-
عملت حادثة !!
السلام عليكم
ابتدي و اقول حسبي لله و نعم الوكيل في البنيء أدم اللي خبط عربيتة و في القانون الزفت بتاعنا
انا غلطان عشان شلت عيني عن الطريق 3 ثواني بالزبط!!! و جية اليوم اللي كنت فاكر عمرة ما هيجي
تفاصيل الحادثة
خلصت فرجة علي الماتش طالع علي كوبري التجنيد في امان لله لاقيت العربية اللي ادامي مدية اشارة شمال قمت مهدي و انا بهدي قلت اطلع الموبيل ارن علي صاحبي عشان ينزلي فبعد ما طلعتة بصيت فية و ببص علي الطريق لاقيت عربية فيرنا راكنة علي الكوبري و المشكلة انو راكن في حطة مفيهاش عمود نور واحد و مع نزلة الكوبري يعني مكنش قادر يسيب العربية تنزل لاخرة و يركن و مش حاطط حتي مثلث ولا نيلة !!!!!! و المشكلة نسألة ركنت لية يقولنا كنت بجيب حاجة وقعت مني !!! و العربية لسة بكسها !!! هيكون اية غير حاجة مش مزبوطة مش عاوز يقول عليها !!!!
المهم لاقيت نفسي خابط فية عربيتة من ورا ولاقيت هوا بينوت من فوق الكبوت عندي انا قلت الواد وقع من علي
الكوبري
الناس اتلمت و عسكري مرور طلع قالي ان انا غلطان و نخلص الموضوع ودي عشان كدة هيبقيء جنحة و حوارات عشان انا خبط واحد !!!!
انا وقفت متسبت مش عارف اعمل حاجة
حاسس اني بضرب علي قفاية و ساكت
الواد طلع سليم منها خبطات لاكن مفيش كسر ولا نزيف انا بقيء العربية عندي
الرفرف اتاكل ربنا يستر ميكنش سمع في الحوض
كبوت عاوز يتسمكر و يترش
اكصدام ربعة اليمين طار
فانوس
زجاج امامي
والاخطر من دة كلة ان القايم اتخبط.....
المجنين ان مامكنتش بجري يعني ماشي علي 40 و ادخل في فيرنا يعني مش حاجة قديمة صاجها ناشف و يحصل كل دة
انا كنت عاوز ابيعها عشان محتاج فلوس يحصل كل دة
الحمد لله وربنا هوا اللي يدبرها من عندة
-
يالا معلش و ربنا يعوض عليك ان شاء الله
والحمد لله انها جت على كده و اللى خبطه طلع سليم من غير كسور و لا حاجه
-
الحمد لله انها جت علي قد كده
بس عموما في الحوادث لازم تجمد قلبك مع اي حد
ربنا يعوض عليك وده طبعا اكيد شيء فدا حاجه تاني
بس كده بتاع الفيرنا هو اللي غلطان
انت ازاي خليته يقول عليك انت اللي غلطان
-
الحمد لله على كل حال...
قول اللهم أجرنى فى مصيبتى وأخلفنى خيرا منها وإن شاء الله تتصلح وترجع أحسن من الأول
-
مش هوا اللي بيقول الامين ولا العسكي بتاع المرور و صاحبي لما جية قالي هيطلعوك غلطان وممكن يعملك جنحة
المشكلة ان الواد نفسة قالي اللي تام بية جة صاحبي و الراجل اللي كان معايا طينوا الدنيا ربنا يسامحهم
-
تأمر
انا كل مافتكر بحس اني بجد غلطان 1000% مش عشان خبطة بس عشان كنت نازل مترب و طلبتلة الاسعاف و مكنش لابط معاهم
-
مش عارف اقولك اية بس ربنا معاك ..
-
الحمد لله على كل شىء
بس أزاى تسبهم يغلطك
دا واقف فى منزلكوبرى
دا يتعدم
على العموم مش وقته طبعا
ومتقلقش ان شاء الله ترجع زى الاول
-
انا من ساعة ما روحت و انا عمال اتفرج علي افلام عشان مش قادر افكر هاعمل اية و الموقف حارق دمي بطريقة فوق الوصف و الهوندا ما شاء لله عليها ما بتصدق حد يلمسها عشان تلاقيها بقت عملة زي علبة سردين
-
الحمد لله على سلامتك وفداك الف عربية طلاما أنت سليم واللى يجي في الحديد يتعوض
-
الف سلامة عليك ياباشا وخير ان شاء الله والحمد لله انها جت على قد كدة وانت والراجل ماحصلكوش حاجة وجت فى الحديد
ودية بردة نزلة كوبرى يعنى العربية واخدة سرعة
بس غريبة اوى انك على 40 ومالحقتش تدوس فرامل ,وازاى الخبطة وصلت للقايم
-
واللهي يا سمسم انا كل اللي فكرة و بيجي لما احاول افتكر ان اول ما العربية اللي ادامي راحت شمال لاقيت نفسي ادامي الفيرنا يعني ال ادامي لحق نفسة علي اخر لحظة
بعد كدة الاقي بني أدم عربيتي داخلة فية قام هوا ناط فوق الكابوت عندي وعربية خيشت في الاكصدام بتاع الفرنا
انا مش عارف اية اللي خلي القايم يحصلة كدة بس تقريبا دة من دماغة او كوعة
بجد سبحان الله انة قام سليم يعني كان ممكن يقع من ع الكوبري او يتزنق بين عربيتي و عربيتة بجد دة اتكتبلة عمر جديد واللهي
انا هنزل اصور الخبطة
-
-
-
-
أولا الحمد لله على سلامتك فوق كل شيء.
