هو تكييف السويفت يا جماعة بارد بس ولا فيه سخن كمان !!؟
عرض للطباعة
هو تكييف السويفت يا جماعة بارد بس ولا فيه سخن كمان !!؟
سخن و بارد
امال ليه التكييف عندى بارد علطول ... ازاى أجيب السخن !!!؟ يا ريت حد يفيدنى
أنا عملت كده و لسه الهوا بارد هل كدة يبقى فى عيب فى التكييف و لا فيه حاجة فايتانى
السلام عليكم
أنا اللى أعرفه ان موضوع الساخن مش متعلق أساسا بدائرة التكييف
الموضوع كله بيبقى فيه سخان (Heater) موجود وهو نفس فكرة الردياتير - يعنى زى مبادل حرارى - بيكون متوصل بدائرة تبريد الموتور (بالماء) وطبعا لما حضرتك بتجيب السويتش بتاع التكييف على الساخن وبتشغل الروحة بيندفع الهواء من وراء هذا السخان فترتفع درجة حرارة الهواء اللى بيمر على السخان ويدخل الصالون من خلال الهوايات
تمام بالضبط زى الردياتير لما المروحة بتشتغل.
دى الفكره اللى أعرفها .. أتمنى تكون معلوماتى مظبوطة وأكون قدرت أفيدك
تمام كده فانت ممكن تكون دورة السخن فيها حاجة مش مظبوطة او مسدودة او ممكن صنايعي فركوك مع صاحبها اللي قبلك اخترع حاجة عشان يريح دماغه مانت عارف الكفتجية والاختراعات
المهم...انا عندي بامشي في البرد وانا قافل الازاز ومخللي الهوايات تدخل هوا من بره فاللي اكتشفته انه حتى لو انت مش مشغل المروحة والهوا داخل من السرعة بيدفى...اهم مافي الموضوع ان لااااااااااااااااازم طبعا ان الموتور يكون سخن وانك تجيب الزرار لآخر الاحمر
التكييف فيه دورة بارد ودورة ساخن
كتير من الصنايعية بيلغوا دورة الساخن علشان ما يحصلش اى تسريب للهواء الساخن ويخل على البارد فيأثر على البارد.
ازاى تعرف ان الساخن ملغى. خلف الكاربروتير فى سدر العربية موجود ماسورتين داخلين لصالون العربية. المفروض انهم موصولين بدورة مياه العربية.