صيانة ال 40 الف نوبيرا طبقا لاسعار 25-1-2010

انا رحت امبارح عملت الصيانة واشتريت قطع الغيار من ابو الحسن كالاتي:

سير كاتينة جيتس ب 65 ج
سير دينامو GM ومكتوب عليه جايتس 80 ج
بلية وبكره ثابتة مكتوب عليهم GM ومن جوه Made in Canada ببب300 ج
طلمبة مياه اسباني اسمها مش فاكر Dazi او Dooz لانه قالي مفيش جيراف وديه كويسة ب 140 ج
تيل جولد ب 55 ج
طقم بوجيهاتNGK 2 شمعة فالي ان الشمعة الواحدة خلص ومفيش مشكلة في ال 2 شمعة ب55
فلتر هواء 25 ج
فلتر بنزين 35
علبة زيت باكم DOt4 مكنش عنده الالماني ATE ب 15 ج

الاجمالي 770 ج وعملي خصم 20 ج يبقى الصافي 750
اشتريت طقم سلوك بوجيهات مش عارف ماركة ايه ب 45 ج
مصنعية الميكانيكي 250 ج

الاجمالي =1045 ج

استاذ محمد ممدوح...انت كنت هناك امبارح عند ابو الحسن..

مع خالص تحياتي

اه ...نسيت اقولكم.انا غيرت الميه طبعا بميه خضراء موبيل كولانت ب 45 ج ...وكمان غيرت زيت البور بزيت موبيل atf ب 24 ج

انا مش هتكلم عن الاسعار... لانى مبفتيش... إنما مصنعية ميكانيكى 250 جنيه..؟؟؟!!!

انا الموضوع دا عملته كله فيماعدا تغيير طلمبة المياه وأخد منى 50 جنيه... مع انى عربيتى لانوس... ومش هتفرق عن النوبيرا كتير..
برجاء مراجعة الميكانيكى اللى بتتعامل معاه

اقتباس:

---

المشاركة الأصلية كتبت بواسطة jam

انا مش هتكلم عن الاسعار... لانى مبفتيش... إنما مصنعية ميكانيكى 250 جنيه..؟؟؟!!!

انا الموضوع دا عملته كله فيماعدا تغيير طلمبة المياه وأخد منى 50 جنيه... مع انى عربيتى لانوس... ومش هتفرق عن النوبيرا كتير..
برجاء مراجعة الميكانيكى اللى بتتعامل معاه

---

انت معاك حق انا حاسس برضه ان الرقم مبالغ فيه....لكن انا مش بدق على المصنعية قوي لعدة اسباب:

اولا: انا بعمل الصيانة ده كل سنتين تقريبا او اكثر .
ثانيا: لو قسمت ال 250 مصنعية على سنتين هتطلع 10 ج تقريبا في الشهر. مش مبلغ يعني.
ثالثا وده الاهم :خلال السنتين مبروح عند الميكانيكي نهائي..شغله نظيف..فاهم العربية كويس..مش بيحسسني بالهم..عايز كذا وعايز كذا...كل شئ متوفر عنده..حتى تغيير زيت الفتيس الاوتوماتيك مع العلم ان عربيتي كوري مش مصري والفتيس كهرباء.
رابعا: انا اعرفه من العربية اللي فاتت اللي كانت معايا...
خامسا: انا جربت ميكانيكي قريبين مني ومعجبنيش شغلهم وكانوا ارخص طبعا.
سادسا: انا مؤمن بنظرية الغالي ثمنه فيه.يعني انا بثق في شغله وانه بيعمل الحاجة الصح...وده عن تجربة سنوات دلوقتي ..

لكن ده ميمنعش انه كتير لكن للاسباب عاليه انا مش بدق...وفي انتظار ارائكم

اقتباس:

---

المشاركة الأصلية كتبت بواسطة jam

انا مش هتكلم عن الاسعار... لانى مبفتيش... إنما مصنعية ميكانيكى 250 جنيه..؟؟؟!!!

