تقييم شامل ل إلانترا 2004 - 2006 اوتوماتيك

**houbaz** · 27-01-2010 12:58 AM

السلام عليكم،
يا ريت كل الهيونداوية يعملو تقييم شامل للالنترا 2004 اوتوماتيك من حيث قوة الموتور و ادائه و مدى استجابة الفتيس الاوتوماتيك، و النعومة، و العفشة، و استهلاك البنزين و اسعار قطع الغيار.. شكرا

**houbaz** · 27-01-2010 12:20 PM

هو ليه كل ما اسأل على العربية دى ملاقيش اى رد؟ :)
محدش عنده العربية دى او يعرف حد عنده؟

**aihmansour** · 27-01-2010 07:37 PM

يا باشا أنا معايا العربية من إبريل 2006 أتوماتيك والعربية جميلة جدا جدا وأكثر من رائعة وناعمة وقليلة الصيانة وسمعتها في السوق أحسن بكثير ن الموديل الجديد إللي هوه موجود حاليا ومفيش حد قادر يطلع على الموديل ده غلطة واحدة

**newuser2009** · 27-01-2010 07:41 PM

المشاركة الأصلية كتبت بواسطة aihmansour

يا باشا أنا معايا العربية من إبريل 2006 أتوماتيك والعربية جميلة جدا جدا وأكثر من رائعة وناعمة وقليلة الصيانة وسمعتها في السوق أحسن بكثير ن الموديل الجديد إللي هوه موجود حاليا ومفيش حد قادر يطلع على الموديل ده غلطة واحدة

طيب و اسعارها مستعمل ايه ؟2006 ؟
انا عن نفسي بحب شكلها بحس من شكلها انها قويه و متينه

**د.محمود صلاح** · 27-01-2010 09:33 PM

انا كنت قرأت ان غبور بيلمها عشان يصدرها تانى لدول أفريقيا بس مش فاكر قرأت الحكاية دى فين ؟

**حماده المصري** · 28-01-2010 12:24 AM

انت كده كده لازم تلاقي فرق بين المانيوال والاوتو في التحكم في العربيه بس مش بيبقى الفرق كبير خصوصا في الكوري عشان اهو اساسا جراي وخفيف

عموما انا كنت مقيم العربيه بس مانيوال والعربيه دي تحفه فعلا وبحبها عن الجديده وفعلا مفيهاش غلطه

**Haitham10** · 28-01-2010 12:32 AM

ياريت فعلا ياجماعة ملاك العربيه دي او اللي عارفها كويس يقولنا معلومات عنها
عشان قليلة في السوق وبفكر فيها اوتوماتيك برضه

**houbaz** · 28-01-2010 11:14 AM

المشاركة الأصلية كتبت بواسطة حماده المصري

انت كده كده لازم تلاقي فرق بين المانيوال والاوتو في التحكم في العربيه بس مش بيبقى الفرق كبير خصوصا في الكوري عشان اهو اساسا جراي وخفيفه

عندك حق يا باشا اكيد فى فرق، بس فى عربيات اوتوماتيك موتورها بيبقى عفى و وزنها مش تقيل فادائها بيبقى شبه المانيوال زى الفيرنا اوتوماتيك و الجيتز و فى عربيات تانية اوتوماتيك استجابتها من الثبات بتبقى اقل، انا سقت فورد فوكاس و بيجو 307 و كانو كده، فعشان كده بسأل على الالنترا اوتوماتيك..

**aihmansour** · 28-01-2010 11:29 AM

المشاركة الأصلية كتبت بواسطة houbaz

اخيرا لقيت حد عنده العربية دى احمدك يا رب :) سؤال فنى بقى يا باشا، لما بتحط الفتيس على d او n العربية بتتحرك لوحدها ولا لازم تدوس سنة بنزين؟ اقصد فيها عزم جامد؟ او خلينى اسأل السؤال بشكل تانى، لما بتدوس بنزين و العربية واقفة تماما، فى اشارة مثلا العربية بتستجيب و تتحرك على طول و لا بتاخد الكام ثانية بتوع الاوتوماتيك عشان تتحرك؟ انا طول عمرى بسوق مانيوال و بحب العربية تبقى تحت رجلى على طول هل الالنترا اوتوماتيك كده؟ و اخبار استهلاك ال بنزين ايه؟ معلش تاعبك معايا يا باشا و متشكر لاهتمامك..

ولا يهمك ياباشا أنا تحت أمرك العربية بتتحرك بالراحة لما تكون على d لكن العربية عفية وإستهلاكها في البنزين كويس جدا جدا يعني تقريبا حاليا بتعمل 320كيلو في الصفيحة على الطوالي عند سرعة 100