عرض للطباعة
عندي مشكلة مزمنة في حساس الشكمان الأمامي وهو 2 سلك لأت السيارة نوبيرا كوري وموش لاقية وهو مثل حساس الأوبترا بالضبط لكن غالي قوي وموش موجود وفي ميكانيكية قالولي افصل الفيشة وتحرك بدونة هتلاقي البنزين حرقة تحسن و الإستهلاك قل مع العلم ان عندي البنزين رائحتة في العادم واضحة و الحرق غير جيد و الرشاشات سليمة هل افكها و اجرب حالة العادم والأداء ولا ممكن يحصل حاجة في الكنترول يونت
أنا فصلته عندي من اللانوس ومشيت من غيره فترة طويلة وماقدرش أحكم على الاستهلاك لكن السحب كان كويس من غيره لأنه أصلا كان بيخرف .. لكن طبعا وجوده مهم وهو سليم علشان يحسن من كفاءة العربية عندك ومعدل الاستهلاك..
لمبة التشيك نورت عندي بعد 30 كيلو من المشي من غيره ولما ركبته اللمبة فصلت .. فصلته .. اللمبة نورت ..
ماتخافش من الكونترول يونت .. هي هاتسجل العطل لكن العربية هاتمشي عادي .
مشكور يا أخي يعني الأداء تحسن بدونة فهذا يعني تحسن نسبي في الحرق للوقود ولكن طبعا لن يتماثل مع اقتصادية الإستهلاك مع الحساس السليم
أنا لما لغيته ومشيت بيه شوية لاحظت الآتي
1- دخاااااااااااااان رهيييييييييييييب من الشكمان وخصوصا لما تزود بنزين وانت واقف أو لما تسحب فوق 4000 rpm
2- استهلاك بنزين عالي جداااا الصفيحة 90-110 كيلو بدل 200-240 كيلو
3- البوجيهات هتطلع مهببة
4- العربية هتقطع وتنتش وهتكون غير منتظمة
5- العربية هتكون مكتومة هتضغط بنزين لآخر الدواسة مش هيحصل أي سحب
6- ضعف رهيييب في الأداء
الكلام ده اللي حصل معايا في اللانوس لكن بيبدأ يظهر الكلام ده مش لحظة خلع الحساس ولكن بعد ما تخلعه ب 5 كيلو تقريبا
جرب عندك فك الفيشة وامشي كده وشوف الوضع هتتمشى معاه ولا لأ
ممكن تشتري الحساس استيراد بالضمان بس من حد مضمون وجربه هتلاقي سعره أقل من نص سعر الجديد وغالبا هيشتغل كويس
حساس اللانوس جديد كان ب 320 جديد ولقيته استيراد مضمون ب 130 جنيه وناس زمايلي اشتروه وشغال كويس معاهم
السلام عليكم ممكن اعرف مكان حساس الشكمان بالصور ولكم جزيل الشكر
لا لا لا واضح ان تجربتك مع فصل حساس الشكمان مخيفة جدا انا بصراحة موش هفصلة همشي كدة وخلاص وامري لله لحد ما ألاقية لو فية حد يقدر يوصلنا للحساس دة الإثنين طرف استيراد بسعر مقبول يبقي كتر خيرة لانة في المنصورة استيراد ب 350 جنية !!! وجديد ب 450 دة كلام بالذمة
ياباشا هتلاقية استيراد دة النوبيرا اللى متقطعة كلها بريميوم
دورت عند الاستراد