حكاية الشباب الصيني في سوق السيارات

**mohamed yousry** · 17-05-2007 06:14 PM

الى الاستاذ الفاضل احمد حسن:

باختصار كده الصين بتبعتلك اللي انته بتطلبه منها

حضرتك بقى رأيك احنا بنطلب منها اية؟الحلو ولا الوحش..
ومتشكر على توضيح حضرتك بخصوص ان فية درجات حتى فى الفرنسى واليابانى....لكن دة ميغيرش حاجة فى الموضوع...الصينى صناعتة غير مأمونة الجوانب...

17-05-2007 06:34 PM

بصراحة موضوع كلة يهلك من الضحك--ولم اشك لحظة والله العظيم فى صدق الاستاذ كريم --وتعجبت جدا من التعليقات-ههههههههههههههههههههههه ولم اتعجب من اصحاب النفوس الضعيفة الغاويين الصيد فى الماء المعكر-الشعب الصينى شعب غريب -فهو عندما يأكل اى شىء بيطير الا الطائرات واى شىء لة اربع ارجل الا الكراسى ومصنف فى بعض الاماكن انة اكثر الشعوب فى العالم حبا فى المغامرة والمقامرة-اكون مندهش اكثر الصينى صعب تحدد ملامح الذهول على وجهه وملامحة الباردة--لكن ما علينا -انا -لا بدافع عن الصينى ولا تجارة الصين ولا صناعة الصين-بقولكم من الاول لان انا واثق ان فى ناس ح تدور على غلطة فى كلامى ومش ح يجدوا غير جملة واحدة فقط -اللى هى -النفوس الضعيفة ---ما علينا ---عاوز اعرف طبعا بعد ما الاستاذ كريم تمكن من فهم ما يقولو باكثر من وسيلة انجليزى شوية عربى اللغة الاولى فى العالم --هى المشاورة ---السؤال بقى ----(( ازاى 3 شباب صينين جايين مصر بتأشيرات سياحة -يشتغلوا داخل مصر --وازاى يبقى من حقهم امتلاك سيارة وازاى يقودوا السيارة وازاى يتكلموا مع واحد بيسألهم كل الاسئلة دية وهمه ما يعرفهوش--وبكل صراحة ووضوح بيقولوا الكلام دة انهم منذ اكثر من عام هنا فى مصر ---انا بقولك الكلام دة واقسم لك بالله يا استاذ كريم لا اشك فى كلمة منما ذكرت ولكن فقط ابحث عن تفسير --انا اعرف جيدا ماذا ممكن ان يحدث لاجنبى يكسر التأشيرة ---مش يعيش ويبيع ويمتلك---ردى هذا ليس لة علاقة بالسيارات الصينى وكونى راجل على قدى ومعايا صينى ليس لة دخل--وفى سؤال اخير همه كانوا بيكتبوا العقد ازاى وباى لغة ----

**Dr Ahmed** · 17-05-2007 07:37 PM

يا أستاذ جنيدى حضرتك نسيت أن مصر هى أم الدنيا؟ أهه دول بقى من عيالها..تأشيرة ايه وكلام أيه دا الأجانب هنا أسيــــاااااد... السايح عملة نااااادرة لازم مانطفشهوش بالتأشيرة والكلام ده....إحنا اللى يسألونا عن التأشيرة .. دنا حتى ماجددتش التأشيرة بتاعتى.. حد منكم جددها؟

**abo3bdolrahman** · 17-05-2007 07:59 PM

جنيدى باشا زملائنا الأجانب فى العمل ما بياخدوش تأشيرة بس ده للأوربيين و الأمريكان و اليابانيين و عندنا زملاء من الصين بيطلع عينهم علشان يعملوا تصاريح و تأشيرات بس فى التجديد بيروحوا لغاية ليبيا أو إسرائيل و يجددوا الفيزا تانى و مرة راحوا المينا أبجوا فيها و عملوا خروج من مصر و دخول بعدها بعشر دقايق و لا حد فاهم حاجة وه حصل فى ميناء الركاب بالأسكندرية وقول يا باسط تلقاها هاصت.
و على فكرة رأى زملائنا الصينين فى السيارات الصينى هو نفس رأى اللى قابلهم كريم بس و للأمانة لما سافر بعض زملائنا المصريين لشنغهاى شافوا هناك الشيرى 15و 16 بس كانت زى ما بيقولوا عربية تحفة غير اللى نازلة فى مصر خالص و شافوا منها عربيتين خلال الشهر اللى قعدوه هناك فى شنغهاى اللى العربيات فيها بالملايين! :!:
:lol: 8) :lol:

