لو سمحتم انا كنت عايز اعرف مجموها كام و كده لأني مش عارف عنها اي حاجة غير الأقسام و الحاجات ديه :B4_611:
انا في 2 ثانوي دلوقتي و كنت عايز اعرف ايه نظام المجاميع و يا رب ربنا يوفق بس بالchemistry مفتكرش ان هيبقي عندي امل :khd:
عرض للطباعة
لو سمحتم انا كنت عايز اعرف مجموها كام و كده لأني مش عارف عنها اي حاجة غير الأقسام و الحاجات ديه :B4_611:
انا في 2 ثانوي دلوقتي و كنت عايز اعرف ايه نظام المجاميع و يا رب ربنا يوفق بس بالchemistry مفتكرش ان هيبقي عندي امل :khd:
شد حيلك
هو كل سنة وليها مجموعها يعني تقريبا علي حسب الطلب والمجموع
بمعني لو مثلا في 100 واحد عايز هندسة عين شمس ووخمسين واحد فيهم جايب اقل من 95 % والكلية عايزة خمسين واحد بس تقوم عاملة التنسيق فوق ال 95%
السنة اللي فاتت تقريبا هندسة عين شمس كانت واخدة من 95.5 %
واللي قبلها ( سنة الظلام الدامس وامتحانات العقارب ) كانت 92.5%
من الاخر ذاكر جامد فوق طاقتك عشان تبقي في الامان
ربنا معاك :)
بص انت اعمل اللي عليك وسيب الباقي على ربنا
انا كنت زيك وبحارب في الثانويه عشان مجموع هندسه وفي الآخر بقيت العن اليوم اللي دخلت فيه الكليه ديه لدرجة اني اتمنيت اني مكنتش جبت مجموع المخروبه دي
ودا مش عشان هيا وحشه دا عشان شويه الـ........ اللي ماسكين التعليم اللي متخرجين من سنة 60 قبل الميلاد ولسه بيدرسولنا نفس المنهج اللي درسوه واللي بيلغي نص محاضرات السنه عشان عنده محاضرات في الـauc ولا الـguc واللي تسأله سؤال يقولك مش فاضيلك وبعديها بشويه تلاقيه واقف زي الـ............ بيشرح عملي بالاجهزه الجديده المستخدمه في السوق لطلبة الـcredit hours اللي بيقبضوه
ومع ذلك محدش عارف الخير فين بس ربنا عمره مهيضيعك والله خليك واثق من نفسك واعمل اللي عليك وهتلاقي كل خير ان شاء الله.
والله ا جماعة ربنا يخليكو و انا هحاول و ان شاء الله ربنا يجيب اللي فيه الخير :)
شيد حيلك أنت بس و متفكرش غير فى المذاكره
وأدعى ربنا يهديك للى فيه الخير
و أن شاء الله تنضملنا وتبقى من ضحايا عين شمس
بس أنا مش هلحقك علشان ان باكلريوس السنه دى
أدعيلى أنجح بقه علشان مقبلكش :)))
ربنا معاك أن شاء الله ويكرمك بأكبر مجموع
شيء جيد انك يكون عندك طموح وأمل
نصيحة منى متسمعش لاى حد محبط
ده كليه صعبه...
التاس تعبانه فيها...
الدكاتره رخمين....
