يومياتى مع عميل بخصوص مصر!!!

**newhansol** · 26-01-2010 05:17 PM

مممممممممم

بعد تفكير كتير ممكن نقول ان الفكرة حلوة بس مالها ومال تقسيم الماحفظات مش فاهم
طب مانعمر الصحرا من غير تقسيم يعنى اية المشكلة

بس هوة الراجل دة قدامة سكتين دلوقتى مالهمش تالت هايروح للحزب الوطنى وهايرحبو بية ويعملولو كارنية وايدك فى ادينا البلد بتتقدم بينا ولو عندك اى مشكلة اتفضل واحنا جيل المستقبل والكلام الفاضى دة ومع اول مشكلة هاتقابل الراجل فى حياتة وتتحل عن طريق كارنية الحزب الوطنى هاينسى موضوع الصحرا دة

والطريق التانى ان بتوع الحزب الوطنى يسالة هوة حضرتك مش عاجبك تقسيم البلد كدة
ممممممممممممم يعنى النظام مش عاجبك
ممممممممممممم طيب اتفضل دلوقتى وسيبلنا عنوان حضرتك
وفى الاخر الباشا يشرف فى المباحث ويتظبط ويتخرط على المخرطة تانى وش 06 ويتركبلة طقم شنبر استيراد نضيف وطبعا اكيد اكيييييد هايخرط كرنك والباقى انتو عارفينة

وبعد كل الشغل دة يروح وهوة مش عارف حتى اسمة المحافظة الى هوة فيها اية ويقعد يربى عيالة لحد ما يموت وشكرا

**أبو إياد** · 26-01-2010 05:27 PM

بص يا استاذ احمد انا كل اللى عاوز اعرفه الراجل ده فعلا فعلا فعلا كان بيتكلم عن مشروع المحشى والفراخ ده بجديه ؟

**pro_samir** · 26-01-2010 05:34 PM

بالرغم من إنة تفكيرة على قدة ويبدو ساذج لكن عجبنى جدا جدا إيجابيتة

يكفي انة على الأقل اتحرك وحاول يسعي فى الموضوع

ويا ريت تقولة لو عمل مشروع المحشي يبقي يدينا خبر ههههه

**أبو إياد** · 26-01-2010 05:41 PM

ايه ياجماعه هو احنا لازم علشان نزرع الصحراء نعيد تقسيم المحافظات ولا لازم ياعنى يكون الشباب ابناء المحافظات
المشكله اكبر من كده بس خلى واحد بس يهوب ناحيه الصحراء ويشوف هايجراله ايه
الشعب ده ضيف فى البلد دى
البلد دى فيها حكومه

وبعدين ياعنى لما الحكومه توزع وتقسم هاتبيع ايه ؟

**KSA2011** · 26-01-2010 07:44 PM

تحليلى للراجل ده واحد عبقرى اوى بس الدنيا غدرت بيه
على فكره لو حصل الى هو بيقول عليه هتفرق اوى مع مصر لانه مساحه كبيره جداا غير مستخدمه فى مصر
وجودنا فى اى منطقه هو الى بيعمرها
لو حصل كده وبقى كل مكان فى مصر مستغل
الجامعات هتتبنى فى كل مكان و بدل ما تبقى الكليه فيها الدفعه 1000 تبقى 100 بس و الباقى يتوزعوا على باقى الكليات و بالتالى هيغطوا شغل فى الاماكن الجديده دى
وماله لما نشوف

المشاركة الأصلية كتبت بواسطة ams

بعيدا عن الموضوع عندى سؤال بجد
هى الصحراء الشرقية تبع محافظة ايه ؟
و الغربية كمان ؟

الغربيه تبع الوادى الجديد وممكن الشرقيه كمان

**Ahmed Sharaf** · 26-01-2010 08:21 PM

المشاركة الأصلية كتبت بواسطة a_h_m_a_d

هو الراجل نفسه يعمر الصحرا اللي إحنا سايبنها فاضيه و مكربسين نفسنا في 4 % من مساحة البلد

بس عقله قله إن الحل إنه يشارك البنك , الفكرة كويسة بس أسلوب التنفيذ خيالي

عارف حضرتك الفكرة نفسها عاجباني جداً , كفاية ايجابيتة فى ايجاد حلول بغض النظر عن الحل بتاعة فى التطبيق

