بسم الله
أزيكوا يارجاله نايل موتورز وكيا بالتحديد :verygood:
أولا: بشكر الدكتور أحمد سامى ( Ahmed Samy ) على سعه صدره ومساعدته ليا وبصراحه مكنش مأخر حاجه عنى خالص
بصراحه راجل زى السكر وذوق جدااااااااا ( وربنا يعينه على اللى هو فيه والحمدلله انه بخير ) وألف سلامه عليك
وبشكر برده حبيبى حسام باشا ( Hosam_Optrawy ) على مساعدته ليا وإكتساب خبراته وتبادل الأراء ( جامده تبادل الأراء دى) :C_laugh[1]:
بصراحه إتش مجدعه :)
الحمدلله ربنا كرمنى أخر كرم بــ نيو سيراتو فضى خليجى هاى لاين كااامله ماعدا كاسيت 6 اسطوانات
مع العلم انى قلبت الدنيا على عربيه كاامله فيها كل حاجه مفيش خاالص
وسألت على الموضوع ده عرفت انها معتش بتنزل الكامله خالص وكله دلوقتى اسطوانه واحده ( طبعا مش متأكد من المعلومه لأنه كان كلام إتقال )
وللعلم برده هيا موجوده اللى فيها خزان بس لو فيها هتلاقى حاجه تانيه ناقصه
يعنى مثلا ممكن تلاقيها ناقصه مرايه تعتيم او جنط او فتحه سقف كده يعنى
المهم اتوكلت على الله وجبت الكامله من غير كاسيت 6 اسطوانات
العربيه بسم الله ماشاء الله أكيد طبعا انتوا عارفين
بس أقل مايقال ( كيا دى منزله تحفة فنية ) شركة محترمه بجد :Ta_clap[1]:
واستلمتها انهرده ورخصتها انهرده برده الحمدلله
انا جايبها قسط وان شاء الله برده هجيب جين 2 وهتوصل على الأسبوع الجاى بإذن الله
معلومه صغننه: كنا هنجيب بيكانتو بس معجبتش الحاج وقال محندقه و صغيره ووقع الاختيار على جين 2 :ma:
يعنى انا بقيت سيراتاوى وكنت هبقى بيكانتاوى كمان بس يالا بقى مفيش نصيب المهم انى بقيت كياوى :satelite:
وربنا يستر طريقنا جميعا ويحمينا من شر الطريق ويدينا خيرها ويكفينا شرها - آآميين يارب :ask: