عرض للطباعة
يا جماعه الموضوع ده فعلا بيتعب ناس كتير ياريت كل واحد
يدخل و يفدنا ب المعلومه المطلوبه عاوزين نعمل موضوع شامل
عن كل التعديلات الي بتطلع النيو سيراتو من الضمان
انا كنت سألت علي الزينون وقالولي بيطلع الضفيره من الضمان
عاوز اعرف بقي انهي جزئ تاني من العربيه ممكن يطلع
انا عاوز اركب فلتر رياضي هل بيطلع مثلا من ضمان الموتور
وهل الجنوت بتطلع من ضمان العافشه يا ريت الافاده
ياريت كل الي يعرف يفيدنا بجد
ايه يا جماعه 61 مشاهده و ولا رد محدش عارف خالص ولا ايه يا رجاله كيااقتباس:
المشاركة الأصلية كتبت بواسطة alzwawy
متابع باهتمام
ايه يا جماعه 95 مشاهده من غير ردود خالص محدش عارف حاجه خالص كده يا رجاله كيا
بص انا هيونداى بس متهيألى سيستم واحد و اللى هاقولهولك ده أنا عامله وأنا عامل 2500 كيلو بس :
الجنوط................ ضمان العفشة
فوجات (وبالتالى أكيد الزينون طالما هتلعب)................ ضمان الكهرباء
فلتر هواء سبورت (كنت هاجيبه).............. مبيعملش حاجة فى ضمان الموتور
بس ده اللى أنا اعرفه حاليا وكده كده أنا مش هاكمل مع غبور لأن حرام فيه كل جنيه
لكن توكيل كيا بيقولوا محترم جدا جدا فشوف بقى انت عايز ايه
معلومة برده :
تخرج من الضمان ياعنى لو حاجة ضربت أثناء الضمان (عيب صناعة) هاتشيلها انت لكن الصيانات عادى نفس الأسعار وكل شىء
ياعنى او انت مجنط وكلت بلاعة طيرتلك المساعد أو غيره يبقى ملهمش فيه و ملكش حق تاخد حاجه وأرجو أنى أكون أفدتك
شكرا ياباشا علي ردك رجاله كيا شكلهم مش عارفين بس رجاله هيونداي معانا بردهاقتباس:
المشاركة الأصلية كتبت بواسطة shouk_1987
شكرا يا مان وكلنا اخوات
انا مش هجنط بس كنت عاوز افيد الناس
والزينون مش هركبه بعد ما قالولي هكلع من الضمان
بس نفسي اركب فلتر يا رب ميكونش بيطلع من الضمان زي هيونداي
معلومة برده :
تخرج من الضمان ياعنى لو حاجة ضربت أثناء الضمان (عيب صناعة) هاتشيلها انت لكن الصيانات عادى نفس الأسعار وكل شىء
ياعنى او انت مجنط وكلت بلاعة طيرتلك المساعد أو غيره يبقى ملهمش فيه و ملكش حق تاخد حاجه وأرجو أنى أكون أفدتك
يعني لو ظهر عيب صناعه و انا مش لاعب هشيله انا
ولالوانا غيرت حاجه معينه و ظهر عيب بسببها اشيله
ويا رب يكون نفس النظام و الفلتر ميطلعنيش
طب تغيير الكاسيت او اضافه سماعات واو صب او جي ام يطلعها برضه من الضمان ولا لا
متهيألي الصب و ال جي ام فيهم لعب في الكهربه
واي حاجه ليها علاقه بالكهربه بتطلع من الضمان
وادينا مستنين رجاله كيا ترد علي كل اسألتنا
هو محدش بيرد ليه هو محدش عارف ولا ايه
والله انا ماعارف شكله فعلا محدش عارف حاجه
فينك يا ا\غازي وفين باقي الاعضاء الي فاهمين
السلام عليكم و رحمة الله و بركاته ............
نظرا لأهمية الموضوع المطروح أنا متابع بإهتمام و لما أوصل لأى معلومة أكيد هشترك بيها .
ليا واحد قريبى معاه العربية و كان عايز يركب جهاز إنذاربس قاللوله إنه كده هيطلع من الضمان علشان ضفيرة الكهرباء .