المشاركة الأصلية كتبت بواسطة romeo_6887

ربنا يصبرك بصراحه

ربنا يبارك فيك دحنا بنشوف العجب

المشاركة الأصلية كتبت بواسطة yoko

الفكره حلوه جدا وبيها مصر هيبقى فيها إكتفاء ذاتي في الغذاء في فتره قصيره بس ده مش دور البنك ده دور الحكومة -ويا رب يتنفذ بس من غير رشاوي ولا مصالح كالعادة- (إوعوا حد يبلغ عني)

معاك تماماً , ومتقلقش انا بس اللي بلغت.

المشاركة الأصلية كتبت بواسطة newhansol

مممممممممم

بعد تفكير كتير ممكن نقول ان الفكرة حلوة بس مالها ومال تقسيم الماحفظات مش فاهم
طب مانعمر الصحرا من غير تقسيم يعنى اية المشكلة

بس هوة الراجل دة قدامة سكتين دلوقتى مالهمش تالت هايروح للحزب الوطنى وهايرحبو بية ويعملولو كارنية وايدك فى ادينا البلد بتتقدم بينا ولو عندك اى مشكلة اتفضل واحنا جيل المستقبل والكلام الفاضى دة ومع اول مشكلة هاتقابل الراجل فى حياتة وتتحل عن طريق كارنية الحزب الوطنى هاينسى موضوع الصحرا دة

والطريق التانى ان بتوع الحزب الوطنى يسالة هوة حضرتك مش عاجبك تقسيم البلد كدة
ممممممممممممم يعنى النظام مش عاجبك
ممممممممممممم طيب اتفضل دلوقتى وسيبلنا عنوان حضرتك
وفى الاخر الباشا يشرف فى المباحث ويتظبط ويتخرط على المخرطة تانى وش 06 ويتركبلة طقم شنبر استيراد نضيف وطبعا اكيد اكيييييد هايخرط كرنك والباقى انتو عارفينة

وبعد كل الشغل دة يروح وهوة مش عارف حتى اسمة المحافظة الى هوة فيها اية ويقعد يربى عيالة لحد ما يموت وشكرا

هو فعلاً قال انة هيروح الحزب الوطنى يعرض عليهم الفكرة.

المشاركة الأصلية كتبت بواسطة mohamedezat

بص يا استاذ احمد انا كل اللى عاوز اعرفه الراجل ده فعلا فعلا فعلا كان بيتكلم عن مشروع المحشى والفراخ ده بجديه ؟

أة والله بيتكلم بجد وكمان كان حاطط سعر 60 جنية للعبوة .

المشاركة الأصلية كتبت بواسطة pro_samir

بالرغم من إنة تفكيرة على قدة ويبدو ساذج لكن عجبنى جدا جدا إيجابيتة

يكفي انة على الأقل اتحرك وحاول يسعي فى الموضوع

ويا ريت تقولة لو عمل مشروع المحشي يبقي يدينا خبر ههههه

هو فعلا اخذ قرض 150000 جنية وهاسألة يمكن يبتدى المحشى بزراعة ورق العنب والارز.

المشاركة الأصلية كتبت بواسطة hani945

أنا مش مهندس زراعى علشان مفتيش

بس أنا أعرف إن زراعة الأرض الصحراوية ليست بهذه السهولة ومحتاجة استصلاح وهتاخد وقت فى الاستصلاح ده علشان تنفع تتزرع ويبقى فيه محصول ، المشكلة التانية وهى مصدر المياه اللازمة للزراعة داخل الصحراء

الموضوع مش بالسهولة دى ، لكن هى كفكرة فهى فكرة ممتازة للغاية بصراحة

مع حضرتك لكن لو اتعمل زى مابيقول ويبقى فية اكتفاء ذاتي لكل محافظة اعتقد مفيش حاجة مستحيلة بس تبقى القرارات والتنفيذ من إختصاص كل محافظة بعد العرض على رئيس الوزراء فقط وليس لجان فرعية منبثقة من لجان اساسية منبثقة من حلة الملوخية.