أنا عن نفسى مستعد اروح اول واحد الصعيد على الرغم من ان انا مش صعيدى وبالاخص أسوان أنا بحب أوى البلد دى و ناساها الطيبين فوق العاده :S_thum1[1]:
عرض للطباعة
أنا عن نفسى مستعد اروح اول واحد الصعيد على الرغم من ان انا مش صعيدى وبالاخص أسوان أنا بحب أوى البلد دى و ناساها الطيبين فوق العاده :S_thum1[1]:
انت بتقول فيها؟! انا نفسي اسيب القاهرة برضة و الله بس انا والدي و والدتي و جدودي من هنا كلهم لعني ملناش بلد ولا قرايب في الصعيد علشان نروحلهم و نرتاح من الزحمة المرورية و الانهيار اللي شايفينه دلوقتي. الدائري كنت باخدوا من اولو لأخروا في ربع ساعه دلوقتي علشان تعدي نزلة الاوتوستراد بس في ساعة و بعدين نزلة المنيب بتاخد ساعه كمان! اهل اسوان ناس قمة في الادب و النظام و الاخلاق, انا عاملتهم برضه و ترتاحلهم. ممكن نبقى نروح سوا :S_thum1[1]:
حل المحافظ لمنع التهجيرغير عملي وهو يحتاج لسنوات من النمو والتطور في الأقاليم
كدة خلى بالك على نفسك من الصاعيدة بقى
الإقتراح الأول بتاع إن الناس ترجع ده غريب جدا .. أنا واحد من الناس في اخر سنة في كلية هندسة .. و ناوي أول ما أخلص بإذن الله أستقر في القاهرة .. و أنا حاليا في إسكندرية .. طيب إسكندرية تعتبر فلاحين و لا صعايدة .. الكلام اللي قاله المحافظ السابق ده دليل على إنه ما بيحاولش يتعب نفسه في التفكير .. و بعدين أنا إن شاء الله ناوي أقعد في القاهرة لأسباب شخصية و غالبا هاجي القاهرة مش عشان أشتغل بشهادتي لأ عشان أعمل مشروع تجاري .. ما أعتقدش إن في محافظة في مصر ممكن تعمل فيها بيزنيس زي القاهرة .. لأسباب كتير أهمها حجم السوق الكبير لمعظم المشاريع .. طيب الفئة دي تسيب أشغالها و مصالحها و تديرها من على بعد من محافظاتها الأصلية .. أكيد ما ينفعش .
العمليه بسيطه و صعبه في نفس الوقت. نحدد دلوقتي مين اللي ممكن يرجع و مين مش ممكن يرجع؟
في الاعياد تلاقي البلد فضيت خالص يعني على الاقل نصفها مش فيها ده معناه انهم عماله غير مستقره في المدينه يعني بيروحوا و ييجوا كل اسبوع او شهر دول نحدد سبب قدومهم الى القاهره و نوفرها ليهم في بلدهم الاصلي!
على سبيل المثال عامل شغال في مصنع في العبور او اكتوبر مصنع مواد غذائيه نقوم ببناء 4 او 5 مصانع قطاع عام او خاص في 4 او 5 مناطق مركزيه في الصعيد و وجه بحري بكده حنوفر ليه عمل قريب من محل سكنه يعني مواصلات اقل تكلفه ترابط اسري بينه و بين اسرته و ده برضه معناه تربيه لأولاده في وجود ابوهم معاهم.
مصنع ادويه نعمل 3 او اربع مصانع . مصنع كيماويات. مصنع اجهزه كهربيه. مصنع غزل و نسيج. و هكذا دواليك. و طبعا العماله الغير مستقره دي تفضل تشتغل في بلدها الاصلي او على الاقل في بلد جنب بلدها و بيتها. و ده حيقلل الزحام في العاصمه و حيوفر فرص عمل لأبناءها الاصليين!!
دا غير ان مشاريع بناء المصانع دي حيوفر فرص عمل مهوله لطائفة المعمار من مقاولين و عمال و غفر و بناءين مما يؤدي الى استقرار ابناء الطائفه دي في مدنهم الاصليه لتوافر فرص عمل ليهم بالقرب من مسكنهم و اهلهم و بالتالي توفير فرص عمل لأبناء العاصمه العاملين في هذا المجال للحصول على فرص عمل بدلا من البطاله و ايضا تخفيض الزحام!!
المحافظ السابق على الرغم من ان الاغلبيه هاجمته (غالبا لانهم مشمولين في اقتراحه) كان على حق و كان اقتراحه ده مش عشوائي يعني مكنش حيتعمل في يوم و ليله!!!! نعمل كمين و نبص في البطاقه و اللي مش مواليد القاهره يرجع! طبعا ده سذاجه في التفكير و سطحيه! المشروع كان ممكن يستغرق دراسه سنه او اتنين و تنفيذ محتاج ميزانيه و فتره قد تصل ل 5 سنوات ميزانيه لدعم المستثمرين اللي حيبنوا المصانع دي! و مع توافر المصانع و عودة العماله سيتم بناء مدارس و مستشفيات و سيعود المدرسين و الاطباء و الممرضين المهاجرين الى القاهره الى مدنهم الاصليه حيث يتواجد اسرهم و بيوتهم! مما سيؤدي مره اخرى لتوافر فرص عمل لأطباء و ممرضات و معلمين من ابناء القاهره و سيقل الزحام بنسبه لا تقل عن 50% و ستنخفض اسعار المواد الغذائيه و الايجارات و الوحدات السكنيه!
