-
و نعم الاغاني اللي الولد سامعها
طب يسمع حاجه عدله و الواد شكله ضارب سيجاره بني
قبل ما يعد يغني و حسبي الله و نعم الوكيل في اللي بيصوره
انا اول مابسمع الاغاني دي في الشارع جسمي بيقشعر و الله
و الموضه انها شغاله في كل المناسبات
بكره تلاقي صوان عزا و مشغلين سعد الصغير
-
العييال باظت خلاص ده نص عيال المنطقة اللى أنا ساكن فيها كانوا بييجوا لغاية ركبى أققل واحد فيهم بيشرب سيجارة عادية :dzey:
-
اية الدماغ العالية دى يالة
ما هوة اصلا الحيوان الى مربية هاتلاقية دة اسلوبة فى الحياة عادى عادى
الكلمة بنت التييييييت دى الى مواديانا فى داهية
ومش عارف اية الاغانى المتخلفة دى الى الناس بتقولك شعبى ولما تعترض يقولك بص بقى العالم الى بتتنطط على كل حاجة حتى فى الاغانى
واحد صاحبى كان خنقنى فى الجيش بالاغانى لا وحاططهالنا على الموبيل صبح وليل ومشغلها وحاطط الموبيل فى جيبة يا باااااااااااااااااااااااى واقولة اية يابنى القرف الى بتسمعة دة مين الحيوان الى بيغنى دة يقولك بص دة حامد عبده مين يعنى حامد عبدة دة يقولك شششششش اسمع بيقولك اية الشيطان بيقول للعبد من خيبتك خدرتك ياسلام ياسلام
بصراحة انا بستغرب لما بشوف طفل بيسب لواحد كبير ولا بيشتمة بامة ولا ابوة وتلاقى النطع الى مخلفة واقف فاشخ ضبة وبيضحك
-
زمان كانت شتيمة حمار دى ممكن تكون سبب فى موت الى قالها بس مش من زمان قوى يعنى من 10سنين كدا
دلوقتى الواد عنده 6 سنين لسه بدأ يشوف الدنيا و تلاقى كمية شتايم انا ما كنتش بسمعها و انا فى سنه مش كنت بقولها
خلاص العالم إنحطتت
-
يا جماعة الاغانى دى الاطفال بتسمعها فى الشارع طول النهار واحد ماشى بموتوسيكل واحد بميكروباص واحد فاتح محل عصير ده غير التليفزيون ربنا يرحمنا
-
هو ابوه اصلا مش متربي
مهو ابوه لو كان لقا اللي يربيه
كان عرف يربي ابنه
وبكرة ابن الابن يكون صايع زي جده وابوه
-
هي فين الشتيمة دي ياجماعة اللي بتتلكموا عنها ؟؟
انتو تقصدوا الاغنية ولا ايه بالظبط
اصل انا شايف كلام عن اشتم عمو ومش عارف ايه ؟؟!!
-
طيب بالله عليكوا و بذمتكوا.... دي أغنيه محترمه يشغلها راجل محترم لأبنه اللي لسه بينطق غلط أصلا!!!!!!!!!
أغاني زباله, و كلام .............*, و ذوق متدني و الله العظيم....
و فرحاااان بالمحروس قوي و بيصوره و هو بيغني الكلام الـ................ ده!!!!
عليه العوض و منه العوض في الذوق و الاحترام و الأخلاق و الله....
لما المحروس يكبر و يشرب مخدرات و خمره زي عمو اللي بيغني, يا ريت بابا مايزعلش لأن هو السبب...
ده بدل ما يوديه النادي يلعب رياضه, يحفظ قرآن, يقرأ له تاريخ بلده (بس أكيد هو نفسه مايعرفوش)
يشوفه بيميل لأيه و يساعده في انه ينميه و يتطوره و يبقى مفيد لنفسه, و لدينه, و لبيته, و لمجتمعه, و بلده!!!!
حسبي الله و نعم الوكيل....
-
Content Relevant URLs by
vBSEO 3.6.0 PL2