انا بصراحه الموضوع ده بيزعجني لأننا بنضيع حقوقنا بايدينا ازاي اركب شيئ جديد في عربيه يطلع اي حاجه متعلقه بيها بره الضمان الكلام ده ممكن يكون صح في حاله واحده وهي ان الجهاز اللي ركبته ده فعلا اصاب ضرر بمكونات السياره وده لازم تكون جهه غير التوكيل هي اللى تقول ده مش التوكيل ياجماعه مش عايزين الناس تسيب حقوقها يعني مثلا انا معايا سيراتو الشكل القديم جاي معاه كاسيت تعبان جدا ولما بدأت اقرا كتالوج السيارة وجدت كاسيت السياره اللى في الكتالوج حاجه تانيه خالص خالص طيب مين بقي اللي يحاسب التوكيل يعني ازاي يكون الكتالوج فيه حاجه واللي راكب في السياره حاجه تانيه ومثلا كتالوج السياره مكتوب فيه يمكن تركيب مقاسات جنوط 15 و16 وطبعا التوكيل منزلهم مقاس 15 فلما اغير لمقاس 16 يبقي انا كده خرجت العفشه من الضمان مين يقبل بذلك ولما يكون كتالوج السياره به مثبت سرعه (ومكتوب كده اذا كانت العربيه مزوده) وطبعا التوكيل مش مزوده معني كده انه ممكن اضافة مثبت سرعه تخلي الضفيره تخرج من الضمان مع اني العربيه بره فيها الميزه دي يا جماعه ياريت لا نعطي التوكيل واقصد توكيل اي سياره وليس كيا فقط لا نعطيه اكثر من حقه وقدره هو ليس احد السلطات او الجهات السياديه في البلد وعايز انصح الناس لو في عند اي حد مشكله تظهر في اي سياره والتوكيل قالوا ان ده بره الضمان علشان وعلشان..... في جهاز محترم في البلد اسمه حماية المستهلك لازم الرجوع اليه وهذا الجهاز من الأجهزه المحترمه جدا في بلدنا ولازم نساعد هذا الجهاز لأنه يحمينا من الاعيب التوكيلات وغيرها وانا عن نفسي خايف على عربيتي اكتر من التوكيل وعارف الحاجه اللي هاركبها في العربيه هتأثر عليها ولا لأ ومدام عارف كده يبقي انا كده عارف حقوقي كويس ...... ولكم خاص تحياتي
السلام عليكم يا جماعة الخير
اولا لازم نفرق بين حاجتين اولا انك تركب حاجة وان فية ضرر يتم فى العربية بسبب الشيء اللى تم تركيبة يعنى مثلا انذار العربية لابد من تركيبة على ضفيرة الكهرباء بس لو الفنى اللى بيركب كان فاهم هو بيعمل اية والضفيرة محصلهاش حاجة يبقى مافيش حاجة برة الضمان
انما لو قدر الله وحصل مشكلة فى الضفيرة بسبب الانذار دة يبقى الضفيرة برة الضمان
نيجي بقى للحاجات اللى تطلع برة الضمان زى ما قلت مثلا الانذار ووحدات الرفع واعتقد الزينون واى حاجة يتم اضافتها على الضفيرة من غير ما يكون ليها فيشة بتركب عليها اصلا
اما مثلا فى حالة تغيير الكاسيت فاطالما انت مركبة على نفس الفيشة القديمة او عامل تحويلة منها فلا ضرر واعتقد كمان حساسات الرجوع للخلف لان هى فردة ارضى وفردة على كهرباء المرشدير بس انا مش متأكد من الحساسات
وتقبلوا تحياتى
أنا بصراحة متابع بإهتمام الموضوع ده عشان أنا فعلا نفسي أعرف هي الحاجات اللي بتخرج من الضمان
بس أنا بصراحة شايف إن موضوع الانذار و زنون يخرجوا عشان في عضو تقريبا حد راكبله ال زنون غلط أو مركبش كاتوت عالي كفاية وده عمل مشكلة مع الكاسيت (power supply ) مش كفاية
وبرده لو أنا فاكر صح كان في حد ركب انذار وكان في مشكلة في نور البواب عنده
أنا شايف إنهم لازم يعملوا الحاجات ده بسعر رخيص فالتوكيل مش مغلا فيه زي مهما بيسرقونا دلوقتي يعني المفروض إننا نشتكي التوكيل عشان يخفض سعر تركيب الكامليات فالعربية ويسمح للعميل إنه يجيب قطع الغير ارخص ومن الحتة اللي هو عايزها طالما مفيهاش مشكلة
اسف للاطالة بس ده رأي