وهكذا
لما تسمع الكلام المحبط ، افتكر ان فيه مئات بيتخرجوا من كليات الهندسه ومحدش قال الكلام ده
اجتهد على قد ما تقدر وربنا يوفقك
إنت بس شد حيلك يا سمسم وإحنا هنظبطك في أي حاجة عاوزها والكليه صعبة مش سهلة بس لو إنت حاببها هتبقى على قلبك زي العسل وأنا نازل أمتحن أهه ماده محدش فاهم نصها وعادي جدا متقلقش وكله بيعدي
شد حيللك وهات مجموع كويس وساعتها ربنا يحللها
كلام صح يالنسبه انو مايسمعش الكلام المحبط لكن اخنلف معاك فى الراى فى موضوع ان فى مئات بخرجوا من هندسه ومش بيشتكوا منها انا هتكلم على هندسه عين شمس انا معرفش حد خرج من الكليه دى فى جميع التخصصات وحتى او كان الاول على الدفعه من غير مايشتكى الحقيقه انها كليه صعبه ورخمه ولو مش بتحبها من الاحسن انك ماتدخلهاش وبالتوفيق للجميع
متسبقش الاحداث
و لا تهون من حاجة و لا تهول منها
كل حاجة ليها وقتها
متشغلش بالك من دلوقتى
مش بقولك متبقاش عارف انت رايح فين لا بقولك الاهم فالمهم
ركز فى مذاكرتكك و بعدين يحلها الحلال
والله يا جماعة ربنا يخليكو بجد و ان شاء ربنا يسهل
بص يا باشا انا كنت زيك كدة عايز اعرف المجموع بتاعها علشان اجيبة وخلاص وادخلها بس للاسف نزلت جامد جدا
وحاربت الدنيا علشان اوصلها والحمد لله وصلتلها بس كلفتنى سنتين من عمري
خلاصة الكلام شد حيلك جدا السنتين دول وانت هتدخلها مرتاااااااااااااااااااااا اح ان شاء الله ومتلعبش على مجموع الكلية العب على انك مش عايز تقل عن 98%
وبالتوفيق ان شاء الله يا باشا
والله انا زيك بالظبط بس اكيد اكيد هندسه الطيران هى اصعب و افظع حاجه يعنى كل اللى اتقال ده و زياده عليه اضعاف اضعاف اضعاف والله انا بقول يارتنى كنت دخلت تجاره كان زمانى مخلص و مشتغل و يمكن متزوج بس ارجع و اقول كل شئ بيد الله سبحانه و تعالى و بأذنه و يارب الفرج من عندك
انا معاك ان فى ناس كتير بتقول كده و خلاص علشان تحبط الواحد وخلاص بس و الله فعلا العيب مش فالكليه العيب فالدكاتره و فالاسلوب اللى بيتعملوا بيه و المناهج اللى بقلها 50 60 سنه عندنا بقى فالقسم اللى بيخلص بيقول يارتنى مخلصت (مفيش شغل) واللى لسه بيدرس بيقول يارب اخلص و اترحم من الناس اللى بنشفها دى
صح لو مش بتحبها بلاش احسن و لو ربنا كرمك و دخلتها شوف ايه اكتر حاجه بتحبها و اتخصص فيها علشان دا بيفرق جدا جدا و ربنا يكرمك
على فكره فى ناس كتير بتدخل هندسه علشان المنظره بس او ناس تانى (اعرف منهم كتير) دخلوا هندسه علشان يدخولوا عماره (طبعا عارفين ليه) فنصيحه منى لو انت او اى حد تانى عايز يدخل هندسه علشان السبب الأول يبقى روح شرطه ولا حربيه ولو علشان السبب التانى يبقى تجاره او اداب او فنون:shyy:(مع كل الأحترام و التقدير لجميع الطلبه و الطالبات:colsmil: ) بس واضح كده انك مش منهم و مره تانى ربنا يكرمك
ياريت محدش يزعل من كلامى انا زى اخوكم الصغير برضوا بس انا شفت كتير قوى فالكليه و اتعرفت على ناس كتير من كل شكل وكل اللى قولته دا عن تجربه بجد
عندك حق يا شيكو وده انا كانوا بيبوسوا إيديه أخش عماره وأنا مرضيتش عشان ميتقلش عليا .....
بس أنا الحمد لله حابب قسم كهربى (بغض النظر عن الدكتور الي حط امتحان إمبارح)
http://www.nilemotors.net/Nile/121236-a.html
وعادي يا سمسم سيبك من الي حصلي في الإمتحان لازم في كل كليه هتلاقي كده وهتلاقي كده
على فكرة انا معيد فى قسم عمارة عين شمس , و اعتقد عيب اوى على الاساتذة المحترمين اللى كاتبين فوق دول اللى هم كاتبينه .
قسم عمارة من أصعب الاقسام كحجم عمل و تمرينات و مشاريع و فى ناس بيسمعوا الكلام الفارغ اللى بتقولوه ده و بيخشوا القسم و بعدين مبيلحقوش يقعدوا مع اهاليهم اصلا عشان يقعدوا مع بنات زى مالاخوة بيلمحوا , و الطبيعى ان الطالب يقعد يومين و 3 مطبق بيشتغل
وعمارة بتاخد تانى اعلى مجموع بعد كهرباء يعنى بتاخد ناس مجتهدة , و للاسف يعنى البنات بكونوا مجتهدين عادة أكتر من الرجالة , فاعداد كتير بنات بيخشوا القسم و بعدبن و بيعانوا و و الله كل سنة - وانا شاهد على دفعات كتير بحكم عملى - لازم 3-4 بنات يجيلهم حالات عصبية و ازمات تنفس من كتر حمل الشغل .