انا الموضوع دا عملته كله فيماعدا تغيير طلمبة المياه وأخد منى 50 جنيه... مع انى عربيتى لانوس... ومش هتفرق عن النوبيرا كتير..
برجاء مراجعة الميكانيكى اللى بتتعامل معاه

---

لكن لو تقولي الميكانيكي بتاعك ورقم تليفونه..لان 50 ج مبلغ بسيط جدا..ميجيش مصنعية تغيير سير كاتينه

انتا تشرفنى... انا ساكن فى القناطر.. وللعلم انا بشتغل فى أكتوبر فى اول المنطقة الصناعية الرابعة... وبالنسبة للشغل اللى حضرتك الميكانيكى عمله معاك... هوا كل فى الآخر مسمار وصمولة.. يعنى مفيهاش فنيات... وانا متفق معاك انك بتكون ممكن بتسريحله نفسيآ.. وانا متفق معاك فى النقطة دى.. وعلى العموم مبروك على الصيانة وعقبال صيانة ال 200000... زى كدة

بس انت ليه غيرت طلمبه المياه والعربيه عامله 40 الف بس


وليه غيرت سلوك البوجيهات

اقتباس:

---

المشاركة الأصلية كتبت بواسطة mummy_47

استاذ محمد ممدوح...انت كنت هناك امبارح عند ابو الحسن..

---

ايوة... و اشتريت تقريبا مغطم الحاجات دى... انت اللى كنت واقف جنبى ساعة ما قرننا الشداد الاصلى بالشداد الجيتس؟؟؟

على فكرة انا رجعت بعد كام ساعة اخدت طلمبة مية اسبانى زى اللى انت اخدتها و دفعت مصنعية 200 جنية عند عبدة

MMamdouh

اقتباس:

---

المشاركة الأصلية كتبت بواسطة JAM

انا مش هتكلم عن الاسعار... لانى مبفتيش... إنما مصنعية ميكانيكى 250 جنيه..؟؟؟!!!

انا الموضوع دا عملته كله فيماعدا تغيير طلمبة المياه وأخد منى 50 جنيه... مع انى عربيتى لانوس... ومش هتفرق عن النوبيرا كتير..
برجاء مراجعة الميكانيكى اللى بتتعامل معاه

---

اللانوس بتكلف مش اقل من 100 جنية فى شغل الكاتينة فقط... دا غير تغيير طلمبة المية... الخمسين جنية دول قليلين جدا جدا

MMamdouh

اقتباس:

---

المشاركة الأصلية كتبت بواسطة mummy_47

انت معاك حق انا حاسس برضه ان الرقم مبالغ فيه....لكن انا مش بدق على المصنعية قوي لعدة اسباب:

اولا: انا بعمل الصيانة ده كل سنتين تقريبا او اكثر .
ثانيا: لو قسمت ال 250 مصنعية على سنتين هتطلع 10 ج تقريبا في الشهر. مش مبلغ يعني.
ثالثا وده الاهم :خلال السنتين مبروح عند الميكانيكي نهائي..شغله نظيف..فاهم العربية كويس..مش بيحسسني بالهم..عايز كذا وعايز كذا...كل شئ متوفر عنده..حتى تغيير زيت الفتيس الاوتوماتيك مع العلم ان عربيتي كوري مش مصري والفتيس كهرباء.
رابعا: انا اعرفه من العربية اللي فاتت اللي كانت معايا...
خامسا: انا جربت ميكانيكي قريبين مني ومعجبنيش شغلهم وكانوا ارخص طبعا.
سادسا: انا مؤمن بنظرية الغالي ثمنه فيه.يعني انا بثق في شغله وانه بيعمل الحاجة الصح...وده عن تجربة سنوات دلوقتي ..

لكن ده ميمنعش انه كتير لكن للاسباب عاليه انا مش بدق...وفي انتظار ارائكم

---

ممكن تكون المصنعية عالية شوية مقارنة بانى عملت نفس الشغل تقريبا + تغيير علبة شكمان خلفية و شداد امامى للموتور ب 200 جنية بس طالما الراجل صنعتة تمام و كويس و امين يبقى مش خسارة

MMamdouh

اقتباس:

---

المشاركة الأصلية كتبت بواسطة JAM

انتا تشرفنى... انا ساكن فى القناطر.. وللعلم انا بشتغل فى أكتوبر فى اول المنطقة الصناعية الرابعة... وبالنسبة للشغل اللى حضرتك الميكانيكى عمله معاك... هوا كل فى الآخر مسمار وصمولة.. يعنى مفيهاش فنيات... وانا متفق معاك انك بتكون ممكن بتسريحله نفسيآ.. وانا متفق معاك فى النقطة دى.. وعلى العموم مبروك على الصيانة وعقبال صيانة ال 200000... زى كدة

