مش عارف اشترى الكيا او الانسر :dzey:
عرض للطباعة
مش عارف اشترى الكيا او الانسر :dzey:
انا في رايي لو معاك تجيب الانسر شارك هاي لاين متترددش
لكن لو مش حتجيب الاي لاين ,, يبقي السيراتو
بص يا باشا - انا معايا الاتنين وحقولك الصراحة من واقع استخدامي
نعومة ومتانة و خامات وجودة لانسر تكسب - موتور وثبات وكماليات وسعر ووكيل سيراتو تكسب
لما احب اخرج خروجة شيك اخد لانسر - لما احب اخرج شقاوة يبقي سيراتو
عائلية تبقي لانسر - شبابية تبقي سيراتو
لانسر انعم في السواقة بس الموتور كلب بلدي - ممكن تجيب 180 - 190 مستريح بس بعد فترة
استهلاك بنزين لانسر تكسب - انا بمون تقريبا كل 6 ايام - نفس المشوار بالكيا اخري 4 ايام
لو معاك فلوس لانسر هاي لاين او سبورت يبقي لانسر
موضوع ماشى بكل ذوق وحياديه وردود عن تجربه وليس تحيز لفئات او صناعات معينه
تحياتى لكل الاعضاء المحترمين
الانسر شارك أقوى وتكنولوجيا موتور أحدث - سعر اعادة بيع ثقيلة نسبيا - وتنتسب للصانع اليابانى العريق ميتسوبيشى
السيراتو شياكة ومكسرة الدنيا بكل المقاييس والتجار بياكلوا عيش من وراها حقيقى , ودى فعلا مقارنة صعبة جدا جدا ولك حرية الإختيار
القوة والثبات للسيراتو
السيراتو 1600 سي سي و 124 حصان
الشارك اللي اعرفه 1500 سي سي و 109 حصان
جودة خامات ونعومة عفشة للشارك
التوكيل لصالح السيراتو
الشكل دي اذواق طبعا وتختلف من شخص لاخر
هوه فيه فى مصر لانسر شارك موديل 2010؟؟ معلوماتى ان كل الموجود 2009 نظرا لفشل العربيه فى السوق بسبب الموتور 1500 و هى بتنزل بره بموتور 1800 على الاقل
و انا كنت هاشتريها لحد ما لقيتها بتتباع بخساره فادحه (واحد صاحبى اشتراها من واحد كسر زيرو نزلت من 140 الف سعر الزيرو اللى اشتراها بيه الى 95 الف و بتتباع بأقل من كده كمان)
و مع انى كان امنيتى انى اركب لانسر قررت اشترى السيراتو و ما ندمتش لأن الموديل الجديد تحفه و تقفيله لا يقل عن اليابانى و مع انى كنت لا انظر الي الكيا اصلا غيرت وجهه نظرى 180 درجه و يكفى انها بتتباع خليجى بالهبل و الناس مش فارق حتى معاها الضمان لأن سعر اعادة البيع جيد جدا.
و برضه فارق السعر و قطع الغيار و الوكيل فى صالح الكيا
و الكيا حاليا هى نجم الساعه و اعتقد انها هاتحل محل اللانسر البومه فى السنتين الجايين
و الرأى ليك فى الاخر و نصيحتى جرب العربيتين الأول
فعلا السيراتو تكسب لو فعلا المشاكل الى كانت فيها فى الموديلات السبفه اتحلت فى 2010 يبقى خليك فى الكيا وربنا يكرمك
تحياتى
معا احترامي للناس كلها اللانسر شارك تكسب مستريح قوي وبصرحة أنا مش عرف الي اله ثابت السراتو احلة اله على أي أساس ده فرق السما وال ارد هو يمكن السيراتو تجمعها بعد el-130 كده أحسن بس قابل el-100 الشارك أحسن ده من واقع التجربة وأرشحلك الشارك
مع احترامي ليك انا معايا التنين - السيراتو اثبت واقوي في الموتور - بس الانسر انعم في لبسرعات العالية
أنا بحب اللانسر الشارك أكتر ...
و بحسها كجودة أقيم ...
أنا صدقني مش بشكك فيك خالص واللهِ اوعى تكون زعلت أنا حكيت عن تجربة بالنسبلي أنا راكب الا على نفس الطريق مرة السيراتو وأنا رايح الساحل وأنا راجع نفس الطريق كنت راكب الشارك وبصراحة أنا شايف إن فيه فرق شاسع ده من رايه طبعا وال سيرتوا بالناسبلي خفيفة زي الالنتراه كده لكن اللانسر من رايه السبت ب فرق
كلام جميل جدا
بس ليا تعليق
جودة الخامات بين الهاي لاين و الهاي لاين هنا و هنا متساوية تقريبا
دلوقتي السيراتو التابلوه و الأبواب كمان بقوا جلد وده مش في اللانسر
الانسر ملفاتها على سرعات وحشة جدا عكس السيراتو
التوكيل بتاع ميتسوبيشي كويس برضه مش وحش
يعنى يسد قدام توكيل كيا (مع فارق لصالح كيا)
شنطة اللانسر معدومة تماما بسبب الجنط الكبير و البرواز الفوم في الأرضية
عكس السيراتو اللي شنطتها كبيرة جدا
أما الكلب البلدي ..فدي في الجووون :S_thum1[1]:
أنا جبت 170 و ماعرفتش أجيب أكتر من كده
أما السيراتو بتجيب 170 لوحدها .....على فكرة دي حاجة مش كويسة (قلبتني):stink[1]:
اعتقد مفيش وجه للمقارنة اصلا
ككل المقارنة فى صالح ال لانسر
لانسر شارك تكسب
مع تفوق السيراتو في الشكل
حاجه تحير
انا بصراحه احب عدادات الشارك عن عدادات السيراتو
بس السيراتو تحفه
و الشارك تحفه برده
هات الاتنين
الف شكر للسادة الاعضاء على النصائح المهمة دى والحمد لله انا اختارت الشارك بعد ما سئلت عنها وابصت حاجه لو حبيت ابيع الانسر لها سوق وبعدين موجده فى السوق واسببتت وجدها اما السيرتو ممتازه بس لسه نزله لسه عيبها مابنتش ومع الوقت هتبان :b4_611:
مبروك عليك مقدما و لما تستلم قولنا بقا اخبارها ايه
لانسر شارك
ألف مبرووك أنا كان رايه كده برضه وياسلام لو تجبها سودا ملهاش حال فـال اسود ب صراحة
مهم حمل الان كل ما تريد ان تعرفه عن الانسر الشارك
RapidShare: 1-CLICK Web hosting - Easy Filehosting
مبروك الشارك كده احنا زمايل ....
