اصل اكيد فى حل للقرف اللى انا فيه ده عملت كل حاجه ومفيش فايده

[overline]

الموضوع ده تاسع مره اكتبه ياريت اللى يعرف حاجه يجاوبنى يا جماعه
العربيه تيبو 1400 وبتاكل بنزين بهبل اوى
عملت الأتى روحت لواحد متخصص فى الكاربراتير وغيرلى بيبان واكس ونضف وعمله صيانه كامله وكان فى حاجات فى الكاربراتير فيها بوش غيرها
العربيه كانت بتاكل زيت قلت حاجه فى الموتور طلع جوان كارتيره غيرته ولسه ما غيرتش الزيت علشان اشوف الزيت قل ولا لا
مش عارف بصراحه اعمل ايه وكل ماروح لميكانيكى اقول له ظبتلى تاكيهات (الحركه المعتاده) افتح الكابوت - دور - يشد من الشداد شدتين - (فون فون) لا لا لا العربيه بالصلاه على النبى زى الفل والتاكيهات مظبوطه
طب افتح الموتور وشوف - لالا زى الفل
بجد مش عارف اعمل ايه العربيه اللتر بيعمل 6 كيلو
يا ريت يا جماعه تساعدونى علشان بجد زهقت وقرفت

[/overline]

ممكن تروح تقيس نسبة حرق البنزين علي الكمبيوتر ب 40 ج في بنزينة من الي عندهم كمبيوتر ضبط المحرك , و لاو معرفش يضبطها شوفلك كاربيراتير جديد لان معلوماتي ان صعب تلاقي حد كويس يصلح كاربيراتير.

انا هجاول اساعدك على قد ما اقدر....
الكربراتير لو مش مظبوط مع الكبس بيبقي فيه دخنه سوده و ريحه حريق ني....
التكيهات لو مش مظبوطه تسمع صوت تنقير التاكيهات او تلاقي العربيه مكتومه و بتسخن....
و لو لسه عامل باب و اكس العربيه بتاخد فتره على بال ما الباب و الاكس يظبطوا...
جرب تغير البوجيهات و فلتر الهواء كبدايه... ولو عربيه حضرتك فيها حساسات جرب تكشف عليهم...
في كراكز لظبط الكربراتير و العادم انا اعرف واحد في جسر السويس قيل الجاراج لو جاي من ناحيه الحرفيين قبل بنزينه كالتكس و تخش يمين هو مركز اسمه الصفا و شغلهم كله بالكمبيوتر....
يا رب اكون افدت و ربنا معاك

تعالى جنبى يا ريس ، انا عربيتى هيونداى اكسنت 1500 عملت فيها البدع ، الكمبيوتر قال كل حاجة زى الفل جهاز co قال كل حاجة زى الفل وحرق العربية مثالى ، مع انى متأكد ان ده مش صح العربية عندى بتعمل فى الصفيحة 75 كم او 80 كم

شوف هو في برضه حاجه حصلت معايا قبل كده اتأكد من توصيلات البنزين من التانك و الموتور ممكن يكون في خرطوم مشقق او مقطوع او الفلتر مهرب ....
و يا ريت لو عربيتك فيها حساسات اتأكد انها سليمه....
بالنسبه لموضوعك والله انا حاسس بيك بجد انا عانيت سنه كامله بسبب الموضوع دا و بعد ما عملت الباب والاكس قعدت 3 شهور علبال ما الاستهلاك ظبط شويه....
ربنا يعينكم وإن شاء الله بسيطه

بجد انا متشكر ليكو جدا على مروركم ده
بس النقطه انا ماوصلتش لحل برضوا اشوف الوصلات اللى جايه من التاتك ولا هو الموضوع حيظبط بعد فتره علشان لسه الاكس والباب عاملهم والبوجيهات انا لسه مغيرها بس شكلها مقلب برضوا ان جى كى والاصلى ومفيش العربيه بتنتش منى وفلتر الهواء فعلا بقاله فتره كبيره ماتغيرش
نقطة الحساسات دى مش عارفلها حل برضوا او مش عارف هى حساسات ايه اصلا علشان اقول للميكانيكى يشوفلى فيها ولا لأ
معلش يا رجاله خليكوا معانا شويه علشان انا بجد مقريف جدا والله

انا لاحظت من شويه كنت بفرج واحد صاحبى على العربيه اهو بيفتى عليا بس قولت اوريهالو الراجل مشكور
لاحظت تسريب بنزين بسيط من عند جوان معين كده فى الكاربراتير