اللى يكلم عن حاجة يكلم عنها بعلم و بلاش فتى و تجريح فى الناس الله يكرمكوا وخليكوا فى الموضوع الاصلى اللى طلبه صاحب الموضوع
والله أنا عارف إن عمارة بيطلع عينهم ومش كل بتوع عمارة بتوع بنات لكن للأسف النظره العامة لعماره (هندسه أو فنون) إنهم كده والله ما أقصد حاجة ولو ردي دايق أنا ستعد أطلب من الإدارة حذفة حالا
بص يا بشمهندس (مُستقبلا بإذن الله) لازم تحدد أنت فى البداية عايز تطلع مهندس لية (ويُفضل مهندس أية ، يعنى ميكانيكا ولا عمارة ولا مدنى ولا ولا ولا ) علشان متدخلشى وبعد كده تقول لأ ده نظام الشغل مبيعجبنيش ، وتخرج تشتغل وأنت ملكشى نفس ، (وأعتقد أن كان كورسات بتتاخد فى زدنى بخصوص الموضوع ده)
وفى الآخر ربنا يوفقك (هندسة صعبة آه ، بس بتاع تجارة برضوا بيشتكى وفعلا عندهم صعبة ، المهم المتعه اللى بجد لما تشتغل بإذن الله)
بخصوص البشمهندس محمد مكاوى ، فزى ما أخونا يوكو وضح ، قسم عمارة زى باقى الأقسام صعب وكل حاجه ، بس بيبقى فى شباب مقضيها (زى باقى الأقسام برضوا) بس بحكم التواجد طول اليوم بيبقوا ظاهرين أوى ومتواجدين فى مبنى عمارة على طول (يعنى مثلا عندنا فى هندسة المطرية مبنى عمارة مشهور جدا ، وتقول للواحد تعالى نقعد عند مبنى ميكانيكا يقولك بلاش قرف تعالى عند عمارة :d )
لكن محدش يقدر أبدا يا بشمهندس يمس قسم عمارة بسوء (ده حتى أحنا ولاد كار واحد :d )
طب دة بالنسبة لواحد عايز يدخل هندسة طب العارف انو مش هيطولها يعمل اية وعارف انو استحالة هيوصلها لانة لعبى
أهم حاجة تكون عارف إنت عايز إيه و ليه
و ليه دي أهم
لازم تكون عملي قدر الإمكان
كل واحد ظروفه و إمكانياته مختلفة عن التاني
لو غاوي هندسة حاجة من اتنين
1- عاجباك الدراسة و المجال و ده غالبا مبني علي معلومات عامة ، نصيحة إسأل عن كل التخصصات و نظام الشغل لكل تخصص و نظام الدراسة و نوعها علشان متبنيش اختيارك علي معطيات خاطئة
2- إمكانيات العائلة تخدم في مجال معين كأن يكون الوالد له شركة في نفس المهنه أو يوجد معارف يسهلوا لك العمل بدخل محترم و ده مش عيب
في الآخر الكلية دي وسيلة للكسب و ليس هواية فإن لم تعمل ما تحب فستحب ما تعمل طالما الدخل مناسب
أعرف مهندسين ناجحين و آخرين فاشلين و كذلك في كل مهنه
لي زملاء نفس الدفعه من كليات عادية أفضل مني حاليا ماديا و اجتماعيا و أترأس فنيين أفضل من مهندسين زملاء لي ماديا و اجتماعيا !!!
أرجو أن يكون المعني واضح
اولا انا لما كنت بقول بيدخلوا علشان كده قلت اللى بشوفوا واللى كتير بيعملوه و انا افتكرت ان مش بس عماره كيمياء كمان
حضرتك معترض و قلت عماره صعبه و مش سهله بس انا مقلتش ان عماره سهله علشان يكون ده رد حضرتك انا قلت اللى شفته لما كنت بختار القسم ولسه بسمع من الناس اللى معايا فالقسم " مش لو كنا دخلنا عماره كان زمانا مرتاحين على الأقل فيها حاجات تفتح النفس :colsmil: " وكلام كتير بس مش هاينفع اقوله علشان مزعلش حد و طبعا انا اسف بس كلنا عارفين الشباب مصطلحاته صعبه شويه
لكن علشان سوء التفاهم اللى حصل انا بقول "عماره مش زى م الناس فاكره و انا ليا ناس كتير كانوا معايا فأعدادى (هندسه مش مدرسه طبعا) و طالع عنهم فيها كفايه الأمتحان ال 6 ساعات ده و المشروع و اللوح و الله واحد ورانا لوحه تصميم فندق تقريبا و اللوحه كانت تحفه بجد و مشطوب عليها و لازم يعدها علشان غلطه فيها
انا بس هأضيف حاجه صغيره علشان حضرتك متزعلش منى
