والله علي كلام صاحبه العربيه الكباس بايظ
بس انا شاكك في الموضوع ده
لان الموتور بيزيد صوته اما اشغل التكييف بس مفيش هوا ساقع
واما سالت قالولي طالما الصوت بتاع الموتور بيعلي يبقي خلاص
شغال
عالعموم اما ييجي الصيف نشوف الموضوع ده
وربنا يكرم
عرض للطباعة
ربنا يخليك يااستاذ طارق
الحمد لله ربنا عوض صبري خير والله
والاهم اني بقيت لانسراوي بقي
واحب اقول ان الناس بتاعت موبيل المعادي ناس جامده اوي اوي
وفيه واحد اسمه عبده هناك
اي حد عاوز يرفع عربيه في المعادي ميفكرش والله
انا كنت حلبس في عربيه هناك لولا فضل ربنا انه جعله سبب انه يبعدني عن العربيه دي
العربيه كانت عامله حادثه وصاحبها مكنش يعرف ومتنك عليا بقي وعامل فيها معاه بومه
واما عرف كان حيعيط والله
الحمد لله والله
بقولكو ايه ياجماعه
دلوقتي انا قريت عن الجنوط بتاعت اللانسر كتير انها مقاس 13 وجنط ال14 يعتبر كويس بالنسبه لها
اما ال15 فوحش وبيبوظ العفشه
انا عاوز اجنط ان شاء الله
بس عاوز اعرف مكان كويس
وكمان المقاس المقترح كام
ومقاس الكاوتش بالمره عشان اكيد حيتغير
وياسلام بقي لو حد عنده اقتراحات لاشكال كمان يبقي ميه ميه
معلش بقي بدلع عليكو
ورااااااااك ورااااااااااااك فى كل مواضيعك
انا سمعت الكلام دة
وجبت جنوط 15 بقالها معايا شهرين 3 اهو مريحانى اوى و مش حاسس بيها
ولا بقى العربية ناشفة ولا معرفش اية
دة 15 يعنى مش حكاية
بس برضة انا مبقليش كتير
اكيد الفبريكة احسن بس ال 15 مش هيفرق كتيرمش هيزعلك
وان شاء الله ربنا يديك خيرها يارب
هوا انا كل حاجه عاوز اعملها تبقي عاملها ياعم طب متجيب عربيتك وخلاص
ممممممممم
طب خلاص يبقي انا مستني صوره الاكصدام والجنوط
او صور العربيه كلها بقي
ده انتا في بورسعيد يعني التوضيب والدلع كله عندكو
والله هيا تحويشه حلوه بطقم جنوط بس مش صيني
والاكصدام ان شاء الله
حاضر والله اول مافضى هصورها كام صورة و اريهوملك
ازغرط ولا ارقص ولا اعمل ايه ولا ايه هو افديك الساعه لما الانسراويه يزيدوا انسان محترم زيك :B4_388:
ياباشا الف مليون مبروك ويارب يباركلك فيها ويديلك خيرها ويكفيك شرها
وبالنسبه للتكييف زى مافاهمتك هتحتاج تستعين بواحد بتاع تكييف محترم يدلك على طريق لواحد استيراد من شخص موثوق فيه وطبعا لازم الاتفاق على التجربه لفتره طويله
اما الجنوط فالكريستاله بتعشق الجنط ال15 هتلاقى العربيه بتدعيلك علشان هاتبقى اموره وهى ماشاء الله اموره من غير حاجه
واوعا تنسا تعمل تصويتك بما انك انضميت لعصابه اللانسر
http://www.nilemotors.net/Nile/51227-a.html
ياباشا ربنا يخليك الحمد لله ربنا كرم ولقيت اللي بدور عليه
وموضوع التكييف اما ييجي الصيف ان شاء الله ابص عليه واشوفه محتاج ايه لو محتاج كباس جديد
اديك انتا بتشوف
وابويا بردو قاللي حشوفلك وليا ناس في بورسعيد ممكن يشوفولي
وربنا يكرم
وتم التصويت ياباشا
اما بالنسبه للجنوط فطبعا انتا فرحتني بموضوع ال15 ده لاني كنت سامع اننه بيبوظ العفشه
مش عارف بقي الكلام ده صح ولا غلط
الف مبروك يا باشا عالعربيه و الكريستالويه زادو راجل محترم و ما شاء الله عربيتك جميله
بالنسبه للجنوط 15 هتبقى جنوط عاديه ولا يلزمها كاوتش سرعات الى اعرفه ان 14 بيبقى الكاوتش عادى بس اكبر من كده تقريبا بيبقى الجنط كبير و الكاوتش كبير عالفجوات بتعه الكاوتش فياريت تستفسرلنا عالنقطه دى و كمان على الجنط 15 بيفرق فى استهلاك البنزين يعنى لو العربيه مظبوطه على 200 فى الصفيحه على جنط 13 لو كبرت الجنط هتفرق معايا فى البنزين ولا مش هتفرق و لو ركبت كاوتش سرعات برضه ايه هيكون الوضع هيكون احسن فى تجميع السرعه واستهلاك البنزين ولا ظروفه ايه ؟؟؟