أنا لو كنت شوفت الصور من غير ما تحكي إللي حصل كنت قلت إنها إتخبطت و هية واقفة ... شكل الخبطة غريب فعلا.
بس برضو الحمد لله إنها جت لحد كدة و محصلش إصابة للراجل أو الأسوأ إن لا قدر الله إنت يجرالك حاجة ... والله مال الدنيا ما يعوضش إن الواحد يحصلو حاجة فيه هو شخصيا.
ربنا إن شاء الله يعوضك خير و إحنا برضو في الخدمة لو إحتجت أي مساعدة.
ربنا يزيح الغمة دي عنك إن شاء الله بسرعة
-
-
الحمد لله على سلامتك
انا حصلى الحوار ده السنه اللى فاتت على منزل اكتوبر بس البيه كان بيرجع بضهره وطبعا عشان ليه معارف وواسطه طلعني غلطان ولعب فى المحضر
لا وكان بيقولى اصلحله عربيته اللى شيست :_Alshmokh08[1]:
انا كنت نازل على 70 وهوه راجع بضهره
للاسف هيا دى بلدنا وهوه ده القانون الوهمى اللى بيضحكو بيه علينا
-
-
قدر الله وماشاء فعل وفداك كل حاجه اهم حاجه ان انت كويس
موضوع بقى انت غلطان ولا لأ بصراحه مش عارف اقولك ايه بس انت متأكد ان ده كان امين شرطه ولا عسكرى؟
اصل حاجه بديهيه كده ان محدش يركن فى منزل كوبرى (بعيداً عن القانون خالص اللى اكيد بيمنع الركن فى الاماكن دى )
-
-
قدر الله و ما شاء فعل
و الحمد لله ان حضرتك بخير
-
معلش قدر الله وما شاء فعل
بس بجد سؤال !!
هو اساسا مينفعش يقف على الكوبري !! يعني مش غلطتك .. كنت تحور معاهم وتثبت انه فعلا كان واقف على الكوبري .. بالمعاينة وشهود اذا كان فيه حد ..
ربنا يعوض عليك
-
-
ربنا يعوض عليك .. الحمد لله انها مش اكبر من كدا
-
يا جماعه اولا حمدا لله على سلامتكم انتوا الاتنين. ثانيا معروف طبعا ان الوقوف على الكوبري و خصوصا المنزل ممنوع تماما بس ساعت الحادثة محدش بيفكر ايه اللي ممنوع و ايه اللي مسموح بتبقى دربكه! ثالثا انت برضه غلطان انك تشغل نفسك بموبايل و انت بتسوق على كوبري يعني حيز المناوره ضيق و كمان الطريق الرؤيه مش واضحه قدامك علشان في عربيه قدام و لأن الشارع ضلمه زي ما انت قلت. رابعا ساعت القدر يعمى البصر. الحمدلله الواد مماتش لأن ساعتها كنت حتبات في الحجز و جنحه و عرض على نيابه و تعويض مدني و تأنيب ضمير و بلاوي زرقا كنت انت ساعتها ياريت العربيه راحت ولا كانش مات و الا لو اهلوا صعايده و قالوا تار! الحمدلله الحادثه مش كبيره و القايم يتصلح و يبقى زي الفل و ربنا يعوضك خير (انا بحب اصطاد في الميه العكره : اخلص معاك في العربيه ب 28 الف :E_braces[1]: بهزر)
-
والله ما عارف اقولك غير حرام اللى بيحصل فى البلد دى والناس اللى مش عارفه ابسط قواعد السواقه والوقوف يبقى مياخدوش رخصة اساسا ...
-
قدر الله وماشاء فعل
و الحمد لله على كل شئ....
-
يا عم احمد ربنا
انت مش عارف انك في مصر
في مصر يعني حافظ علي نفسك بنفسك
أمال لو كنت ماشي علي 100 فالدائري أقصي الشمال و تلائي فجئة
عربية نص نقل واقفة عشان تنزل واحد من الباب اليمين , شوف اذاي , جبروت
-
الحمد لله و قدر الله و ما شاء فعل و ربنا يعوض عليك
Content Relevant URLs by
vBSEO 3.6.0 PL2