وارد جداً ان جوان الكربراتير بيكون مهرب و يا ريبت تخلى فني يبص عليه برضه ممكن كحتاج يتربط او جوان (في طقم اصلاح بيبقي فيه جوان للكربراتير و حاجات كده الصراحه مش فاكرها)....
انت عشان تتأكد من موضوع الوصلات وانت مدور تخلي الميكانيكي يبصلك على وصلات التانك (مش عارف الصراحه في التيبو تحت الكنبه الخلفيه ولا في الشنطه) و الوصلات اللي داخله الكربراتير...
حضرتك ذكرت ان العربيه بتنتش و انك مغيرتش الفلتر بتاع الهواء.. اقترح انك تغير الفتر و لو عربيتك فيها اسبراتير تبقي محتاجه تظبط الكهرباء....
موضوع الاكس و الباب بالفعل بياخد فتره على بال ما يظبط بالفع (انا كنت زيك في الاول فاكرها اشتغاله)
انا الصراحه معنديش خلفيه عن موتور التيبو كويسه و بحاول اساعدك على قد ما اقدر و ربنا يعينك

ايوه العربيه فيها اسبراتير اظبط الكهرباء بتاعة الكاربراتير حضرتك قصدك كده ولا كهربة الموتور ؟

الاسبراتير دا موزع شراره الاشتعال و دا اللي عايز يتظبط و دا سبب كبير من اسباب نتشه العربيه و في احيان بيكون سبب زياده استهلاك الوقود (تظبيط كهربه الموتور بتكون اصلاً من الاسبراتير)...
انت قصدك ايه بكهربا الكربراتير؟ يعني عندك بك سلانسيه كهرباء؟ لو موجود عنك بك سلانسيه كهرباء بيحتاج في بعض الاحيان يتظبط وهو لو مش مظبوط تلاقي عداد لفات الموتور مش ثابت او بمعني اصح الموتور مش مظبوط في السلانسيه..

ايوه هو فعلا الموتور زى الزفت فى السلانسيه تلاقى العربيه شغاله وفجأه نتشه فى صوت المحرك كده .... احنا قربنا نوصل شكلنا كده يا مسهل
دلوقتى الحل ايه بقى

انا على العموم لسه مغير بك السلانسيه من شهرين كده وبعدين الاسبراتير راكب فيه من فوق اربع وصلات اللى همه بيروحوا لسلوك البوجيهات فيهم واحد كده مش مظبوط تحسه مخلع والعربيه وهى على السلانسيه فعلا صوت الموتور مش ثابت على نغمه واحده بيقطع والعربيه الصبح بتتأخر فى التدوير جامد ولما بكبس بنزين وانا بسخن بتقطع جامد وتكتم كده

بص انا هقولك على حاجه تعملها عشان تريح دماغك...
انت هتفك الاسبراتير و خلى الصنايعي يظبطه ...
لو اشعال عادي استبدل الابلاتين و الكوندنسر و خليه يغسل الاسبراتير ببنزين,لكن لو اشعال الكتروني (مشط او وحده تحكم) إتأكد من حاله الموبينه و خليه يفك بك السلانسيه و يظبطه و لو احتاج تغيير غيره...
و إن شاء الله النتشه تروح والسلانسيه يظبط معاك...
بس الاول لازم تعمل الخطوه دي عشان تحكم على ظبطه الكربراتير (انا اللي غايظني اللي عمل الكربراتير ازاي ظبطه و كهربه العربيه مش مظبوطه؟؟)
يا رب اكون افدت

و من كلامك كده واضح انك محتاج طقم سلوك بوجيهات و فلتر هواء (و واضح اكتر انك مهمل في حق عربيتك هههه)...
ظبط الحاجات الاول دي وإن شاء الله تتظبط معاك و ترجع احسن من الاول

طيب انا هغير سلوك بوجيهات
الاسبراتير الكترونى من غير ابلتين وكوندينسر
هخلى الصنايعى يفكه ويشوفه محتاج ايه بس يارب بقى تظبط

دلوقتي انت تغير سلوك البوجيهات و تتأكد من إن الاسبراتير مظبوط (وضعيته صحيحه عشان لو مش مظبوط هيكون في تقديم او تأخير في الكهرباء و بتسبب نتشه) و بعدين يشوفلك بك السلانسيه و اخيراً ودا احتمال ضعيف يكون المشط بتاع الالكتروني بيخرف ودي بعيده شويه...
و تغير فلتر الهواء و تخلي الصنايعي يبصلك على مكان تسريب البنزين اللي صاحبك شافه في الكربراتير...
جرب و طمنا عليك و إن شاء الله بسيطه....
يا رب أكون افدت

