شكرا لصاحب الموضوع
ويارب المشكلة تختفي عن قريب
عرض للطباعة
شكرا لصاحب الموضوع
ويارب المشكلة تختفي عن قريب
الأصوات في السيريون، ده حوار عايز لجنة فحص، عن نفسي أنا لاقيت حل مريح ، بورده خشب - سماعتين kenwood - و بعلّي علي 20 ;)
يا مستر بامية متدايقش نفسك من اللي شاف الموضوع و ماردش، في اللي كان مشغول ، في اللي كان مستعجل مثلاً وهكذا.
بس فعلا ازاي عرفت تحدد مكان الصوت ؟؟ :).
جورج باشا العفو يا صديقي ولا شكر على واجب وكان نفسي اقابلك على فكره بس للاسف معرفتش اروح المعرض وعشان كده ما كلمتكش وان كان على التجليد ياعم خودني معاك في العربيه وخلاص هههههههههه :36_7_7[1]: وبتعرف كويس اوي انك مش مهتم بالاصوات دي وياريتني ابقه زيك لما اكبر ههههههه بجد انت في نعمه انا بقه للاسف عمري معرف امشي كده وانا سامع اي صوت وبفضل وراه لحد معرف هو منين بالظبط وحتى لو ماقدرتش اتخلص منه بس برتاح شويه لما اعرف مكانه :S_thum1[1]:
وسلامتك الف سلامه واهم حاجه تكون كويس ياباشا واحكيلنا طيب ايه اللي حصل ولو عايز اي حاجه محدش هيتأخر عليك طبعا وشكرا ليك يا جورج
استاذ محمد ربنا يكرمك على كل الكلام الحلو ده وعلى فكره انا مش بعمل اي موضوع عشان يبقه في ردود كتير وشكرا وكده بس لا انا نفسي يبقى في تفاعل مع الموضوع يعني ناس تشكر ناس تنتقض ناس تعدل ناس تقول وجهة نظرهم ولو حد عنده حل احسن وكده يعني وهو ده المقصود لكن حاجه تزعل لما يبقى الزيارات اضعاف اضعاف اضعاف الردود :U_thin1[1]:
عموما ياباشا يارب اقدر اساعد اي حد باي حاجه انا بقولها بالنسبه للسيريون المشكله مش فيها فعلا المشكله في بلدنا اللي بجد تزييق اجدع عربيه لكن تخيل لو الشوارع زي الفل ومرضوفه وتمام مش هتلاقي الاصوات دي بالنسبه للصوت انا زي ما قلت قبل كده خبره يعني في تتبع الاصوات دي ههههههههههههه هوايه تقريبا :L_bhuhhh[1]: المهم انا سمعه بقالي فتره بس مش عارف احدد مكانه نظرا للدوشه وبكون مشغل الكاسيت وهو صوت مش عالي يعني ومش بيبان غير لو ماشي براحه برده في حته مكره وانت مركز معه زي حالاتي كده فانا روحت مكان مكسر وهادي وحلو ورومانسي :8_8_13: وركزت اوي لحد ما حددت انه جاي من الكتله بتاعت الدركسيون اللي هي العدادات بالدركسيون بس وبدأت بقه اضغط علي كل الاماكن البلاستيك لحد ما لقيت الصوت راح لما ضغطت على المكان اللي قلت عليه قبل كده وعملت بقه نفس الكلام اللي قلته في اول الموضوع وعلى فكره الحبايه بتاعت العدادت دي برده لها شويه اصوات بس مش عارف لها حل لسه بس هو صوت خفيف مش باين زي الصوت التاني حضرت جرب زي منا عملت روح مكان مكسر وهادي واقفل زجاجك وتتبع مصدره لو لقيته من نفس المكان يبقى خير وبركه على منشوف حل اظرف من ده وتقبل تحياتي ليك
ابو عبدالله بتوحشنا ياباشا يعني لازم اعمل نفسي زعلان عشان تظهر انتوالناس الجميله دي :S_thum1[1]: انا زي ما قلت فوق ياباشا مش زعلان ومش مستني رد وششكر انا نفسي في تفاعل مع المواضيع شويه عن كده :unhappy:
بالنسبه للفيبره دي بقه هي ملهاش حل لانها اصلا مش متثبته من جميع الاطرف هي ممسوكه ب 3 مسامير فقط ومن تحت من المكان اللي قلت عليه مفيش حاجه ماسكاها وعشان كده هي بتتهز وتعمل الصوت ده وعايزه حاجه تثبتها بالنسبه للمنظف او الملمع انا مش عارف اجيب نوع ايه لان التابلوه اصلا كله بلاستيك مش جلد طري زي العربيات الاخرى وعشان كده مش هيمتص المنظفات دي بس انا بلمعه بحاجه حلوه قوي وريحتها ظريف
بجيب مناديل بتاعت الاطفال البيبيهات اللي هي بتكون معطره وفيها سنه جلسرين كده وبلمع بها التابلوه والابواب كمان وتحسس من ريحتها انك قاعد في سرير البيبي :S_thum1[1]: ياريت لو تقولي على نوع حلو للتابلوه البلاستيك والاجزاء الاخرى البلاستيك عشان استخدمه لان المناديل يدوب بجيب الكيس يومين وبينشف من العربيه بالنسبه بقه للفايبر الابيض اللي انا حاطه هو شكله وحش فعلا في الصوره بس اصلا هو مش باين على الحقيقه لانه تحت الدركسيون وللداخل فمش باين خالص انه موجود الا لو انت عارف مكانه ودورت عليه يعني انا نزلت تحت الدركسيون عشان اصوره وهو برده حاجه كده بدائيه على منشوف حل تاني او الصوت يروح
وتقبل تحياتي من اخوك شريف يا استاذنا الكبيرر:S_thum1[1]:
شريف وصفك للفيبرة ده ممكن يتفهم غلط
الفيبرة مش سايبه للدرجة دي
الفيبرة مشدودة على مكانها وماسكة كويس
وبعدين بصراحه انا مش مقتنع انها مصدر الصوت لأن الفيبرة كلها مش متجزأة علشان تعمل صوت ومش سايبة علشان تعمل شخلله
الفيبر ده مصبوب على وضعه وشكله ومشدود على مكانه
انا أظن بس انك عاوز تعمل تنظيف داخلي للعربيه علشان التراب
وتجيب المناديل الملمعة دي هتلاقيها في أغلب البنزينات
انا مش فاكر اسمها هيا فيها حاجه ماكس تقريبا
وان شاء الله مش هتسمع الكلام ده تاني
وتحياتي لك وعاوزين نشوفك بقه لو نازل المنصورة ولا حاجه
ابو عبدالله انا ما قلتش ان هي سايبه ولا حاجه بس في نفس الوقت مش متثبته من جميع الاحرف او الزوايا بتاعتها وفي نفس الوقت مفيش اجه سانداها وعشان كده هي بتتهز وممكن حضرتك تجرب تخبط عليها بايدك هتلاقيها بتتحرك او بتتهز معاك او على الاقل عندي كده
وهي فعلا عندي كانت سبب للصوت اللي راح فعلا (الصوت اللي انا اقصده مش شرط يبقى عند كل الناس) وفعلا انا لما ثبتها كويس بالطريقه دي او بمعني اصح زنقتها شويه مبقيتش تتحرك زي الاول ومبقاش في صوت حاليا على الاقل
بالنسبه للتنضيف انا زي ما بقولك التابلوه الفايبر او البلاستيك ده هل له اسبراي تنظيف مخصوص ولا ايه لانه مختلف عن التابلوه الجلد واعتقد مش هيمتص الاسبراي ده وانا بلمعه ب مناديل الاطفال زي ما قلت لانها مش بتزيت ومش بتلم تراب
يا محمد باشا انا على فكره لو اخدت بالك من كلامي في اول انا قلت العيب مش في العربيه لكن العيب في طرقنا الجميله يعني انا كده نفيت اي عيب في العربيه لكن انا بظبط العربيه على اساس الطرق الجميله المكسره
وعموما يا جماعه الفيبره مش سايبه هي ماسكه كويس جدااا :S_thum1[1]: فعلا لكن طرقنا هي اللي تخلع الجيب
حاجه تانيه انا هجرب مع اعتذاري ليك بس التلميع ده ملوش دعوه بالصوت اللي عندي مهو مش معقوله هنزل المع الدركسيون من تحت كمان