والله زي ما قولت قبل كدة - الاتنين احلي من بعض في حاجات و حاجات - المهم تعرف انت عايز اية من العربية ومستعد تستغني عن اية - ودة طبعا حسب الاذواق والفلوس والاستخدام - وكمان مصاريف العربية بعد الشراء -
انا معايا الاتنين وبصراحة - عايز دلع وراحة وخامات روح للشارك - عايز كماليات وقوة وثبات وشكل و رياضية - يبقي سيراتو
ودة تقيمي للعربيتين بالنسب
ثبات - سيراتو 95% - لانسر 85%
محرك - سيراتو 95% - لانسر 75%
جودة خامات - سيراتو 75% - لانسر 90%
نعومة - سيراتو 70% - لانسر 95%
وكيل - سيراتو 85% - لانسر 70%
اسعرا ما بعد البيع - سيراتو ؟؟؟؟؟؟ - لانسر 75%
قطع غيار - سيرانو 85% - لانسر 80 %
قوة تحمل - سيراتو 75% - لانسر 90%
شكل - سيراتو - لانسر 90%
كماليات اعلي فئات - سيراتو 90% - لانسر 90% مع فارق طفيف للسيراتو
الاستخدام اليومي - سيراتو 80% - لانسر 90% نتيجة الراحة واستهلاك البنزين
السفر - سيراتو 80% - لانسر 90%
ارجوا ان اكون افدت من واقع استخدامي للسيارتين
اللانسر الشارك لم تحظى بالنجاح المطلوب لهذا الشكل وده اثر كتير قوي على العربيه في اعاده البيع مما افقدها ميزة القيمه المستقبليه السعريه بمعنى اخر اه انت ممكن تبيع الانسر بسرعه بس هتخسر فيها كتير لانها ممكن تكون كويسه لكن كفكر سوق العربيه دي فشلت بالنسبه لسعرها وبالنسبه للانسر لاني بصراحه مش شايف لها اي ميزة خلاف انها ياباني وبس لذلك نصحيتي ليك لو هتجيب لانسر شارك هاتها مستعمله كسر زيرو ولو هتجيب سيراتو هاتها زيرو وسعر اعاده البيع بيتحقق من خلال الانتشار والقرار الاخير لسعادتك وشكرا
مبروك الشارك و ربنا يبارك لك فيها. اكيد اليابانى افضل من الكورى
الشارك منتشرتش زى السيراتو
و أنا شايف أن الشارك أفضل اذا كنت تريد التميز
على فكرة انا مش عارف بس فية ناس كتير عارضة السيراتو كسر زيرو للبيع وسألت عليها صاحبها قالى عاملة 2500 كيلو وهية الفئة اللى المفروض تمنها 115 تقريبا sx وكان عارضها ب97 الف جنية
وطبعا ماردتش اقولة اسباب البيع لانى عارف انة مش هيقولى حاجة تخلينى انا ابعد عن شراء السيارة
يبقى كدة سعرها مش حلو ولا حاجة فى اعادة البيع
شارك لان اللى ركب السيراتو اشتكوا منها كتيييييييييييييير
وده والله العظيم ما تحيز لفئه معينه ده رأى
نفسى افهم حاجه من تاجر سيارات اعرف السعر الحقيقى ازى مش ممكن يكون الفرق بين اليارس فل ابشن فرق 15 الف جنيه مع ان العربيتن بورق الوكيل
نفسى افهم حاجه من تاجر سيارات اعرف السعر الحقيقى ازى مش ممكن يكون الفرق بين اليارس فل ابشن فرق 15 الف جنيه مع ان العربيتن بورق الوكيل من تاجر لتاجر:majd(4)::shyy:
بقولها تاني. شارك من غير متفكر و اوعى لا الشارك يعضك
شكرا على كل المشاركت الحمد لله انا اخترت الشارك ودفعت وممكن استلم اليومين دول بس انا عرفت ان فى فرق فى الاسعار من تاجر لتاجر بيوصل الى 10 الف جنيه ازاى انا مش فاهم مع ان نفس الموديل وده مش على نوع معين لا ده على جميع انوع السيارات هل ده جشع تجار وله فى حرق فى بعض انواع السيارات:shyy: