الموضوع: اخوكم محتاس بقالى شهر؟؟؟؟ لينيا ولا كورى

بص لو هتقعد العربيه معاك كذا سنه خليك في اللينيا
لانها هتخسر كتير لما تيجي تبيعها ( للاسف )
و لو بتبدل في العربيات كتير بص علي اللينك ده
http://www.nilemotors.net/Nile/119120-a.html
ان شاء الله هتستفاد

بوص أنا لو مكانك مش هافكر بصراحة اللنيا على طول أنا ركبت اللنيا وال سيرتو بجد فرق اللنيا جامدة قوي

كعربية اللينيا لا تقارن بالسيراتو او كروز او النترا ابداااا , أحسن بكتييييير. ده طبعا لو الاوتوامتيك ميفرقش معاك أوي( انا الصراحة كنت عايز أوتوماتيك بس اتنازلت عنه عشان اللينيا و ان شاء الله ناوي أجيبها اليومين الجايين دول)

كان عندي بونتو 2001 و طلعت البلي الازرق علي جتتي , عايز ترتاح هات كوري او ياباني

المشاركة الأصلية كتبت بواسطة smax

كان عندي بونتو 2001 و طلعت البلي الازرق علي جتتي , عايز ترتاح هات كوري او ياباني

يا رجل حرام عليك ده البونتو ده حكاية أنا كانت معايا 2001 وكان معايا 2003 على فكرة وال 2 اتبعه ولو جت فرصة اشتري واحدة فيهم تاني هشتريهاا أكيد حالتك ده فردية

المشاركة الأصلية كتبت بواسطة fouady

يا رجل حرام عليك ده البونتو ده حكاية أنا كانت معايا 2001 وكان معايا 2003 على فكرة وال 2 اتبعه ولو جت فرصة اشتري واحدة فيهم تاني هشتريهاا أكيد حالتك ده فردية

بص يا باشا انا كان عندي 2001 زيرو و كان عند اخي 2000 انا هاقول لك العيوب المشتركة في العربيتان فقط:
الدهان الخارجي باظ,الزجاح الكهراباء الامامي طول النهار بايظ, الدبرياج ثقيل جدا و عند تغير الاسطوانة بقي بييلصق في الدواسة يعني تدوس علية ميطلعش تاني,مسامير المروحة فكت و المروحة اتحرقت, الثرموثتات الميكانيكي ( الفلف الي بيحبس المية داخل الرادياتير ) باظ و العربية سخنت و ولعت. دية العيوب المشتركة فقط غير العيوب الفردية زي مقبض الفتيس الي بيطلع في ايدك, عداد الحرارة الملوح...... الخ