عرض للطباعة
دلوقتي يا جماعة انا معايا 75 الف اجيب ايه و انا عاوز عربية أوتوماتيك عشان الشوارع زحمة
دلوقتي محتار بين ( يارس ) و ( ميجان ) و (استرا)
1- اليارس : تكون من مو 2006 الي 2009
2- الميجان : من مو 2006 الي 2008 عشان مو 2005 بسمع عنه انه في مشاكل و كدة
3- الاسترا: من مو 2004 الي مو 2006
عاوز بقي الوحوش يقولولي انهي احسن من حيث
1- ايه اخبار قطع الفيار
2-انهي عربية انسب للشوارع المصرية الجميلة
3- ايه اخبار اسعار العربيات دي عشان محدش يخدعني في السعر
ياريس..................................
معلش ممكن اعرف حضرتك اخترت اليارس ليييه ؟؟؟؟
و في انتظار باقي مشاركات الاعضاء
يارس......
الياريس سيارة مثالية لمصر من اي ناحية تبحث فيها
الاعتمادية /الوكيل /قطع الغيار/استهلاك البنزين/العفشة/ارتفاع عن الارض/موتور حديث واقتصادي/كماليات/عوامل امان........الخ
يارس مناسبة لمصر"
شكرا لكل من شارك و في انتظار الباقي
بس انا عاوز اعرف هو الميجان ليه لا عاوز اعرف حبة اسباب كدة
ابعد عن الاوبل كله عشان التوكيل بتاعها
من التلاته دول أختار ياريس
الميجان طبعا أفضلهم كعربيه
لكن المشكله ان ضمانها هايكون خلص وقطع غيارها أغلى فهاتكون مكلفه عن الياريس
عشان كدا اخترت ياريس
السلام عليكم
والله تقريبا انا زيك واخترت تقريبا ميجان 2006 او 2007
لكن لسه ماجبتش اليومين دول ان شاء الله هجيب
مش عارف مابحبش اليارس
والاوبل مش لاقى منها مستعمل كتير كويس
وطبعا كقيمة الميجان افضل من اليارس
على العموم شوف
ولو رسيت على الميجان ابقى قولى هتجيب منين وبكام
والله الموفق
ربنا يوفقك ان شاء الله و تجيب عربية حالتها نضيفة حضرتك ممكن تدخل علي المواقع دي وان شاء الله تلاقي فيها الي يناسبك
www. 3arabiti.com
Car100100 - Used Cars - سيارات مستعملة
ContactCars
طبعا مقارنة غريبة شوية
الاوبل افضلهم وياتي بعدها الميجان لكن مشاكلهم التوكيل وقطع الغيار الغالية للاوبل وغلاء قطع الغيار للميجان لكن وسع وقوة وثبات لصالحهم ....
الياريس اقل استهلاك بنزين واقل قوة وسحب منهم لكن انسبهم في المقارنة دي
أهم حاجة حالة العربيه
لو اتفقنا ان ال 3 عربيات حالتهم كويسه وانت بتقارن ما بينهم
يبقى انت احتياجاتك ايه
لو احتياجاتك عربيه شنطه واسعه وهتسافر بيها كتير يبقى الميجان
لو احتياجات عربيه لجوا البلد وقرف الركن يبقى الياريس
الحقيقة معنديش فكره عن الاسترا علشان اقدر افيدك
الاسترا دي تعتبر من العربيات الناجحه اوي واقتصادبه كمان وكمان ثبات جامد جامد
بس المشكله الوكبل وانا بقول صعب تلاقي حد عنده العربيه جيه وعايز يبعها الا ادا كانت حالتها تعبانه وعايز بخلص منها
اليارس على قد المبلغ المتاح
انا ارشحلك الياريس
ارشحلك الياريس بردو
كلااااااااام زي الفلاقتباس:
المشاركة الأصلية كتبت بواسطة mohammedsamirabdeen
الميجان اعتقد قطع غيارها ما بقتش غاليه زى الاول وبقت متوفره خارج التوكيل بكثره وفى الحرفيين بالكوم
وبعدين أنا باحس أن الميجان صفقه رابحة جدا كمستعمل - رابحه للمشترى خاسره للبائع - عشان سعرها بينزل الارض مش عشان عيب فيها لكن عشان الطلب عليها مش كتير
وعلى فكره الموضوع ده مش هيستمر كتير عشان الناس بدأت تحب العربية والعربية أول عربية رينو تحقق انتشار كبير فى الشوارع المصريه - طبعا انتشار اللوجان لسه انتشارها بيزيد بس اللوجان بقالها شهور بس يعنى الميجان سبقتها وكمان الميجان اعلى يعنى الفئة بتاعتها عمر انتشارها بيكون زى انتشار فئة اللوجان
يعنى عربية كانت معديه 150000 جنيه بتشتريها بنصف سعرها بعد 3 اربع سنين يعنى الى باع خسر مبلغ كبير جدا لصالحك بس فى نصيحة اكشف على اى عربية مستعمله فى التوكيل لو مكنتش عربيه اخوك ولو عربيه اخوك برضه اكشف ودفعه نصف مصاريف الكشف
اليارس عربية كويسه بس فئة اقل من الميجان
معرفش حاجه عن الاسترا بس هى احلى شكل فيهم وبعديها الميجان
كلام منطقي جدا بس كنت عاوز اعرف مثلا سعر ميجان لا تزيد عن 50 الف كيلو مو 2006 الي مو 2008 تعملها كام جنيةاقتباس:
المشاركة الأصلية كتبت بواسطة zkralla
أنا معنديش فكره عن اسعار الميجان المستعمل بس لو عملت موضوع فى قسم رينو هتلاقى - أن شاء الله - ناس كتير خبراء فى الميجان هيردوا عليك ومش هيتأخروا عليك بالنصح بمنتهى الامانهاقتباس:
المشاركة الأصلية كتبت بواسطة mohamed1992
ربنا يوفقك للخير