المعادله لو تم تنفيذها سيصبح الجميع فائزين ! صحه نفسيه و بدنيه افضل (لعدم وجود زحام و تلوث و وجود تقارب اسري)! توافر فرص عمل للجميع! انخفاض الاسعار. زيادة الصناعه و الناتج القومي للبلد !
انا مش بتكلم عن اللي جده او والده جه القاهره من 50 سنه و ميعرفش بلده فين او ميعرفش قرايب ليه و نيجي نقوله انته روح سوهاج علشان جدك كان من هناك و هو ميعرفش سوهاج فين اساسا!!!!
ارجو التعمق في فهم الفكره قبل التعليق عليها!
و شكرا للجميع
1- كل النقل العام الموجود ده يتشال ويتعدم ويجيبو اتوبيسات ادميه
2- يلغو كل الميكروباصات والمشاريع اللي مليه البلد
3- يتعمل مواقف مخصصه لوقوف الاتوبيسات مش تقف في اي حته والسلام
4- الأهتمام بالطرق والأشارات
5- واخر حاجه الوعي الفكري للشعب الجميل لان كل اللي فات ملوش لازمه لو فضل الشباب مقضينها غرز والتاكسيات مقضياها بلطجه والمشاه مقضينها استهبال وتعديه من اي حته
ودمتم
فعلا الاتوبيسات و الميكروباصات سبب رئيسي.
في دول الاتحاد الاوروبي و في اي دوله محترمه الاتوبيسات ادميه واسعه بتسير ببطئ و على الجنب اليمين علطول بتقف في المحطه و بعدين تفتح الباب زي المترو بالضبط! لو في اوتوبيس جوه المحطه قبله يستنى وراه لحد ميطع و بعدين يدخل و يفتح الباب و يستنى لحد ما كل الناس تدخل و بعدين يقفل الباب و يتأكد انه اتقفل و بعدين يمشي.
في اتوبيسات بتمشي بالكهرباء برضه نفس الموضوع
التاكسي استحاله يقف صف تاني حتى لو ثانيه واحده علشان يركب او ينزل حد.
ضابط مرور على ناصية كل شارع رئيسي الناس بتحترمه زي مبيكون لواء شرطه مش عسكري!
لو عملت اي مخالفه مفيش ياما ارحميني و ميعرفوش كلمة معلهش اللي خاربه بيتنا!
الشوارع الخلفيه مفيش عسكري واقف فيها علطول بس في عربية دوريه او اتنين ليهم منطقه معينه بيلفوا في شوارعها الخلفيه علطول لو في حادث او مشكله او سياره عطلانه او واحد بيهزر و قافل الطريق او عربيه صف تاني او اي حاجه ليها علاقه بالامن او بالاخلال بالمرور.
النظام علاجه الوحيد اهتمام الحكومه نفسها بالنظام. لكن اذا كان رب البييت بالدف ضارب فسمة اهل البيت ال.....
الكلام دة لو حدث تبا القاهرة مفهاش ناس لان معظم اهالى القاهرة او اى مدينة كبيرة اصلها اما من الارياف او الصعيد
الكلام ده غير صحيح بالمره! ايام الحمله الفرنسيه على مصر كان تعداد سكان العاصمه في اول تعداد سكاني منظم من قبل المستعمر الفرنسي اوضح ان تعداد سكان العاصمه نصف مليون نسمه من اصل 5 مليون نسمه لمصر ككل! في نهاية الاستعمار البريطاني تم عمل تعداد اثبت ان سكان العاصمه تجاوز ال 2 مليون نسمه! يعني بحسبه بسيطه للتكاثر نلاقي ان التعداد الطبيعي للعاصمه على فرض وجود هجره داخليه طبيييييييييييييييعييييييي يية سكان القاهره المفروض يكونوا من 6 الى 8 مليون نسمه!!! ده مع فرض وجود هجره طبيعيه و متوسطه مش ضئيله او هجره جماعيه زي اللي بنشوفها دلوقتي. بس اللي حصل ان مصر مساحتها يتجاوز المليون كيلومتر مسطح تعداد سكانها كله لو يقدر يتحشر في القاهره الكبرى اللي مساحتها 214.2 كيلومتر مسطح و هذا السبب اللي يعطينا كثافه سكانيه تتجاوز 35000 مواطن للكيلومتر المسطح في العاصمه!!!!!!
للعلم فقط عند عمل البنيه التحتيه لأي مدينه يتم عمل خطه خمسيه او عشريه بدراسه نسبة المواليد و معدل النمو السكاني (لتوفير مرافق و مدارس و مستشفيات و تعمير مدن جديده) تدرس النمو السكاني الطبيعي و يتم اضافة نسبه زياده من 5 الى 10 في المائه للهجره الداخليه. اللي بيحصل هجره تتجاوز ال 100% !!! مما يؤدي الى حدوث نقص حاد بالموارد و المرافق و الخدمات! على سبيل المثال المياه تصل حاليا الى 85% فقط من سكان العاصمه! الكهرباء الى 97% من سكان العاصمه. هيئة نظافة و التجميل تزيل المخلفات ل 68% فقط من سكان العاصمه! بسبب العشوائيه في الهجره.