مصطفى باشا طبعا الناس كلها رديت عليك بكل الردود على كل النقط
بس فيه حاجه ما ينفعش تقارن السيريون الصني لان الصني عربيه اعلى
اولا كحجم اكبر(بس مش كصالون واتساع) وطبعا الحجم الكبير بيدي برستيج جامد(ده رأى المصريين مع ان الميني كوبر والبيتلز عربيات صغيره طحن ومع ذلك اي حد بيشوفهم في الشارع بيتنح قدامهم ومعروف طبعا انهم برستيج عالي اوي ومش اي حد يركبهم)
موتور طبعا الصني موتورها بجد ماشاء الله ملوش حل (لكن السيريون برده موتورها ملوش حل بس 1300 يعني لو هتقارنها باي حاجه 1300 هي تسد معاك اوي وتسد مع الاكبر منها كمان)
شكلا الصني تحفه بصراحه والسيريون عربيه لذيذه برده وشبابي (وناس كتير بتقول بناتي مش عارف ليه :I_angr1[1]:) وده ازواق طبعا
النعومه السيريون مش ناعمه اوي والصني برده ناشفه برده (بس ابو عبدالله غير الكاوتش بتاعها وبيقول العفشه نعمت واعتقد الصني برده ناشبه بسبب الكاوتش اللي فيها)
السيريون عربيه متازه فعلا من كل حاجه ماعادا ان شنطتها صغيره وفيه عربيات هاتش باك شنطتها اوسع منها بس ده على حساب الصالون بتاعها السيريون صالون كبييييير بجد واسعه ماشاء الله عكس شكلها اللي يديك ايحاء انها 800 سي سي (وده بسبب انها كلها منحنيات وكرفات وبومبيهات) لكن من جوه حاجه تانيه يعيبها فقط شكل العدادات بتاعتها :8954[1]:
بص يعني لو مش محتاج الشنطه لفتره طويله او انت شاب لوحدك يبقى هتوكل على الله واشتريها بس استحمل غلاسه الشعب المصري الظريف والتعليقات المستفزه حتى لو من واحد راكب 128 نصر (مع الاعتذار لاصحاب العربيه دي ) وطبعا لو حد سألك على سعرها وقلتله انها ب 80 الف خود عندك بقه :F_eyeb1[1]: تريقه واستنكار واستهجان ويقولك دي اخرها 60 الف (بقه ياراجل يا مفتري فيه عربيه ياباني ب 60 الف ده الصيني بالسعر ده) والكلام ده اتقالي كتيييييير
لكن لو هتجبها كعائله يبقى متجبهاش
انا عن نفسي اللي شجعني اشتريها وا ستغنى عن الشنطه هو الحمد لله وجود عربيه اخرى اكبر حاجه فيها شتنطتها و كبوتها :E_braces[1]: عشان كده مكيفه الناس اوي (نيسان صني 2008 )
لكن الصراحه لو دي العربيه الوحيده اللي في البيت طبعا مكونتش اشتريتها
وربنا يوفقك شوف احتياجاتك واختار وملكش دعوه بكلام الناس خاااااااااالص اهم حاجه تكون مرتاح للعربيه :F_eyeb1[1]: