مشكلتين عندى فى البيتل . . حد عنده فكرة ؟؟؟

اولا السلام عليكم ورحمة الله وبركاته
ويارب كلكم تكونوا بخير وصحة يارب ان شاء الله

نا داوشكم معايا دايما بس اعمل ايه مليش غيركم اسائله
عندى مشكلتين ف العربية وعايزنصيحة عشان اعرف اتصرف صح

المشكلة الاولى اللى دوخت اهلى :H_angry[1]:
كتاوت الدينامو اللى بتبقى جمب البطارية دى
انقرضت من الكون مش لاقيها غير ف التوفيقية بـ 300 جنيه ودا سعر عجيب جدا ليها
اللى اعرفه ان سعرها اقل من كده بكتير
ف ياريت لو حد منكم عنده خبره ف الحكاية دى ينصحنى اعمل ايه ولا اروح لمين لان الكتاوت عندى باظت

المشكلة التانية ...بعد ما ربنا كرم احد اصدقائى(:khd:الله يسامحه) وافتكس ف العربية وعلى صوت الموتور ع الاخر ال ايه بيسخنها . . ظهر فجاة صوت عجيب ف الموتور .. صوت ترزيع (( زى صوت كده اى مروحة لما بتحط فيها اى جسم ))
ياترى الصوت دا ممكن يكون من ايه بالظبط
وبردو انصحونى اروح فين ولمين


انا راكن العربية والله وخايف امشى بيها عشان مزودش الطينة بلة
يارب يكون الامر هين

بالله عليكم انصحونى اعمل ايه ف المشكلتين دول :B4_611:
وجزاكم الله خير الجزاء


فى انتظار ردودكم

بالنسبة لمشكلة الكتاوت فى كهربائي كويس انا عرفته
كان عندى مشكلة فى الشحن من الكتاوت وهو ظبطهالى هى بتبقي معلقة

وهو برضه بيعرف يجيب قطع غيار لو محتاجها دا غير جنبيه كل جبابرة الاستيراد

هو اسمه محمود
موبايله 0123768020
مكانه الطالبية - الهرم من شارع الهرم عند فندق اوروبا
عند الشارع اللى فى اوله شركة سيد للادوية
هتلاقي فيه تكاتك ومكروباصات
امشي على طول هتلاقي كوبري الطالبية الجديد بالعرض
لف شمال فى الشارع ده اسمه خاتم المرسلين
هتلاقي الشارع بتاع الورشة على يمينك فى ناصيته قهوة
ولو رحت شركة سيد وكلمته هيوصفلك بس عامتا المكان سهل جدا

ومتقلقش من التعامل معاه هو شاطر جدا والناس بتجيله من كل حتة
وحنين جدا فى الفلوس بشهادة كل اللى اتعامل معاه


اما مشكلة الموتور والصوت اللى فيه
فدى سببها ان صاحبك لعب فى ظبطة الكاربراتير مش على الموتور بس
فلو جنبك ميكانيكي فولكس خليه يعملهولك ومتمشيش عليها مسافات كبيرة
لان ممكن يكون على مسمار الهوا عن اللزوم

وربنا معاك وابقي طمنا عليك

------------
محمد سالم

بص يا باشا الكتاوت ممكن يصلحها او عنده قدطع غيار مسعود الكهربائى 0128259917 اما صاحبك ده على كهربة الماتور جامد و ممكن يكون الماتور بيرزع اصلا بس الصوت على و بان بعد الكهرباء ما عليت

الله المستعان

ابقي طمنا عليك يا ريس لو تتوصل لحل

بجد كان نفسي افيدك بس خبرتي قليله

اولا بجد جزاكم الله كل خير يارب على تفاعلكم مع الموضوع

smsmxxxxxx بالنسبة للكهربائى انا كده عرفت مكانه ربنا يكرمك يارب لانى من الهرم اصلا

اما حكاية الكاربراتير ف صاحبى ملعبش فيه ولا حاجة
هو بس فضل يزود بنزين جامد للعربية وعلى صوت الموتور اوى وفجاة وهو دايس بنزين بالغباء دا الصوت ظهر مش عارف دا يبقى ايه بقى اناخايف تكون حاجة جوا الموتور نفسه
وعامة ربنا يارب يجازيك خير على اهتمامك يا باشا

amo400 شكرا اوى يا باشا لمساعدتك وربنا يجيب العواقب سليمة

gomangy كفاية ردك على الموضوع واهتمامك دا لوحده كفاية يا باشا وربنا يكرمك يارب ويجازيك خير


وبجد شاكر اوى لمساعداتكم وياريت اللى عنده اى معلومة تانى ميبخلش علينا

وان شاء الله اول ما اروح للميكانيكى والكهربائى هقولكم على اخر التطورات وايه اللى تم

تحياتى


[caution]

اللون الأحمر مخصص للمشاركات الإدارية فقط
القوانين العامه الواجب اتباعها لجميع الاخوه أعضاء المنتدى
مشرف الأوروبى 2

[/caution]

السلام عليكم ورحمة الله وبركاته

مسعود الكهربائى اللى فى الملك الصالح - ممتاز فعلاً زى ما قال أيمن
و لو بعيد عليك شوف الكهربائى اللى قالك عليه أخونا محمد سالم

أما بخصوص صوت الماتور:
لو صاحبك مالعبش فى الكهربا بتاعة الإسبراتير ولا لعب فى الكربراتير و زود بنزين جامد جداً و العربية لسة بتسخن يبقى ممكن يحصل التالى لا قدر الله:
1- طقم شمبر - و ده مش بيأثر بصورة ملحوظة فى صوت الماتور لكن العربية تاكل زيت و تدخن دخان أبيض و العزم يقل بتاع الماتور.
2- بيل أو سبيكة أو كرانك - ودول بيخلو صوت الموتور خشن و بيرزع و تحس بيه أكتر مع بداية الدوارة الصبح و تحس بخشونة و ترزيع فى الماتور و تروح بعد شوية.

و ممكن مايكونش ده كله و يكون فيه ورق أو أى حاجة فى مروحة التبريد اللى خلف الدينامو و إن شاء الله تكون بسيطة

استاذ/ احمد حسن
متشكر جدا على الاهتمام وعلى افادتك

بالنسبة للكهربا ربنا يسهل واقرر هروح لاى واحد اللى ف الملك الصالح ولا اللى ف الطالبية

بس قبل الكلام دا انا لازم اروح لميكانيكى كويس يشوفلى موضوع الترزيع دا
وربنا يارب يجيب العواقب سليمة ومتكونش حاجة كبيرة

ومتشكر تانى ليكى و جزاك الله خير الجزاء