---

معلش اختلف معاك بشدة... القصة مش مسمار و صامولة و الا مكنش حد غلب ولا بقى فيه صنايعى كويس و صنايعى وحش

يكفى ان غلطة فى القسيمة ممكن تجيب صبابات او غلطة فى التركيب ممكن تكسر زنبة كامة او تعديل شد سير الكاتينة ممكن يكسر طلمبة مية... اكيد اللى عندة خبرة و حرفية بيكلف اكتر بس على المدى الطويل ارخص

بدون ذكر اسماء فيه واحد زميل كان خلاص حيغير فتيس ريتة بواحد استيراد ب 1500 جنية لحد ما راح لواحد فاهم قاللة حنعمل تجربة عشان نتاكد الصوت من الفتيس ولا من الكبالن و بعد التجربة طلعت القصة فى الكبالن و الراجل وفر ال 1500 جنية اللى كانوا حيتصرفوا فى الهوا... يبقى الراجل المكلف فى المصنعية وفرلك 1500 مصاريف مكانتش حتؤدى لحل المشكلة

MMamdouh

اقتباس:

---

المشاركة الأصلية كتبت بواسطة MMamdouh

ايوة... و اشتريت تقريبا مغطم الحاجات دى... انت اللى كنت واقف جنبى ساعة ما قرننا الشداد الاصلى بالشداد الجيتس؟؟؟

على فكرة انا رجعت بعد كام ساعة اخدت طلمبة مية اسبانى زى اللى انت اخدتها و دفعت مصنعية 200 جنية عند عبدة

MMamdouh

---

يا خبر ...ايوه انا...طب مش تقول يا راجل...ده انا حسيت كده رغم اني مشفتش صورتك طبعا من كلامك معايا على ان GM هي جيتس.وعلبة الشداد اللي من بره USA ومن جوه Canda واللي كانت فيها كانت كده برضه لاني كنت متردد اخذهم طبقا لتعليماتك..انت عارف بعد ما انت مشيت جابلي الطرمبه الاسباني وقولتله لا انا عايز جيراف الايطالي اللي قال عليها استاذ محمد ممدوح في نايل موتورز....يا ريت كان قالي انك انت اللي كنت واقف ..فمكنتش عنده ولا كانت عنده الاصلي وكمان كنت عايز زيت فرامل ATE الالماني ومكنش عنده برضه وقلتله برضه ديه تعليمات المستشار محمد ممدوح....يا باشا انا تشرفت وكانت صدفة سعيدة جدا جدا.. ويا ريت كنت سالتك وكنا قاعدنا نتكلم شوية وفرجتك على العربية النوبيرا الكوري 1500 بورسعيد ..وانا بعديها رحت للميكانيكي بتاعي هو في مساكن العشرين -فيصل- جنب محمد عبده.

مع خالص تحياتي

اقتباس:

---

المشاركة الأصلية كتبت بواسطة scws

بس انت ليه غيرت طلمبه المياه والعربيه عامله 40 الف بس


وليه غيرت سلوك البوجيهات

---

هي مش عاملة 40 الف هي عاملة 77 الف و طبقا لكلام مستشارنا استاذ محمد ممدوح يتم تغيير طلمبة المياه مع التغيير الثاني لسير الكتينه ..وده كان التغيير الثاني للكاتينة.وفعلا الطرمبه كانت قربت تفيص...بالنسبة لسلوك البوجيهات فكانت بايظة فغيرتها...

اقتباس:

---

المشاركة الأصلية كتبت بواسطة mummy_47

يا خبر ...ايوه انا...طب مش تقول يا راجل...ده انا حسيت كده رغم اني مشفتش صورتك طبعا من كلامك معايا على ان GM هي جيتس.وعلبة الشداد اللي من بره USA ومن جوه Canda واللي كانت فيها كانت كده برضه لاني كنت متردد اخذهم طبقا لتعليماتك..انت عارف بعد ما انت مشيت جابلي الطرمبه الاسباني وقولتله لا انا عايز جيراف الايطالي اللي قال عليها استاذ محمد ممدوح في نايل موتورز....يا ريت كان قالي انك انت اللي كنت واقف ..فمكنتش عنده ولا كانت عنده الاصلي وكمان كنت عايز زيت فرامل ATE الالماني ومكنش عنده برضه وقلتله برضه ديه تعليمات المستشار محمد ممدوح....يا باشا انا تشرفت وكانت صدفة سعيدة جدا جدا.. ويا ريت كنت سالتك وكنا قاعدنا نتكلم شوية وفرجتك على العربية النوبيرا الكوري 1500 بورسعيد ..وانا بعديها رحت للميكانيكي بتاعي هو في مساكن العشرين -فيصل- جنب محمد عبده.

