حكاية الشباب الصيني في سوق السيارات

**Abdallah** · 17-05-2007 11:49 AM

شهد شاهد من اهلها, وحلوة حكاية نصدرهلكم انتم دة طلع بيتكلم فى السياسة كمان.

**PRO-DRIVE** · 17-05-2007 11:51 AM

محدش يزعل منى المصرين بيحصل فيهم زى ماكانوا بيعملوا محدش يزعل منى من الاول اهه :mrgreen:

**شريف** · 17-05-2007 12:29 PM

فى معرض الاهرام كان فى شركه منزله عربيه صينى سيدان
انا لقيت مندوب صينى من الشركه دى قاعد فى اليوز قلت اتكلم معاه شويه عن العربيه دى
قال لى ان الشركه دى يتصنع موتسكلات لغايه سنتين فاتو بس و بدئو فى العربيات لسه قريب
سالت عن مراكز الصيانه و اخبار قطع الغيار قال ان القطع موجوده و الصيانه فى مركز فلى ابورواش
العربيه دى كان اسمها فيسان تقريبا و كان فى واحده 1300 موتور صينى تقريبا ب 60 او اكتر حاجه بسيطه
وواحده تانيه 1600 موتور متسوبيشى
بس العربيه كان شكلها جامد بصراحه بس من موتوسيكل الى عربيات فى سنتين بس تخوف اوى
الصين بقى فيها شركات عربيات كتير بس الاغلبيه لسه ناشئه و دى عايزه وقت على معتقد عشان تقف على رجليها

**mohamed yousry** · 17-05-2007 03:44 PM

يا اخونا لازم نواجهة انفسنا ونقول الحقيقة ونحمى نفسنا....مش عشان منزعلش بتوع الاسبرانزا نقوم نسكت.....هذا الحوار تأكيد على العقلية النصابة التى تقوم بها الصين تجاة دول العالم التالت المتخلف اللى زيينا.....وميقدروش يعملوا كدة مع الدول المحترمة مثل فرنسا وانجلترا...لانهم هيداسوا وهيتبهدلوا وممكن يدفعوا تعويضات تخسرهم كل ما كسبوه من وراء دول ضعيفة زى مصر....عارفين حكاية الشركة الصينية اللى فاتحة فى حلوان بتبيع جهاز لعلاج 50 مرض بالومضات الكهربائية!!!!!الجهاز ثمنة 1200 جنية فى حين ان ثمنة الحقيقى 20 جنية فقط لا غير....عارفين بتبيعة ازاى...بطريقة البزناس القديمة...بمعنى انك كل ما تقنع واحد يشترى الجهاز(دة طبعا بعد ما تشترية انت شخصيا) بتاخد نسبة على كل واحد يشترى هذا الجهاز...استغلال للبطالة الموجودة والشباب اللى قاعد على القهاوى .....استغلال لألام المرضى...بيع الوهم لشعب كتب علية ان يكون معظمة جاهل وشوية ال......دول يجوا يضحكوا علية ويلموا فلوس على قفاة....يقدروا يعملوا كدة فى دولة محترمة؟؟؟؟؟ لما سألت الشركة دى فاتحة فين تانى غير مصر....ردوا قالوا انها فاتحة فى بكستان و كازاخستان وشوية دول كدة تعبانة...مش بينهم اى دولة محترمة!!!!!!!!!!!!!!بجد انا كرهت الصين والصينيين... :x :x :x
انا لسة شارى لمبة صينى من حوالى شهر جيت اركبها اتحرقت....وغيرتها بلمبة فيليبس ....طبعا فية ناس هترد وتقولى ان الصينى درجات...هرد واقول ان اسوأ الصناعة الصينى بتيجى مصر...وبعدين اشمعنى الصين اللى فيها درجات...لية اليابانى مفهوش ...لية الفرنساوى مفهوش درجات.....كفاية حرام؟؟

**sh_masry** · 17-05-2007 04:10 PM

والله يا جماعه لازم الناس اللى بتدافع عن الصينى تفوق بقى و تصحى من النوم علشان هما اللى بيشجعوهم يعملوا كده فينا , كله بيسترخص و الحكمه اللى قالوها زمان الغالى تمنه فيه .و ياريت يبقى فيه نسخه تانيه من الموضوع ده فى المنتدى الصينى علشان ماحدش يتخم اكتر من كده ......و كفايه بقى ضحك على الغلابه و اللى يدخل علشان يسأل على الصينى يعرف رأي الصينيين ايه نفسهم .

a7'ookom
Sherif

**sokasoon** · 17-05-2007 04:25 PM

الحمد لله الصينين قالوها بنفسهم

مش بس كده ده بستهزاء بالشعب المصرى

والصراحة الجهل والاسترخاص هما السبب فى كده

بالنسبة للتقفيل المصرى انا معاكوو مش اد كده بس شوية شوية يبقا احسن فأحسن

وياريت نقاطع السيارات الصينية

كفاية اللى قالوه علينا

**OsKaR** · 17-05-2007 04:37 PM

!!!!!!!!NO COMMENT !!!!!!!!!

