الموضوع: يا جماعه انا حاسس ان في مشكله في فتيس النيو سيراتو ارجو الافاده

الصوت ده طبيعي متقلقش ده بيحصل نتيجة النقلة فقط من n الي D وبيروح علي طول

بالمناسبة بقى وبجملة الكلام عن الاصوات, أنا عندي برده صوت كده غريب شوية ساعات باسمعه لما بكون ماشي على 30 كم/ساعة أو حاجة قريبا لكده وبعدين اشيل رجلي من على البنزين من غير مادوس فرامل. الصوت عامل زي سفارة كده وبجد قريب لصوت لعب الأطفال لما بتيجي تحدف قنبله مش عارف أنتم فاهمني ولا لأ

أنا عارف إن الموضوع يضحك بس أنا بتكلم بجد والله

أنت فكرتنى بذكريات تموت من الضحك.... أول مرة سمعت فيها الصوت ده قفلت الكاسيت وفضلت مركز معاه وكان بيحصل فى الحالات فعلا اللى قال عليها الزميلAtrees

الصفارة عصوتها عامل زي صوت الانجكشن بتاع ال بي ام - بسمعو بس وانا بهدي في الحالات :

بعد مشوار مش طويل بعد ما العربية بتوصل لدرجة الحرارة العادية
وانا نعشق الاوتوماتيك ومش دايس بنزين ولا فرامل
العربية علي سرعة 30 او اقل
- اول ما ادوس فرامل او بنزين تختفي تماما
- الصفارة صوتها مش بيزيد ولا بيقل ومالهاش دعوة بالتيل والفرامل - انا متاكد
- انا عامل 5000 كم
- سالت واحد معاة خليجي قالي نفس اللي عندة بالضبط

روحت صيانة ال 5000 وكنت طبعا جاهز أقولهم على العيب الخطير دا ... يا نهار أبيض العربية بتصفر...المهم قعدت أقول للمهندس على الصوت وهو يقولى فين ده و انا أقولو اهو انت مش سامعه..... راح جايب مهندس تانى و سألو انت سامع حاجة .... قالو قصدك صوت الصفارة وراح ضاحك.... وقالى الصوت ده عادى مفيش حاجة.
من ساعتها وانا عامل نفسى مش سامع حاجة.

المشاركة الأصلية كتبت بواسطة elmoski

الصوت ده طبيعي متقلقش ده بيحصل نتيجة النقلة فقط من n الي D وبيروح علي طول

احنا كل كلمنا على العربية وهيا على ال D من غير متنقل خالص

شكرا على مشاركتك

المشاركة الأصلية كتبت بواسطة sherif2net

أنت فكرتنى بذكريات تموت من الضحك.... أول مرة سمعت فيها الصوت ده قفلت الكاسيت وفضلت مركز معاه وكان بيحصل فى الحالات فعلا اللى قال عليها الزميلAtrees
روحت صيانة ال 5000 وكنت طبعا جاهز أقولهم على العيب الخطير دا ... يا نهار أبيض العربية بتصفر...المهم قعدت أقول للمهندس على الصوت وهو يقولى فين ده و انا أقولو اهو انت مش سامعه..... راح جايب مهندس تانى و سألو انت سامع حاجة .... قالو قصدك صوت الصفارة وراح ضاحك.... وقالى الصوت ده عادى مفيش حاجة.
من ساعتها وانا عامل نفسى مش سامع حاجة.

طب والله طمنتني بس أنا بقالي كتير قوي بفكر في الصوت ده ومش عارف له سبب وخايف أسأل

شكرا على ردودكم

المشكلة طلعت في الجراش :) ماشي ماشي :)