" كل اللى اتكتب دا كان كنصيحه مننا لصاحب الموضوع و علشان النصيحه تكون كامله لازم الواحد يقول كل اللى يعرفه و شافه و سمعه علشان محدش يقول اننا بنبخل بالمعلومه و النصيحه و بجد فى ناس كتير واخده فكره غلط عن معظم الأقسام مش بس حكايه البنات لا فى ناس فاكره ان فى أقسام سهله و ظريفه او زى القسم اللى انا فيه انا اول مدخلت هندسه قلت طيران ان شاء الله و كنت متخيل القسم دا انه قسم وهمى بقى دراسه و عملى و و و و والواحد اول مايخلص هيروح بوينج ولا اير باص او حتى مصر للطيران بس كل ده طلع وهم ولا درسنا حاجه تذكر عن الطيران كل اللى حصل ان المنهج فيه كلمة طياره او صاروخ بس مش اكتر
طبعا مش عايز اتكلم عن الشغل
و مره تانيه انا مش عايز حضرتك تزعل و ربنا يوفق الجميع
اكيد كل كليه فيها كده و فيها كده
بس هندسه تزيد عن باقى الكليات ان فيها كـده وكده فى نفس الماده (يعنى مش ماده و ماده ) :stink[1]: اخر امتحان كان 8 اسئله 5 اجبارى و 3 تختار منهم 2 صراحه ال 5 الاجبارى تحفه اكثر من ممتاز مع العلم انها مده صعبه شويه بس الواحد فرح بنبص على ال 3 علشان نختار 2 منهم فهمنا انه الأمتحان 5 اسئله بس و محدش لمس الباقى الا على خفيف كده
المهم شد حيلك انت علشان تخلص
بس انا عاتب عليك فاللى قلته انك مرضتش تدخل عماره علشان محدش يقول عليك .........
عاشان المفروض الواحد يعمل اللى هو عايزه بغض النظر عن مين هايقول ايه و ده اللى حصل معايا لما قلت انى هأدخل هندسه طيران كل الناس قالت بلاش صعبه قوى و ميكانيكا احسن و يابنى انت غاوى تعب و كل واحد ينصح و يقولى دا فلان اخوه فيها و بيشتكى و مش عارف مين سألوه قالهم بلاش بس انا قلت لا شكرا على النصيحه بس انا هأدخل طيران و هأثبت ان انا صح
بس لأسف طلعوا هما صح :shyy::shyy:
أنا من قبل ما أخش الكليه وأنا عايز كهربى بس لما لقوني برسم كويس ومخيلتي كويسه وطلعت الأول على الدفعة في الرسم قعددوا يزنوا عليا أخش عمارة
وأكيد مش هو ده السبب الوحيد بس هو من عده أسباب تانيه
انا الصراحة عارف ان فى ناس كتير واخدة الفكرة دى عن قسم عمارة و ده اللى مضايقنى , و اللى ضايقنى اكتر رد yoko لما قال مرضيتش اخش القسم عشان ميتقلش عليا .... , يعنى خلاص عمارة بقت شتيمة
ما علينا , اذا كانت النية خالصة لصاحب الموضوع انو ميدخلش عمارة لو كانت نيته وحشة يبقى كويس , احسن ما على قلبى ان الناس اللى مش حابة مجال الدراسة ده و مش موهوبة فيه متدخلوش , لأنى أنا و زملائى فعلا نواجه مشاكل حقيقية مع نماذج الطلبة اللى فاكرة انها داخلة القسم عشان (سهل ) أو عشان ( تظبّط !! )
و ربنا يوفق الجميع , كل فى مجاله
يا جماعه قسم عماره قسم محترم وبعدين هما هيجيبو من بره ما كله من هندسه يعني مجموع في ثانوي يعني.............
بس نصيحه لصاحب الموضوع : اوعى تخش قسم مش مقتنع بيه عشان دي غلطة عمري يوم ما قالولي ميكانيكا صعب وهتشيل واقنعوني اخش مدني ،والى الآن بدفع التمن لان القسم صعب جداً مش زي اللي اتقال عليه
فلو كنت دخلت ميكانيكا كانت هتبقى صعبه بس بحبها انما مدني صعبه بس مبحبهاش فبتعب فيها جامد
بتفكرنى بنفسى ايام ما كنت لسه فى اعدادى كنت بروح مع واحد قريبى كليه ( هندسه عين شمس) واستهويت الكليه لدرجه انى خلاص بقى لى ركن بقعد فيه
ودخلت الثانوية العاميه و لعبت شويتين لقيت نفسى اما علوم واتشحطط بره المحافظه او تجارة وادنى فى المحافظة فاخترت التجارة والحمد لله ربنا عداها و خلصت وشغال ولسه لحد دلوقت عرق الهندسه بينقح عليا