إرتفاع السيارات موديل 2010 عن الأرض (Ground Clearance)

**Horsepower** · 27-01-2010 10:54 AM

لمن يهمه الأمر:
دي إرتفاعات السيارات عن الأرض (Ground Clearance) موديلات 2010:
إرتفاع الإمبريزا عن الأرض = 160 مم
إرتفاع السيراتو عن الأرض = 160 مم
إرتفاع السيفيك عن الأرض = 155 مم
إرتفاع الجيتا عن الأرض = 152 مم
إرتفاع الكورولا عن الأرض = 147 مم
إرتفاع الأوكتافيا عن الأرض = 140 مم
(أحمد سامي)

**Ahmed Samy** · 27-01-2010 11:01 AM

ماهو الارتفاع بتاع السيراتو ده هو اللي ودانا في داهية

بس الحقيقة مفيد معظم الوقت

الحمد لله

بس غريبة ان الوكتافيا أوطى من السفيك

**Horsepower** · 27-01-2010 11:03 AM

أنا عملت الموضوع ده علشان كان فيه واحد بيسأل عن السيفيك بس موضوعه تم إلغائه علشان الكتابة العربي بأحرف إنجليزي (أعتقد كدة).
و أرجو المشاركة من الإخوة الأعضاء ... عايزين نعرف ترتيب العربيات من حيث الإرتفاع عن الأرض ... و ممكن ننقل الموضوع لقسم المقارنات بس أنا بدأت هنا علشان الأخ إللي كان بيسأل و أول ما يشارك في الموضوع ننقل لقسم المقارنات بعد إذن السادة المشرفين طبعا.

**Horsepower** · 27-01-2010 11:09 AM

المشاركة الأصلية كتبت بواسطة ahmed samy

ماهو الارتفاع بتاع السيراتو ده هو اللي ودانا في داهية

بس الحقيقة مفيد معظم الوقت

الحمد لله

بس غريبة ان الوكتافيا أوطى من السفيك

أنا كنت زيك مش مصدق لما عملت المقارنة دي قبل ما أشتري السيفيك ... فعلا الأوكتافيا و الكورولا عاملين حركة إن العتب بتاعهم عالي عن الأرض و ده إللي مخلي الناس تتخدع فيهم بس إللي يدور بالأرقام يوصل للحقيقة.
أنا مش بقارن علشان أقول عربيه أحسن من عربيه أرجوكم إحنا بنقارن بين أرقام.

**الصيداح** · 27-01-2010 02:06 PM

جميل جدا
بس غريبة أن السيفيك أعلى من الكرورلا

**SAMEH_FOUAD** · 27-01-2010 02:36 PM

دة فية ناس بتفضل الكورولا عن السيفيك عشان الموضوع دة يطلع الفرق كدة انا مستغرب الصراحة لانى كنت راكب سيفيك 2007 وخدنا مطب صناعى وكنا اتنين بس قدام والعربية حكت فى المطبات يبقى ازاى بقى

**Horsepower** · 27-01-2010 05:11 PM

المشاركة الأصلية كتبت بواسطة semsem kane

انا مستغرب الصراحة لانى كنت راكب سيفيك 2007 وخدنا مطب صناعى وكنا اتنين بس قدام والعربية حكت فى المطبات يبقى ازاى بقى

ده لأن ال Wheelbase للسيفيك أكبر من الكورولا ب 10 سم
السيفيك 2700 مم
الكورولا 2600مم

**Sameh** · 28-01-2010 08:58 AM

اللى فاهمه إن ال الخلوص ال clearance بيتقاس من أوطى نقطة فى العربية ، يعنى ممكن يكون عتب الكورولا أعلى من السيفيك إنما الشكمان مثلاً منخفض شوية فممكن يحك برغم إن العتب يفوت بسهولة ، عشان كدة الأرقام تبدو غربية شوية وشايفين ارتفاع الأوكتافيا والكورولا الحقيقى أوطى من السيفيك ؟

**OilMan** · 28-01-2010 09:24 AM

متهيالى فيه حاجه غلط انا كنت حاشترى السيفيك بس جبت الكورولا ليه بقى انا قمت بقياس الجراوند كليرانس بنفسى بطريقه بلدى جبت ورقه ايه فور وحططها تحت اوطى حته فى العربيتين وتم ثنى الورقه على ارتفاع كل منهم وتم القياس بالمسطره وكانت النتيجه كالاتى الفرق على الاقل 2.75 cm
يعنى الكورولا كان 14.85 والسيفيك كان 12
ديه تجربه عملى وليس كلام ورق