ياريت لو حد يقولي الواحد يغير البوجيهات كل قد ايه....
و هل بيفرق من نوع عربيه لأخري ولا لأ
انا معايا اكسنت و عامل بها حوالي 25000 كم و مغيرتش حاجه لحد دلوقتي
المفروض اغيرها امتي ؟؟؟
عرض للطباعة
ياريت لو حد يقولي الواحد يغير البوجيهات كل قد ايه....
و هل بيفرق من نوع عربيه لأخري ولا لأ
انا معايا اكسنت و عامل بها حوالي 25000 كم و مغيرتش حاجه لحد دلوقتي
المفروض اغيرها امتي ؟؟؟
يا استاذ عمرو انت مستعجل على التغيير لية بس وبالنسبة للبوجيهات فى هى ما بتتغيرش الا لما تلاقى العربية بتنتش معاك وربنا يخلى عربية دائما بصحة وسلامة وبعيدا عن كل شر
يا جدعان لو بوجيه ضرب بيبوظ حاجات تانية كتير معاه
زي Ecu و بيأثر على معدل استهلاك البنزين
و طبعا Ecu ب 3000 جنيه و لا بوجيهات ب 40 جنيه ؟؟؟؟؟
نصيحة لوجه الله ........ غير بوجيهاتك كل عشرة ألاف كيلو
و شوف سلوك البوجيهات سليمة و لا لاءة علشان لو سلوك البوجيهات مش مظبوطة مثلها مثل بوجيه ضارب
و تخيل نفسك ماشي على طريق سريع و محمل العربية و راح بوجيه أو أثنين ضرب
عارف أيه اللي هايحصل ؟؟؟؟؟؟
كل بوجيه بيغذي سيلندر و لو بوجيه ضرب هتلاقي السليندر ده مش شغال يعني قوةو العربية هاتقل و ده طبعا غلط جدا على الموتور و طبعا Ecu اللي هو كمبيوتر العربية هايضرب و ده مش رخيص
( عن تجربة شخصية )
و أنصحك كما قلت كل 10 ألاف كيلو تغير فيهم البوجيهات
شكرا للنصيحة بس 10000 قليل جدا
طول عمرى بغير البوجيهات على 40000 و بتبقى شغالة زى الجديدة و بغيرها عشان احافظ على الاداء
فى واحد زميلى معاه كيا برايد و مش مغير فيها اى حاجة غير الزيت والفلتر
يعنى و لا بوجيهات و سيور ولا غيره
انا بالعافيه اقنعته يغير سير الكاتينه
العربية عامله كام؟؟؟؟
133000
+1000000000000اقتباس:
و أنصحك كما قلت كل 10 ألاف كيلو تغير فيهم البوجيهات
ممكن كل 10 إلف تكشف عليهم
20K kms is a reasonable distance for spark plug change
MMamdouh
يعني اغيرهم ولا استني كده ....
هما شغالين و مافيش منهم مشاكل لحد دلوقتي.......
ولا اسيبهم لحد مثلا ما احس انه بقيت ضعيفه
نصحتي ليك غيرهم...أنا كان عاندي هاجس ان البوجيهات بتبوظ بسرعة فا كنت بغيرهم كل 10000 تقريبا...بس المره دي سبتهم لحد 22000 هيه و طقم الكهرباء..و للأسف بقت تنتش جامد جدا بعد ال 80 و تحس انها هتبطل و دوسه البنزين ملهاش لازمة...هستني بقي لبعد العيد أعمل صيانة كاملة للعربيه ...
