت سبيرانزا .. M11 جيدة ولكن يعيبها التقفيل ... A620 لسه بدري على ما يفلحوا في الفئة دي . وتقبلوا فائق تحياتي
شكرا للاخوه Simsim و Ghost2 على ايجابيتكم وتفاعلكم معانا
والبقيه اللي عندهم العربيه دي رأيكم يهمنا انا والاخ tito وغيرنا كتير من اللن عندهم نيه الشراء
متابع باهتمام
شكراا للجميع
وانا متابع معاك يا اخ kontfeen لانى فعلا بفكر جديا فى الشراء وقريب اوى كمان
ياريت تلتزم الادب قى الكلاماقتباس:
المشاركة الأصلية كتبت بواسطة aelhossan
الى هتقولة هتتحاسب علية اولا
و فى قرارات ناس تانية بتعتمد علية ..
عشان كدة لازم تراعى ضميرك ..
ياباشا دة رقمى كلمنى لو محتاج تعرف اى حاجة
0178432100
اقتباس:
المشاركة الأصلية كتبت بواسطة max_ziro
ربنا هوه اللي هيحسبني علي كلامي مش حضرتك
الحوار مع سيادتك مالوش اي لازمه
اسلوب حضرتك غير محترم بالمره
وانا اسف اذا كان كلامي مش علي هوي جنابك
عموما انا كتبت كل حاجه في موضوع منفصل عشان بقية الاعضاء تستفيد
http://www.nilemotors.net/Nile/121119-a.html
خلاص يا جماعة وحدوا الله
الموضوع كله كلام على عربية يعني كلام فاضي وكل واحد ليه رأيه حقكوا عليا انتوا الاثنين
لاحول ولاقوةالاباللهاقتباس:
المشاركة الأصلية كتبت بواسطة ash257
الاخ max_ziro والاخ aelhossan اكرر كلام الاخ الي بيقول وحدو الله(لاالله الا الله ) والموضوع عربيات وكل واحد بيحكي تجربته اللي ممكن تكون عكس تجربه الاخرين ارجوا ان ينتهي النقاش بينكم وكل واحد مسامح التاني على الاقل ننسى اللي فات بمناسبه الفوز الكبيرا 4/0
الاخ max_ziro شكرا على تعاونك واكيد ان شاء الله اتصل بيك واستفيد من حضرتك
الاخ aelhossan
قرات موضوعك اللي حاطط اللنك بتاعه وبصراحه تجربه صعبه جدا بس اعتقد باين من النقاش انه المشاكل دي مابتحصلش مع الكل و لكن واضح انه المشاكل اتر في الصيني وده طبيعي لانهم لسه جداد نسبيا في موضوع العربيات
مع انني سألت كذا واحد من اللي بشوفهم معاهم العربيات السبيرانزا في الشارع وبصراحه مافيش حد منهم اشتكى كلهم بيشكر في العربيه وده ايضا مايعنيش انه كل العربيات زي الفل
المهم الواحد يستخير ربنا ويسأل وياخذ بالاسباب وربنا الموفق
معاك يا اخ kontfeen وعاوز اعرف نويت على ايه عشان تشجعنى انا كمان
اقتباس:
المشاركة الأصلية كتبت بواسطة aelhossan
و عجبى ..
لا تعليق ..
شكرا لمتابعتكاقتباس:
المشاركة الأصلية كتبت بواسطة kontfeen
والله انا ما قصدي اي حاجه انا بس عارف ان كلنا تعبانين في الفلوس
ربنا يهديك للي فيه الخير
شكرا لجميع من شارك بفاعليه وافادنا وجزاكم الله كل خير واذكر نفسي والاخوه بان الاختلاف في الرأي لايفسد للود قضيه
من رأيي نترك الموضوع مفتوح لمزيد من المشاركات والتجارب ليستفيد كل من يفكر بشراء هذه العربيه
الاخ tito2020 لم احسم رأيي بعد وان شاء الله ربنا يهيدنا واياكم لما فيه خير لنا وربنا يوفقك
انا معايا العربيه بقالها سنه تقريبا والحمد لله العربيه تمام وزى الفل وقطع غيارها بقت منتشره بره التوكيل كتير والعربيه سعرها حلو واحسن من المستعمل بكتير ولو عايز تزود شويه هات زيرو برضه
وعلى فكره انا كنت دائما بدخل فى منتدى اسبرانزا هنا وكنت متابع بردود بس بقالى حوالى 3 شهور مدخلتش لظروف بس احب اقولك ان نفس الناس الى كانت بتشتم فى اسبرانزا لحد دلوقتى هما هما الناس دى كانهم شغالين مع توكيلات تانيه
على العموم جرب العربيه ولو عجبتك توكل على الله
اى استفسار انا تحت امرك
اخوك محمد احمد
جارى معاه العربية لاحظست ان صوت الموتور على شوية قلت فى ايى فى العربية قالى انة عمل الصيانة الدورية وو غير سير الكاتينة او سير الموتور حاجة كدا و الله على ما اقول شهيد المهم انك تسال نفسك سوال وهو انا لما اجى ابيع و كداكدا هتبيع فى يوم من الايام ياترى هتبقى ليها سعر ولا هتبقى مثلامثلا بقول مثلا ماشى ذى الهافى لوبو تريث؟
السلام عليكم و رحمة الله و بركاته ...
العربيه دى مع واحد صحبى من اول 2008 .. هو بيشكر فيها اوى و ماشيه معاه كويس مع العلم انه مش بيحافظ عليها اوى و مش مهتم بيها اللهم الا الصيانات الدوريه فى التوكيل ..
لكن هو جدع و مابيقولش لحد لأ لما بيطلب منه العربيه فى مشوار ولا حاجه ..
انا شخصيا استلفتها ثلاث مرات قبل كده .. و اخر مره كانت امبارح 8-3-2010 بس اللى لاحظته الاتى ..
جميع الكماليات كانت تعمل عادى و مفيش حاجه فيها عطلانه ( زجاج كهربائى - مرايات كهرباء - سنتر - كاسيت سى دى ....) كله كان شغال و الحمد لله ..
لكن الحاجه اللى لاحظتها ان فعلا صوت الموتور عالى شويه يعنى لما بتقفل الزجاج بتسمعه بوضوح و كمان موضوع العفشه دى ناشفه شويه و بتحسسك نسبيا بالمطبات ... بس على اى حال احسن الف مره من العربيه بتاعتى اللى لسه بايعها و كانت فيات 128 ... و على اى حال ممكن يكون ده بردو لسوء استخدامه و عدم الاعتناء بالعربيه ...
و على فكره انا بالفعل حجزت واحده و دفعت 14000 الف و إن شاء الله حستلمها يوم الخميس بعد المقبل و ادفع الباقى 35900 ده لو ماخسرتش بقيت فلوسها اللى حطتها فى البورصه :majd(4):... ربنا يستر ... ادعولى بالله عليكم ... و السلام ختام ...
انا ناوي اشتري واحده انشاء الله وجربتها امبارح وبصراحه لقيتها كويسه جدا في العفشه بس ممكن صوت موتورها عالي نسبيا وسحبها حلو علي قد موتورها
موضوع الصوت ناس كتير أتكلمت عليه
المهم عزل العربية لما يكون الازاز مقفول؟؟؟؟؟؟؟
احسن نسبي... يعني الصوت بيختفي ولكن مش تماما لسه بتسمعه بلرضه ولكن اخف