-
هنا يقبل عزاء طلبه هندسة
أنا لسا جي من إمتحان الcircuit (دوائر كهربيه) وواضح جدا إن محدش كان بيدعيلي جالنا إمتحان والله لو الدكتور بينتقم مكنش عمل فينا نص الي حصل
الإمتحان كان كالأتي
السؤال الأول معقول فيه فكره واحده
التاني معقول مفيهوش أفكار
التالت متوسط فيه فكرتين صغيرين
الرابع تافة
وبكده يبقى نص درجات الإمتحان
السؤال الخامس لا يمكن حله -طبعا بالنسبلنا كطلبه- (عليه ٢٥٪ من درجة الإمتحان)
السؤال السادس صعب جدا وإستحاله حد يحله كلة صح (وبردو عليه ٢٥٪ من الإمتحان)
وده نص السؤال الرابع لو حد من المهندسين حله يريت يقولي إزاي:_Alshmokh08[1]:
http://img30.imageshack.us/img30/115/dsc0003me.jpg
وأهم حاجة دعواتكم معانا فاضل لسه مادتين (أصعب من الماده دي)
-
إعمل اللى عليك والباقى على الله
وربنا يوفقك يا هندسة إن شاء الله
-
بس بس , فكرتنى بأخر ماده امتحنتها وبرغم انى بعشقها ( فيزياء ) الا ان الامتحان كان خارج نطاق الخدمه تماما
البقاء لله وربنا يعوضك خير فى المواد الباقيه
-
و الله الواحد نسي الحاجات دي من زمان
-
ياعم ده سهل جدا
ده انا اللي اسمي خريج تجارة احلهولك في 5 دقائق
:ma(30):
ده عنجليزي ده يا مرسي ؟
:36_6_3[1]:
ياعم متحطس في دماغك كبر الجمجمة
علشان تعرف تركز في اللي بعديه
وكله بيطلع في الغسيل
قصدي بعد التخرج ان شاء الله
-
معلش
هو كدة في دكاترة متعرفش ايه اللي بيحصلهم وهما بيحطوا الامتحان
ذاكر انت وملكش دعوة باللي حصل
لما هيلاقي الدرجات وحشة هيرفع الكل
سيبك من اللي فات وخليك في اللي جاي
ربنا معاك
انا عندي امتحان بكره ودماغي ورمت من الذاكرة وعلي حسب مزاج الدكتور بقي وهو بيحط الامتحان
-
البقية في موادك .. قصدي في حياتك
ياااه أيام الدراسة
الله لا يرجعها أيام
-
شكرا على ردودكم بس الراجل ده فاق كل التوقعات إحنا كنا متوقيعين الأسوء على الإطلاق لكن أقصى حاجة كنا متخيلنها مكنتش كده:beatdeadhorse5:
تخيل لما يبقى أكتر واحد دحيح أعرفة معرفش يكتب فيه كلمه!!!
-
معلش يا ابو حميد قلبي عندك والله
-
واحد صاحبي في رابعة كهرباء ( حلوان )
يوم الاحد اللي فات كان عنده امتحان
الدكتور لغى جزء من المنهج.. و في الامتحان جاب الجزء اللي لغاه أول سؤال
صاحبي خارج من الامتحان ابوه بيتصل بيه ما ردش عليه
معلش ربنا معاكوا يا باشمهندسين
أكيد يعني الدكتور بيتلذذ إن يجيب امتحان صعب و بيتذوق هذه اللذة لما بيشوف أثر المتحان على وجه الطلبة :-)
Content Relevant URLs by
vBSEO 3.6.0 PL2