مع خالص تحياتي

---

رب صدفه خير من الف معاد... انت عارف انى لما رجعت المرة التانية لابو الحسن قابلت هناك زميلنا اكرم عند محمد هاشم؟؟؟ هى دايما الصدف السعيدة بتبقى كدة

و اديك عرفت شكلى عشان لما تشوفنى تانى تستاضنى على طول :C_laugh[1]:

انا برضة كنت عايز الطلمبة الgraf الايطالى بس مكنش فيه ولا كان فيه الاصلى... محمود قاللى خد الاسبانى بضمان محمود و انا بثق فيه بصراحة فا اخدتها و لما قلبت فيها حسيت انها صناعة نضيفة و محترمة

MMamdouh

اقتباس:

---

المشاركة الأصلية كتبت بواسطة mummy_47

هي مش عاملة 40 الف هي عاملة 77 الف و طبقا لكلام مستشارنا استاذ محمد ممدوح يتم تغيير طلمبة المياه مع التغيير الثاني لسير الكتينه ..وده كان التغيير الثاني للكاتينة.وفعلا الطرمبه كانت قربت تفيص...بالنسبة لسلوك البوجيهات فكانت بايظة فغيرتها...

---

و هو دة المقصود فعلا من التغيير... تخيل لو بعد 5 او 10 الاف كمان الطلمبة ماتت... كنت حتدفع مصنعية كام فى تغييرها لوحدها؟؟؟؟؟

MMamdouh

اقتباس:

---

المشاركة الأصلية كتبت بواسطة mmamdouh

معلش اختلف معاك بشدة... القصة مش مسمار و صامولة و الا مكنش حد غلب ولا بقى فيه صنايعى كويس و صنايعى وحش

يكفى ان غلطة فى القسيمة ممكن تجيب صبابات او غلطة فى التركيب ممكن تكسر زنبة كامة او تعديل شد سير الكاتينة ممكن يكسر طلمبة مية... اكيد اللى عندة خبرة و حرفية بيكلف اكتر بس على المدى الطويل ارخص

بدون ذكر اسماء فيه واحد زميل كان خلاص حيغير فتيس ريتة بواحد استيراد ب 1500 جنية لحد ما راح لواحد فاهم قاللة حنعمل تجربة عشان نتاكد الصوت من الفتيس ولا من الكبالن و بعد التجربة طلعت القصة فى الكبالن و الراجل وفر ال 1500 جنية اللى كانوا حيتصرفوا فى الهوا... يبقى الراجل المكلف فى المصنعية وفرلك 1500 مصاريف مكانتش حتؤدى لحل المشكلة

mmamdouh

---

احترم رأيك وبشدة... إنما انا بصراحة قولت اللى حصل.. وبعدين برضه قيمة المصنعية بترجع للمكان اللى انتا فيه... من حيث الوسط اللى الميكانيكى بيشتغل فيه .. وبرضه لما يكون واحد عنده ورشة كبيرة غير لما يكون واحد عنده محل صغير وبيشتغل فى الشارع.. ويكونوا مشتركين فى ميزة إنهم نضاف... أرجوا ان تكون وصلتك وجهة نظرى

وإختلاف الاراء لا يفسد للود قضية... وأتمنى انى اشوفك فى أقرب فرصة بإذن الله

اقتباس:

---

المشاركة الأصلية كتبت بواسطة JAM

احترم رأيك وبشدة... إنما انا بصراحة قولت اللى حصل.. وبعدين برضه قيمة المصنعية بترجع للمكان اللى انتا فيه... من حيث الوسط المعيشى.. يعنى لما يكون واحد عنده ورشة كبيرة غير لما يكون واحد عنده محل صغير وبيشتغل فى الشارع.. ويكونوا مشتركين إنهم نضاف... أرجوا ان تكون وصلتك وجهة نظرى

---

كلامك صح 100% و منطقى تماما...