ربنا يباركلك وجزاك الله خير

انا لسه راجع من عند الميكانيكى كشفلى على سلوك البوجيهات سليمه السلك اللى فى طرفه القطع ده اللى طالع من الموبينه او البوبينه تقريبا وقاللى ده مالوش دعوه بأكل البنزين
المهم ظبطلى كهربة الموتور مش من الكاربراتير والعربيه ظبطت الحمد لله مابقاش فى كتمه فى النقله ولا فى تقطيع ولا حاجه دلوقتى انا اروح بكره اظبتتاكيهات بقى ان شاء الله وأشيك على الوصلات اللى جايه من التانك للكاربراتير بس ولا فى حاجه تانى
فلتر الهواء اشتريته بس هركبو بكره ان شاء الله
ارجو الافاده يا اخ x-gom gom

لمؤاخذه الميكانيكي ده تعبان جداً يعني إيه السلك اللي جاي من الموبينة مالوش دعوة ده هو اللي بينقل الكهرباء من الموبينة للإسبراتير و 99% هو ده سبب النتشة اللي عندك لأن طالما فيه قطع يبقى بيهرب كهرباء
مش الراجل في الإعلان قال: شوف؟؟ الكارتير بينقط كهربا؟!:C_laugh[1]:
أهو إنت عندك كدة الموبينة بتنقط كهربا والسلك دة أول حاجة لازم تتغير
وتزبط مسمار الهواء عند ميكانيكي محترم غير ده أكيد و بعدين تزبط الكهرباء عن طريق الإسبراتير
وفلتر الهواء لو محتاج يتغير غيرة أو حتى على الأقل نظفه بخرطوم هواء في البنزينة وشوف ايه الأخبار

سيبك من الكلام الفاضي بتاع الميكانيكي دا....
انت بتعمل الكلام دا عشان تريح دماغك غير طقم السلوك ما دام فيهم واحد تعبان و غير بتاع الموبينه (التهريب في سلك الموبينه عامه يؤدي لضعف الشراره اللي رايحه للاسبراتير و بالتالي ضعف شراره الاشعال)...
غير طقم السلوك و سيبك منه و غير الفلتر بتاع الهواء و بص على الوصلات و المكان اللي قال صاحبك عليه انه في ترشيح بنزين و ظبط التاكيهات و إن شاء الله العربيه تبقي زي الفل...
يا رب اكون افدت

يعنى الحاجات دى كلها تعمل فرق استهلاك البنزين المرعب ده ولا هصرف والاقيها زادت 20 كيلو فى الصفيحه وشكرا على كده

متابع.....

ياريت تاخد بالك من شوية حاجات برضه
ضبط سير التقسيمة
حالة الكاوتش والزوايا
طريقة القيادة

إن شاء الله تعمل فرق معاك و اهم حاجه دلوقتي تغير طقم سلوك البوجيهات و تظبط التاكيهات عند حد بيفهم...
الاخ بحيري ذكر موضوع ظبط سير التقسيمه و دا في حاله إذا كان سير الكاتينه كاوتش وهو بيفرق (قريت برضه على المنتدي هنا و كان في قسم الدايو انه بيفرق في سحب العربيه و استهلاك البنزين) فشوف برضه إذا كان مظبوط أو لا و طبعاً دا لو كان سير الكاتينه كاوتش....
جرب الاول وإن شاء الله تظبط معاك

ايوه هو سير الكاتينه كاوتش فعلا

اقتباس:

---

المشاركة الأصلية كتبت بواسطة ba7ary

ياريت تاخد بالك من شوية حاجات برضه
ضبط سير التقسيمة
حالة الكاوتش والزوايا
طريقة القيادة

---

كما ذكر الاخ بحيري ضبطه سير التقسيمه بتفرق أنا قريت برضه قبل كده بس في قسم الدايو إنه لو مش مظبوط العربيه بتتخنق و الاستهلاك بيعلي...
إيه الاخبار معاك ووصلت لفين؟؟
إن شاء الله تتظبط و ترجع احسن من الاول