غيرهم و ريح دماغك أخرهم 40-50 جنيه و انساهم بدل متقعد تشغل بالك بيهم
يا جماعة متنسوشى أن حالة العربية بتفرق - فى عربيات بتهرب من الشنابر والبوجيهات بتبوظ بسرعة وعربيات مواتيرها تمام والبوجيهات بتعيش كتير
اول حاجه انت بتحط في عربيتك بنزين نوعه ايه
اذا كنت تستعمل بنزين 95 فتغير البواجي كل 60000الف
واذا تستعمل بنزين نوع 92 فتغير البواجي كل 45000الف
وارجو اني اكون افتك
اولاً البواجي تغيرها يعتمد على نوع البنزين
يعني اذا كنت تستعمل بنزين نوع 95 فا تغير البواجي كل 60000الف
واذا كنت تستعمل بنزين نوع 92 فا تغير البواجي كل 45000الف
وارجو اني اكون افدتك
أنت بتتكلم جد ؟؟؟؟؟؟؟؟؟؟؟؟؟
كل 60 الف أو 45 ألف !!!!!!!!!!!!!!!!!!!!
ليه هي سير كاتينة ؟؟؟؟؟؟؟؟؟؟؟؟؟؟
يا جماعة 50 جنيه كل 10 الالف كيلو يحافظو على العربية و اللي مستخسر يستحمل اللي يجراله بسبب البوجيهات ............ و ده مش كلامي ......... ده كلام كل مراكز الخدمة المحترمة في مصر و خارج مصر و كتيبات أستعمال السيارة
اللهم بلغت اللهم فأشهد ..........
ياغالي مراكز الخدمه في مصر ومحدش يزعل مني ( فاشله )
وانا معاك في انك تراجع كتيب العربيه قسم الصيانه وشوف
كلام مين الصحيح
او اذا محدش عنده الكتيب يسئل اي شخص عنده خبره في المكانيكه
عندى فى الكتالوج كل 40000 km او كل سنتين
والله في التوكيلات هنا في مصر بيغيروهم علي 20 الف.. بس كده انا بيتهيألي افضل علشان تبقي في السليم..
متحطش نفسك في موقف مخاطرة ان حاجة تبوظ منك او بوجيه يخرف منك وانت ماشي..
اشتري دماغك يعني..
دي لو بوجيهات عادية..
اما بقي لو بوجيهات splitfire ده بقي يبقي كلام تاني لأن دي الشمعة بتاعتها بلاتينيوم..
دي عادي جدا انك تغيرها كل 100 الف كيلة..
ايوة مية.. دي مفيهاش اي مشاكل..
العربية عندى 2004 عاملة 18000 كيلو
هل يجب تغيير البوجيهات
وشكرا
اهم حاجة بس نوع البوجية علشان المضروب مالي السوق و بالذات نوع اسمة بوش و مكتوب علية صنع في المانيا دا بيجي علي قمة الانواع المضروبة في السوق و منة مش بيعدي 30 جنية للطقم يلية في الردائة نوع صنع في البوسنة و في نوع اسمة ان جي كية مش بطال جويس و فية توكيلا تستخدمة و في نوع جامد جداااااااااااااااااااااا فرنساوي بس لو تعرف تجيبة اصلي مش مضروب
اهم حاجة اشتري الاصلي ايا كان
غيرها احسن لان بقالها 4 سنين
معظم الكتالوجات يتقول التغير بعد 20 الف
انا عايز اجيب 2 شمعه او ثلاثه شمه ياريت حد يقولى على نوع جامد
وايه الفرق مابين splitfire والعادى
البوجيهات تتغير كل 20 او 30 الف كيلو او سنه ايهما اقرب
توكيل هيونداي بيغيرهم كل 30 الف بس سنة دية مش قليلة شوية ؟
و المشكلة في تغيير البوجيها حاجتين اولا اللعب يعني في ميكانيكي حيقعد يفك و يربط و طبعا الله اعلم بضميرة و فاهم و لا لا و ممكن يكون لسة بيتعلم
ثانيا انك تضمن تحط نوع كويس مش مضروب او مرطب لانك ممكن تغيرهم و تلاقي الفرق للاسواء و حصلت قبل كدا لان طبعا هنا في مصر في حاجات كتير قوي بالحظ طبعا من ضمنها الشراء و جودة البضاعة ( سواء علشان الماركة السليمة او حالة البضاعة نفسها )
اذن الموضوع مش تمنهم الرخيص فعلا جدا ايا كان نوعهم
و شكرا و اسف علي الاطالة