عارفين حكاية الشركة الصينية اللى فاتحة فى حلوان بتبيع جهاز لعلاج 50 مرض بالومضات الكهربائية!!!!!الجهاز ثمنة 1200 جنية فى حين ان ثمنة الحقيقى 20 جنية فقط لا غير....عارفين بتبيعة ازاى...بطريقة البزناس القديمة...بمعنى انك كل ما تقنع واحد يشترى الجهاز(دة طبعا بعد ما تشترية انت شخصيا) بتاخد نسبة على كل واحد يشترى هذا الجهاز...استغلال للبطالة الموجودة والشباب اللى قاعد على القهاوى .....استغلال لألام المرضى...بيع الوهم لشعب كتب علية ان يكون معظمة جاهل وشوية ال......دول يجوا يضحكوا علية ويلموا فلوس على قفاة....يقدروا يعملوا كدة فى دولة محترمة؟؟؟؟؟

و عموما الشركه اللي بتبيع الجهاز الصيني في حلوان اتشمعت و قبضوا على القائمين عليها

17-05-2007 04:53 PM

انت فكرتني بحوار دار بين صديقي (جمال عبد المنعم - ابو شنب ) وبين جماعة صينين صحابة لانه مشاركهم في مصنع ملابس
المهم هو سئلهم ليه ميجيبوش مكن صيني خاصة انه ارخص

ردوا : احنا بنشجع الصيني بس في المكن والشغل لاء لازم يجيب الياباني

**Ahmed Hassan** · 17-05-2007 05:12 PM

ليس تحيز للصيني, و لكن احب ارد على الاستاذ محمد يسري

المشاركة الأصلية كتبت بواسطة mohamed yousry

طبعا فية ناس هترد وتقولى ان الصينى درجات...هرد واقول ان اسوأ الصناعة الصينى بتيجى مصر...وبعدين اشمعنى الصين اللى فيها درجات...لية اليابانى مفهوش ...لية الفرنساوى مفهوش درجات.....كفاية حرام؟؟

الياباني و الفرنساوي بردو فيهم درجات, و لكن فيه حاجه اسمها ستاندرد, و علشان كده فيه حد ادنى من الجوده تشترط لقبول المنتج, و هوه ده الفرق بينهم و بين الصين. الصينيين عندهم استعداد يعملولك اللي انته تطلبه بالسعر اللي انته تطلبه و بالمواصفات اللي انته تطلبها (حتى لو كانت المواصفات دي اقل من الاستاندردز). لكن بردو يعرفو يعملوا منتجات على قدر من الجوده و لكن ده ليه سعر تاني (يسأل في ذلك اخوانا المقيمين في بلاد الفرنجه سواء اوروبا او امريكا).

باختصار كده الصين بتبعتلك اللي انته بتطلبه منها.

**sab3aawy** · 17-05-2007 05:29 PM

بصراحة انا مش قادر اخد كلام الحماعة الصينيين دول على محمل الجد

لسبب بسيط جدا، انهم على قدر ما هم عاملين نفسهم بورم ومقطعين السمكة وديلها وفاهمين الكوفت، اختيارهم لنوعيه سيارة العمل بتاعتهم مش مدينى إيحاء بكل المنظرة الفاضية اللى هم عاملينها حوالين نفسهم دى

ومستغرب منكم كلكم بصراحة انكم بنيتم كل الإحباطات دى على كلام الجماعة دول ، يعنى انا قريت كل آرائكم التى سواء اتفقت او اختلفت بدأت كلها من نقطة ان كلام هؤلاء صادق وعن وعى ودراية وغير قابل للنقاش او التشكيك فى صحته

مش كل خواجة جاى من اى حته فى الدنيا يبقى احسن مننا وبيفهم اكتر مننا لمجرد انه مش مصرى

ومش كل خواجة اديله ودنى لمجرد انه مش مصرى

ومش كل واحد ماكنش له اى لازمة فى بلدة ويتحدف علينا مع مياه الصرف الصحى نعتبر ان كلامه لا غبار عليه لمجرد انه مش مصرى

انا شخصيا شايف ان معظم كلامهم محفظهلولهم واحد مصرى، القرع المصرى بيخر من كل كلمة قالوها وواضح انهم لا فاهمين ولا عارفين اى حاجة بس هم اتعودوا ان المصريين بيعاملوهم معاملة خواجات علشان كدة راسمين المناظرعلينا

الموضوع: حكاية الشباب الصيني في سوق السيارات

LinkBack

أدوات الموضوع

عرض

-

-

-

-

-

-

-

المواضيع المتشابهه

لماذا تهاجم السيارات الصيني؟؟؟

السيارات التجارية الصيني

السيارات الصيني. . . .لمـــاذا !!!

السيارات الصيني. . . .لمـــاذا !!!!

قائمة مصانع السيارات الصيني

الكلمات الدلالية لهذا الموضوع

المفضلات

المفضلات

ضوابط المشاركة