سأبدأ برأيي واقول ان 50 بطولة افريقية لا تساوي مباراة واحد في كاس العالم حتى لو خسرنا هذه المباراه
سأبدأ برأيي واقول ان 50 بطولة افريقية لا تساوي مباراة واحد في كاس العالم حتى لو خسرنا هذه المباراه
لا مقارنه فى رأى
اللعب فى كأس العالم حاجه تانيه
الهدف من الموضوع يا اخوانا
ان
احنا حتى لو فزنا على الجزائر برضو مش هنرد اعتبارنا
انا شايف ان الفوز بكأس الأمم الافريقيه أهم, لأنها بطوله بتسجل باسم مصر...
اما كأس العالم, اللي بيتأهل و يلعب و يخرج, بيتنسي مع الوقت, و مفيش اي بطوله بتضاف لهذا المنتخب
كأس العالم يكون ليه طعم لو هتنافس في الأدوار النهائيه, أو تكسب الكأس بالفعل و هي دي الاضافه...
بكأس افريقيا انت بتتوج كأحسن منتخب في قاااره أفريقيا كلها, و انت البطل لهذه القاره...
ان شاء الله نكسب كأس افريقيا و نكون أبطال افريقيا للمره الثالثه على التوالي... يـــــــا رب
طبعا التاهل لكاس العالم افضل احنا حققنا كاس الامم الافريقية 3 مرات لكن كاس العالم !!!
بس رسميا الفوز بكأس الأمم أفضل
لأنها نجمة بتتحط علي تيشرتك و بطولة باسمك
و البطل واحد فقط
لكن شعبيا ،، أكيد كأس العالم أفضل و لا يعوض
مساء الفل يا احمد باشا الصراحة انا ماليش فى الكورة قوى :Ka_che1[1]:بس المهم نكسب اى حاجة اهو اى حاجة تفرحنا والمهم ما يخلوش الجزائر تعلم علينا مرتين مرة تطلعنا من التصفيات ومره من افريقيا بعد كده ممكن يخرجونا من قارة افريقيا ويقولينا انتو تبع اسيا :dzey:
انا اصلا مش حاسس بفرحة البطولة دي بعد ما خرجنا من كاس العالم
كاس الامم ده الاهم
اولا لتوسيع الرقم القياسي
ثانيا لنحقق رقم قياسي لم يحقق في العالم بان يفوز منتجب ببطوله قاريه 3 مرات متتاليه و يحتفظ بالكاس
يعنى ايه اشارك فى كاس العالم واتبهدل وارجع متهيالى الفوز بامم افريقيا احسن وكمان تبقى انجاز لتالت مره افضل وتاريخ يسجل للجيل ده لانه يستاهل اكتر من كده لو تفتكروا اول مشاركه للاهلى فى كاس العالم للانديه والمستوى اللى ظهر به وهزيمته المريره من الفريق السعودى متهيالى ساعتها محدش قال انه كاس العالم للانديه انما كله قال ايه القرف ده وفضيحه وانتوا عارفين الباقى خللينا نبقى واقعيين ديه اخر فرصه للجيل ده ربنا يوفقهم يارب ياما اسعدونا وبسطونا ومهما حصل برده مش حنزعل منهم لانها فى الاول والاخر كوره يعنى رياضه يعنى روح رياضية عاليه بدون تعصب اعمى
يارب انصر مصر من المتامرين
فرصة اللعب والمشاركة في كأس العالم عدت وفاتت خلاص مش هنقعد نعيط على الماضي ونحط ايدنا على خدنا.
انا عندي نفوز بكأس الأمم الأفريقية بدل ما العب في كأس العالم واخرج من الدور الأول واحتمالات ان دمي يتحرق الاسكور كبيرة!
انتوا يا جماعة بتتكلموا علي اساس ان احنا خلاص هناخد البطولة
و احنا لسة ملعبناش قبل النهائي
و الناس اللي بتقول مش هتفرح لو خدنا البطولة هسألكو سؤال
مصر لو خدت المركز التالت او الرابع مش هتزعلوا ؟
كاس العالم طبعا ....... انما فى الوقت الحالى مادام فاتك "الجنوب افريقى" حاول تكسب "الانجولى"
أنا لما شفت فريق الجزاير فى ماتش كوت دى فوار و هما بيجروا رهوانات طول الـ 120 دقيقه
و شفت منتخبنا فى ماتش امبارح ( توجست خيفةً )
أتمنى من كل قلبى أن تكون ظنونى فى غير محلها ..
و مصر تفوز على الجزاير ..
ونلعب النهائى ..
و نكسب و ناخد الكاس كمان .. قولوا معايا يا رب
كاس العالم اهم طبعا
حتى لما نكسب امم افريقيا هنكون عاملين زي الاسود اللى من غير انياب
مش عارفين نلعب مع كبار الفرق العالمية
نفسنا نكبر ونلاعب الكبار بقا
طبعا الفوز بكأس افريقيا افضل بكتير
لاننا اولا خلاص فاتنا كأس العالم
ثانيا حتى لودخلنا كأس العالم ماهى احتمالات فوزنا بيه؟؟؟؟؟؟؟؟؟؟
يمكن مانزعلش لو شاركنا فى كأس العالم وما اخدناهوش
بس هنتقهر لو ما اخدناش كأس افريقيا
حتى لو شاركنا فى كاس العالم مستحيل ناخده وتمثيل مشرف والكلام دة الاهم والاحسن كاس الامم لان تلات مرات ورا بعض اعتقد دة المستحيل ان اى فرقة تاني تحققه فى فترة كبيرة جدا ونحتفظ بالكاس ويبقى رقم قياسى سبع مرات ونبقى بعدنا عن الكاميرون وغانا لانهم ورانا تقريبا باربع بطولات