طيب معلش هو ايه سير التقسيمه ده
اللى هو مصطلحه ايه عند الميكانيكى ودوره ايه ؟

سير التقسيمه هو سير الكاتينه

متااااااااااااااااااااااا اااااااابع وقولنا اخر الاخبار

تحياتى

يا رب يكون خير يا اخ عمر متشكر لزوقك

مساء الخير جميعا انا قريت الموضوع والمشكله انى عندى نفس الموضوع فى اكسيل 1300 وعملتلها اكس وباب وكمان الموتو كنت عامله عامره قبل كده ولسه مغير فلتر الهوا العربيه فيها هزه وبتعلا وتوطا لوحدها اعتقد ده لما بقرص شويه وسحب البنزين اكار حاجه 250 كم فى 35 لتر وجربت كل حاجه وودتها لاكتر من واحد اللى بقولى كهربائى واللى يقولى ميكانيكى والهزه قالولى انها ممكن قاعده موتور وطلعت ساليمه العربيه لازم عشان ادورها افتح الشفاط واسيبها تسخن اى وقت فى اليوم وفى خاجه تانى بتجيب ال 100كم فى الساعه بعد 8 دقايق مثلا وانا دايس على الاخر بجد انا خلاص مش عارف اعمل ايه اتمنى انكو تفيدونى شكرا

نسيت اقول ان ال250 مع ان 99% من الوقت طرق سريعه العربيه الصبح كمان لما بشد الشفاط بتطلع دخان اسود ممكن ده عشان بقالى فتره نسيت اغير زيت موتور مش فتره كبيره بس عشان انا طرقى سريعه فاكيد كان الفروض اغيره من3 اسابيع كده

الواضح من كلامك حاجتين....
الاولي ان في مشكله عندك في الحريق ممكن تراجع الاول السبراتير (لو اشعال عادي) و طقم الكهرباء من سلوك بوجيهات الى بوجيهات و راجع الموبينه (الدخنه السوداء دليل على عمليه احتراق غير كامل) و اكيد مع الكبس بتكركر و بتجيب دخان اسود....
ثانياً ظبط الكربراتير و شوف لو التكيهات محمله لانها لو مش مظبوطه تخنق العربيه جامد.....
موضوع الرعشه دا اسبابه كتير بس من الواضح ان حضرتك عمليه الاشعال مش مظبوطه او الكربراتير مش مظبوط (خليط الهواء و البنزين و دا فني يظبطهولك)....
و ممكن برضه تبص على سير التقسيمه (الكاتينه) اذا كان وضعيته غير صحيحه في حاله اذا كان كاوتش (سمعت في المنتدي هنا في قسم الدايو انه لو مش مظبوط بيبرجل العربيه و الاستهلاك يزيد)....
و يا ريت تغير الزيت لو مش فاكر عدي عليه قد ايه عشان تحافظ على الموتور...
يا رب أكون أفدت

شكرا جدا على الرد وانا ان شاء الله هروح اشوف كده الكلام ده انا نفسى فى ميكانيكى محترم لو حد يعرف ميكانيكى كويس انا فى عين شمس بس مش مشكله فى اى حته فى القاهره هروحله بس يكون محترم شكرا تانى على الرد :ask:

انا صاحب الموضوع يا رجاله عملت كل الكلام ده ظبطت تاكيهات وغيرت سلوك بوجيهات وبوبينه وصلحت الكاربراتير وأتاكدلى من وصلات البنزين ومفيش اى تحسن
خلاص فعلا يأست

ربنا يعينك على ما انت فيه و اكيد في حاجه عندك غلط........
بجد انا كان نفسي بجد افيدك,,,,

اقتباس:

---

المشاركة الأصلية كتبت بواسطة jant

انا صاحب الموضوع يا رجاله عملت كل الكلام ده ظبطت تاكيهات وغيرت سلوك بوجيهات وبوبينه وصلحت الكاربراتير وأتاكدلى من وصلات البنزين ومفيش اى تحسن
خلاص فعلا يأست

---

نواصل بعد سنتين من الانقطاع :Zb_sor1[1]:
ايه اخبار مشكلتك ؟؟؟ وصلت فيها لايه ؟؟

casino online Of Joan of France, and English Moll, meant; and I may add, I'd have made it five minutes ago, if you'd given Her best time for conversation, Ninetta tells me, is after luncheon, l'Atréide Ménélaos blessa au côté le prince des peuples Hypérénôr. 124. I will not forget Mistress' playbag again. what they said. The temperance publications tell us that candidates for speak of Cassandra as of one wiser and better than herself. In Online Casino Bonus Sverige | 10,000 Kr Bonus online casino vip <a href="http://onlinecasinose25.com ">online casino </a>from sense, alight from the book, the picture or the statue once again to