السلام عليكم,
انا لاحظت ان الاختيارات التالية مش شغالة في السي دي:
1- SVDC, اللي بيعلي صوت السي دي مع سرعة العربية
2- .... scrolling, بيخلي اسم الاغنية يمشي على الشاشة لو طويل
مبيفرقش اي حاجة هما on ولا off, اروح التوكيل ولا كل السيراتو كده؟
عرض للطباعة
السلام عليكم,
انا لاحظت ان الاختيارات التالية مش شغالة في السي دي:
1- SVDC, اللي بيعلي صوت السي دي مع سرعة العربية
2- .... scrolling, بيخلي اسم الاغنية يمشي على الشاشة لو طويل
مبيفرقش اي حاجة هما on ولا off, اروح التوكيل ولا كل السيراتو كده؟
1- النظام ده مش هتحس بيه إلا اذا ركزت قوي لأنه بيزيد من حدة الصوت مش من حجمه
و لازم تكون ماشي بسرعه عاليه (140 أو ازيد) علشان صوت الموتور بيعلى و بالتالي الصوت الـcd يعلى
2- السكرول مش هيحرك اسم الأغنيه الا اذا كان الأسم طويل (أطول من عرض الشاشه)
و بالتالي مش هيظهر في مقطع واحد بس على الشاشه, جرب اسم اغنيه طويل, و هتشوف الفرق
يا رب أكون قدرت أفيدك, و الموضوع مش محتاج التوكيل ان شاء الله
متشكر جدا على الرد
بخصوص موضوع السكرولنج, لو افترضنا ان اسم الغنية مثلا "عمرو دياب - الليلا دي", بيظهر غلى الشاشة "عمرو ديا" و بعد كده ينط فجأة على "ب - الليلا دي", من غير سكرولنج يعني, وده مبيتغيرش لو انا شغلته او طفيته.
السلام عليكم و رحمة الله و بركاته ..........
إزيك يا باشمهندس غازى يا جميل و الله أنا بكون سعيد لما بقرا مشاركات سعادتك يا رب تكون بخير و صحة و سعادة .
بالنسبة للأوبشن الأول svdc اللى أستاذى الفاضل بيسأل عليه و اللى حضرتك شرحته له و لك جزيل الشكر , بس أنا بعد إذنك شايف إن الخاصية ديه معمولة علشان تغطى على صوت الموتور لما يعلى ..... معنى كده إن صوت الموتور بيعلى بشكل فظيع و أنا بسمعه من الكابينة الداخلية يعنى معنى كده إن العزل الداخلى مش قد كده علشان كده بيعلى صوت الكااسيت علشان يغطى على صوت الموتور ولا إيه رأى حضراتكو ..... متابع بإهتمام .
أنت عكست الايه :)))
المفروض أنه معمول علشان تسمع السى دى بوضوح حتى لو السرعه عاليه
لكن مين قلك أن الضوضاء الى هتمنعك من السمع هو ضوضاء من المتور
هل مثلا الخاصيه دى بتشتغل بس و الازاز مرفوع
لأ
هى معموله علشان فعلا كلما العربيه سرعتها بتزيد بتزيد الضوضاء "ليست من المحرك فقط كما ذكرت"
تخيل نفسك فاتح الازاز وصوت الهوا الى بيخليك متسمعش حاجه
فهى مش مؤامره يعنى علشان يغطوا على عيب فى العربيه :)))
هي كده منطقية اكتر, لما السرعة تزيد الكاسيت يعلى. بس هل هي شغالة معاكم؟
بصراحه أعتقد لأ
أو قد تكون غير ملحوظه
على أى حال
أنا بكون سامع السى دى فى جميع الاوقات
حتى مع السرعه
فممكن يكون شغال بس غير محسوس
وبصراحه لو كده يبقى نجح فى مهمته
ماهو أنت عمرك مهتشعر ان السى دى صوته علي مع السرعه
أو وطى مع انخفاضها
لكن لو بتسمع السى دى فى الحالتين تأكد انه فعال فى نفس الوقت عمرك متحس بيه
يا فندم ربنا يخليك و يبارك فيك, و شكراا على كلامك الجميل...
شوف يا استاذي, موضوع الـsvdc ده معمول علشان فعلا لما السرعه بتزيد صوت الموتور بيعلى و ده طبيعي
بس مش معنى كده ان العزل سئ , خالص, العزل في السيراتو كويس جداا (الحق يتقال مهما كان)
بس صوت الموتور هيتسمع بردو.....
و الموضوع ده من 140 و انت طالع, صوت الموتور فعلا بيعلى, و ده طبيعي
لكن العزل تمام, و الخاصيه دي لزيادة الرفاهيه مش أكتر, لأنك ممكن تعلي الكاسيت بنفسك مثلا
بس الخاصيه دي مش بتزود حجم الصوت, لكن بتزيد من حدة الصوت فتغطي على صوت الموتور مع زيادة السرعه
يا رب أكون قدرت اشرح الوضوع بشكل كويس...
و شكراا مره تانيه على كلامك الجميل...