دة رأيي المتواضع واعضاء المنتدي الاكثر خبرة مني ممكن يفيدوكالسلام عليكم ورحمة الله وبركاته
اعضاء المنتدى الكرام
اعرفكم بنفسى اولا انا عمرو بسيونى مهندس معمارى ومن ساكنى مدينة 6 اكتوبر ومن فترة بدور على عربية كويسة بالتقسيط وبعد بحث استمر تقريبا لأربع شهور استقريت على نيسان صنى من عند ابوغالى علشان عندهم اقل فايدة بنكية وهى 6.1% مع البنك العربى الأفريقى الدولى.
وبحمد الله استلمت نيسان صنى 2010 اوتوماتيك high line من ابوغالى فرع الضاهر امبارح وبصراحة العربية ممتازة ولا تعليق عليها ولكن عندى شوية اسئلة بخصوص العربية اولا:-
1- عاوز اعرف هو فيه شهادة ضمان وكتيب للصيانة ولا ايه علشان انا امبارح استلمت العربية واخدت معاها ضمان الكاسيت وضمان البطارية وطبعا كتالوج العربية ونسيت اسأل على شهادة الضمان خالص وبعد ما وصلت البيت كلمتهم فقالولى هاتستلمه بعد ماترخص العربية وتعمل صيانى الــ 1000 وطبعا ده كلام مش منطقى.
مبدئياً ألف مبروك ع العربية ويديك خيرها ويكفيك شرها
بالنسبة للضمان في كتيب ضمان وصيانة المفروض تستلمة من ابو غالي وومكن يأخرهولك لغاية مترخص العربية مش لغاية صيانة 1000 كم ودة عشان هو مبيستلمش باقي مبلغ التقسيط من البنك الا لما يقدم صورة الرخصة وايضاً فترة التقسيط بتبدأ بعد صدور الرخصة.
2- هو ابوغالى مركز صيانى معتمد لدى نيسان ولا لأ وهل لازم اعمل صيانة عند ابو غالى ولا ممكن فى اى مكان تانى.
أنا عن نفسي بعمل صيانتي عند أبو غالي , وهو مركز صيانة معتمد , الأعضاء متفقين وانا معاهم ان السبع أفضل مركز صيانة لنيسان.
يميز أبو غالي أنة سريع ف الصيانة ودة لأن مفيش زحمة علية وانا بالنسبالي يعتبر قريب مني لأنة لية فرع ف مدينة العبور ويعيبة انة ممكن تكون اسعار قطع الغيار عندة أغلي من السبع قليلاً.
3-تكاليف ترخيص العربية لمدة سنة واحدة.
أعتقد ف حدود 300 جنية (مش فاكر بالظبط)
4- هل الــ parking sensor شغال وموجود اصلا فى العربية ولا ده مجرد غطاء ليه.
أنا معايا 2009 ex salon الشكل الجديد اللي انت جبتة ومفيهاش سينسور واعتقد ان الفتحة دية موجودة عشان لو حبيت تركبة ميفتحش في الاكصدام.
5- نصائح تشغيل السيارة فى الفترة الاولى للتشغيل.
شغل التكييف براحتك
متكبسش ع العربية أعلي من 2500 لفة
متمشيش اسرع من 90
براحة ع المطبات لغاية م العافشة تريح
ارجو الرد من اصحاب الخبرة واسف على الاطالة.
ودور علي مواضيع المهندس سبعاوي هتستفاد منها جداً
المفضلات