واحد زى عبدة مثلا عندة ورشة و 3 صنايعية شغالين معاه و طبعا دى تكلفة بس من الناحية التانية دة بيفرق فى سرعة انجاز الشغل لان ممكن فى لحظة معينة تلاقى واحد شغال فى العربية شخصيا و التانى بيجيب قطع غيار للعربية و التالت عند الخراط او المكبس بيخلص شغل للعربية

العكس مع محمد هاشم... هو واقف فى الشارع و شغال لوحدة فا مصاريفة الثابتة قليلة جدا لكن ممكن يركنك جنبة كتير لانة مشغول فى عربيات تانية او فى ايدة شغلانة مقرفة بتحتاج وقت... اللى مساعدة ان بينة و بين ابو الحسن 2 سنتى فا مش حتتعطل على قطع غيار... لكن لو قيسنا دة على واحد بعيد شويتين عن محل قطع غيار يبقى اليوم ممكن يضيع عليك عشان تغير طقم بوجيهات لان هاشم ماسك عربية فيها شغل كاتينة و محل قطع الغيار بعيد شويتين

و لو بصيت على مركز خدمة فى حتة زى الرحاب مثلا بيتدفع فيها 3 او 4 الاف جنية ايجار شهرى للمحل الواحد يبقى اكيد المصنعية حتبقى مبلغ محترم جدا عشان تغطية التكلفة دى و كمان عشان تشترى قطعة غيار لازم اقل واجب تنزل الحرفيين او شارع دمشق فى مقابل ان بين مركز الخدمة و بين بيتك (على اعتبار انك ساكن فى الرحاب) 2 متر و جنبك السوق مليان كافيهات ممكن تقعد و تعيش حيتك هناك لحد ما يخلصوا العربية

فى النهاية كل حاجة و ليها ميزة و عيب و الواحد بيختار من البدائل المتاحة الحل الانسب ليه

اقتباس:

---

وإختلاف الاراء لا يفسد للود قضية..ز وأتمنى انى اشوفك فى أقرب فرصة بإذن الله

---

اكيد طبعا يا باشا و لولا اختلاف الاذواق (و وجهات النظر) لبارت السلع (و الخدمات) و ياريت تشرفنا فى مقابلة الدايو القادمة... احنا لسة محددناش هى حتبقى امتى بالضبط بس ان شاء الله يبقى فيه واحدة فى فبراير و نتشرف بمعرفتك

MMamdouh

يبقي كده سعر التوكيل كويس جدا انا عامل صيانه 40000 كيلو ودافع 195 شامل الضريبه وكمان واخد كابون خصم في المصنعيات القادمه بخمسين جنيه

اقتباس:

---

المشاركة الأصلية كتبت بواسطة shanodaa

يبقي كده سعر التوكيل كويس جدا انا عامل صيانه 40000 كيلو ودافع 195 شامل الضريبه وكمان واخد كابون خصم في المصنعيات القادمه بخمسين جنيه

---

اسمحلي اختلف مع حضرتك...
عن تجربة وحيدة مع مركز الخدمة في السيارة السابقة-مركز خدمة اخبار اليوم الذي يعتبر من افخم واغلى المراكز..انا قدرت بالواسطة اني ادخل جوه في الورشة واتفرج عليهم وهم بيشتغلوا....انا لاحظت ان الصنايعية مش بيهتموا بالشغل ولا حتى المهندس اللي بيشرف عليهم..كمان مفيش اهتمام بقطع الغيار المستمعلة اللي غيرهالك ...عندهم مواعيد ثابتة..موظفين..يعني الساعة 5 يروحوا والجمعة اجازة ...يعني مش مهم عندهم يربوا زبون...لو فيه حاجة ابقى ارجع تاني وطبعا هتدفع تاني....انا غيرت رفرف وريداتير وطقم دبرياش وكان فيه استعدال بسيط للشاسية الامامي نتيجة خبطة forkleft وطبعا الصيانة العادية لقيت نفسي دافع حوالي 5500 ج....

الصنايعي انا بقف على دماغة وبتاكد ان كل شئ تمام وبعدين لو رجعتلة مش هيدفعك تاني...

لكن مش مفروض الصنايعي بره يكون ارخص من مركز الخدمة..يعني محمد عبده بيعملها ب 200 ومركز الخدمة بيعملها ب 195 - حضرتك متاكد انك عملت كل التغييرات من سيور وخلافه...

