السلام عليكم ورحمة الله
ياجماعة انا خلاص :fun_36_3_4[1]: محتاج مساعدتكم فى الاختيار ضرورى كل اما استقر على عربية اقراء كلام عنها ميعجبنيش فارجوا منكم مساعدتى فى الاختيار الشراء بين
بروتون ساجا -كيا بيكانتوا -هيونداى i10
وشكرا مقدما
السلام عليكم ورحمة الله
ياجماعة انا خلاص :fun_36_3_4[1]: محتاج مساعدتكم فى الاختيار ضرورى كل اما استقر على عربية اقراء كلام عنها ميعجبنيش فارجوا منكم مساعدتى فى الاختيار الشراء بين
بروتون ساجا -كيا بيكانتوا -هيونداى i10
وشكرا مقدما
الساجا متنفعش في المقارنه دي لإنها ولا زيهم في الحجم ولا الموتور والبيكانتو الi10 تقريبا حاجة واحده (الإختلاف بسيط)
انا شخصيا هاختار المعروف والمنتشر
بيكانتو
عربيه موجوده فى السوق بقالها كتير قطع غيارها منتشره توكيلها محترم كورى 100 % ضمان 5 سنين أو 100 الف
يعيبها انها أقل واحده فى الأوبشنز 2 زجاج كهرباء فقط وتقريبا مفيش مرايات كهربا ولا فوجات بس كاوتشها مقاس 14
اختيارى التانى هايكون i10
كورى تقفيل هندى عامله مبيعات كويسه شكلها أظرف شويه من البيكانتو من الداخل
الأوبشنز حلوه 4 زجاج كهربا وفوجات ( فى الفل أوبشنز ) وسى دى بس كاوتشها مقاس 13
عيوبها طبعا توكيلها وقطع غيارها غاليه
ثالثا الساجا
ممكن تبقى أفضل من الاتنين التانيين بس لسه جديده
بس عامة هى أكبر وأوبشنز أكتر وموتور أقوى
و الله لو انا اللي بشتري, هجيب بيكانتو على طووووووول....
بجد عربيه ممتاااااازه...
لو بتفكر في عربية مدينة سلسة القيادة وموفرة للبنزين الـ i10 ممتازة (اختارها عن البيكانتو للاوبشنز الاكثر والدركسيون الكهرباء ولا يفرق معايا التوكيل لان الهيونداي عادة مش محتاج غير الصيانة الدورية ومافيش منه مشاكل) اما لو عايز سيارة اكبر في الحجم وموتور اقوى (ومش فارق التوكيل كمان) يبقى الساجا.. لو بتدور عالتوكيل مافيش قدامك غير البيكانتو
انا ببص على العربية ككل كخامات داخلية ومدى جودتها وكماليات ووسائل امان وقطع غيار وبعد ذلك التوكيل
البروتون ساجا شكلها ظريف و شكلها اكبرهم في الصور لاو خاماتها كويسة وانت عايز عربية كبيرة يبقي هي احسنهم لاو عايز عربية صغيرة انا باحترم ال i10 اكثر.
من المواصفات : الساجا
من السمعة : بيكانتو
الساجا كخامات داخليه سيئة
توكيل سيئ
جوده اعتقد برتون سمعتها فى الجوده جيدة ( فى حاجات هحكم على الساجا من خلال سمعه برتون عشان معرفهاش بالنسبه للساجا )
تقفيل برتون سمعتها فى التقفيل وحشه
كماليات كويسه جدا
أمان غير معروف
شكل رياضى جميل واحلى شكل فيهم
ماتور ممتاز جدا جدا يكفى أنه 1300 و94 حصان
وسع اوسع واحده فيهم وشنطه حجمها محترم
قطع الغيار لسه ما ظهرتش بس اعتقد أن العربية هتعمل انتشار كبير وده هيخلى قطع غيارها متوفره ورخيصه بعد شويه - أن شاء الله -
ثبات معرفش عشان مجربتش
ارتفاع عن الارض معقول جدا ومش هيخلى العربية تحك فى كل مطب
إعادة البيع اقلهم الساجا
أن رغم أنى قلت أن فيه اكتر من حاجه سيئة لكن رغم كده أنا لو مكانك ها ختار الساجا عشان أنا لما بادفع فلوس ممكن اتغاضى عن موضوع التقفيل وقرف التوكيل شويه المهم عندى - ده بالنسبه ليا أنا مش عارف تفكير حضرتك أيه - هو العربية على المدى البعيد
أعتقد الساجا على المدى الطويل افضل
شكرا لكل من شارك فى الموضوع جزاكم الله خيرا