**Abdallah** · 17-05-2007 08:26 PM

يا سيد سبعاوى هيا مش مسالة عقدة الخواجة ولكن وانت داخل بيتك يا ترى بتشوف كام منتج صينى؟؟؟؟ انا عن نفسى بشوف كتير حتى الكاىبورد والشاشة الى امامى دلوقتى صناعة صينى ولكن صناعة محترمة وحقيقة انا عندى شاشة بقالها 5 سنوات مشتكتش وصناعة صينى ولكن ليه؟؟؟؟ لانها تبع شركة محترمة وطبعا مواصفات ستاندرد كما قال الاخ الفاضل سابقا, ولكن كى تصل الامور لاستيراد سلع مغشوشة ومضروبة لكى تكسب فئة معينة وتستنزف جيوب الناس دة بقة الى بكرهه فعلا ولا اود ان اظلم الصنينين ومش بقول انهم كذا وكذا و لاء بالعكس هما بيدوروا على مصلحتهم ولكن العيب فينا احنا الى مش قادرين نحجم مستوردين البضاعة الفاسدة وكما قال الشاعر :
نعيب زماننا والعيب فينا * وما لزماننا عيب سوانا

**Karim_Monir** · 18-05-2007 03:30 AM

والله يا جماعة مكنتش متخيل الموضوع هايعمل كل ده
انا بس كتبتة من غيظي وكنت كتبتة وحفظتة في ملف تكست عشان ارفعة عشان مانساش حاجة من الحوار
انا عارف يا استاذ جنيدي ان حضرتك مش بتشكك في كلامي
لاني لا مستفاد حاجة ولا معايا عربية صيني ولا انا مهاجم ليها علي طول بالعكس انا من المؤيدين للصناعة الصينية تحت المقاييس الموحدة المحترمة

(بالمناسبة كان معاي جهاز بنتيم وان بروسيسور 133 لو حد يفتكرة كان كومباك وكان عندنا في الشغل وكان جواه هارد واحد جيجا سيجيت صيني -الجهاز كان كومباك وكان انتاج سنة 1993 - ومتصنع بالكامل بالصين-تحت رعاية كومباك طبعا-المهم الهارد خدتة من الجهاز بعد ما اتكهن وفضلت استعملة لحد وقت قريب لحد ما واحد زميلي في الشغل قاللي الهارد ده مش عايز يبوظ ليه -واحنا بنشوف هاردات دلوقتي بتعدي فترة الضمان بالعافية-فتح الهارد وبصم علي الاسطوانة الداخلية وجاب ابريق تقيل للزينة ووضعة فوق الاسطوانة ووصلة بالكهرباء وفضل الموتور يلف والابرق التقيل فوقه ولا الهارد طرقع ولا الموتور اتحرق -قام صاحبي اتغاظ وفصلة من الكهرباء ورزعـــــــــــــــــه بكل قوتة في الحيطة فرتكة 100 حتة من الغيظ) لمحة عن الصناعة الصينية تحت الاشراف الموجهة

علي فكرة انا كان معايا محمود حفناوي واحنا بنبيع العربية وشاف الحوار
اما عن العقد كان بيكتبة مصري معاهم مرافقهم
اما عن التاشيرات بياخدوا تاشيرة سياحة تقريبا ولما تنتهي ما بيرجعوش وبيقعدوا بطريقة غير شرعية
لو جيت العاشر من رمضان في منهم كتير قوي موجدين بمصانع الملابس وغيرها بينافسوا المصريين في اكل عيشهم وفرص العمل

اما عن كلام سبعاوي فطبعا يشوبة جزء من الصحة لان الراجل اللي معاهم واكل دماغهم بس هما شكلهم فاهم وصيع قوي ومدردحين جدا في الكلام
اما عن اختيارهم الفليشيا ده عشان بينزلو يبيعوا بضاعتهم في قري وكفور وعايزين حاجة عفشة جامدة
اما عن كلامهم معانا محستهمش خايفين من حاجة لاني شايفيني زبون واقف بتفرج وشكلهم بقالهم كتير في مصر لانهم عارفين كلمات عربية دارجة كتير وبيتكلموا بحرية

تحيتي مرة تانية
ومرة غير اخيرة
ولا عزاء للشعب المصري والصناعة المصرية

كريم منير