مع خالص شكري

اقتباس:

---

المشاركة الأصلية كتبت بواسطة shanodaa

يبقي كده سعر التوكيل كويس جدا انا عامل صيانه 40000 كيلو ودافع 195 شامل الضريبه وكمان واخد كابون خصم في المصنعيات القادمه بخمسين جنيه

---

خللى بالك انت عربيتك لانوس يعنى شغلة الكاتينة اسهل و كمان مغيرتش طلمبة ميه

MMamdouh

اقتباس:

---

المشاركة الأصلية كتبت بواسطة mummy_47

ى دماغة وبتاكد ان كل شئ تمام وبعدين لو رجعتلة مش هيدفعك تاني...

لكن مش مفروض الصنايعي بره يكون ارخص من مركز الخدمة..يعني محمد عبده بيعملها ب 200 ومركز الخدمة بيعملها ب 195 - حضرتك متاكد انك عملت كل التغييرات من سيور وخلافه...

مع خالص شكري

---

احب بس اوضح ان مع شغل الكاتينة و تغيير الطلمبة غيرت طقم رشاشات و علبة شكمان خلفية و شداد الموتور الامامى مع تربيط عفشة

MMamdouh

محمد يا ممدوح هو ابو صلاح صلح عربيته ؟

لا... بعد ما الصوت خف خالص بعد الكوبلن الشمال ظهر تانى بعد الكوبلن اليمين ما اتشحم و عبدة قاللة كدة يبقى الفتيس... دة اخر اخبار العربية اللى عندى

هو كان كتب انة راح التوكيل و قالولة برضة المشكلة فى الفتيس و انا اقترحت علية يجرب بكوبلنين استيراد بس للاسف هو ميعرفش حد بتاع استيراد يخدمة فى الموضوع دة

MMamdouh

طيب ما تعرفش انتى حد بتاع فتيس كويس يكشفلى على الفتيس بتاعى عشان البشمهندس سمير عياد قالى ان المشكلة اللى عندى بتاع البنزين ممكن تكون من الفتيس او وحدة التحكم ، اكشف عليهم ازى او اروح لمين ، بس محمد السيد مقالش ان فيه مشكلة فى الفتيس

للاسف معرفش حد بتاع فتيسات... كان نفسى افيدك

MMamdouh

اقتباس:

---

المشاركة الأصلية كتبت بواسطة mummy_47

اسمحلي اختلف مع حضرتك...
عن تجربة وحيدة مع مركز الخدمة في السيارة السابقة-مركز خدمة اخبار اليوم الذي يعتبر من افخم واغلى المراكز..انا قدرت بالواسطة اني ادخل جوه في الورشة واتفرج عليهم وهم بيشتغلوا....انا لاحظت ان الصنايعية مش بيهتموا بالشغل ولا حتى المهندس اللي بيشرف عليهم..كمان مفيش اهتمام بقطع الغيار المستمعلة اللي غيرهالك ...عندهم مواعيد ثابتة..موظفين..يعني الساعة 5 يروحوا والجمعة اجازة ...يعني مش مهم عندهم يربوا زبون...لو فيه حاجة ابقى ارجع تاني وطبعا هتدفع تاني....انا غيرت رفرف وريداتير وطقم دبرياش وكان فيه استعدال بسيط للشاسية الامامي نتيجة خبطة forkleft وطبعا الصيانة العادية لقيت نفسي دافع حوالي 5500 ج....

الصنايعي انا بقف على دماغة وبتاكد ان كل شئ تمام وبعدين لو رجعتلة مش هيدفعك تاني...

لكن مش مفروض الصنايعي بره يكون ارخص من مركز الخدمة..يعني محمد عبده بيعملها ب 200 ومركز الخدمة بيعملها ب 195 - حضرتك متاكد انك عملت كل التغييرات من سيور وخلافه...

مع خالص شكري

---

اكيد طبعا لما بتشوف الصنايعي شغال في عربيتك واهتمامه بيها وكل قطع الغيار اللي انتي جايبها بتركب والاهم يكون صنايعي ممتاز وعنده ضمير

اقتباس:

---

المشاركة الأصلية كتبت بواسطة mmamdouh

خللى بالك انت عربيتك لانوس يعنى شغلة الكاتينة اسهل و كمان مغيرتش طلمبة ميه

mmamdouh

---

اهلا استاذ محمد وشكرا للتوضيح