نعم اخى العزيز انا سمعت انه عباره عن شريط يلصق فى الاكصدام من الداخل ويتوصل بسلك لمبه المارشدير وله سماعه بالداخل
فنريد لو احد جربه يعطنينا تقييمه لهذا النوع مع خالص الشكر
عرض للطباعة
تمام يا باشا هو ده اللي أنا قصدي عليه
متابع ويارت افاده يا جماعه بجد
وياريت مواصفاته كمان
اخوانى السلام عليكم/
انا مركبه من سنة ونصف بالتخريم فى الاكصدام الخلفى اربع اخرام والجهاز بيجى معه بونطه على قدر وضع الحساس فيه بمعنى اربع اخرام بالبوطه اللى مع الجهاز باربع حساسات وتكون المسافات متوحدة متناسبه
وبعدين ما فى لعب فى الضفيرة خالص بعد التوصيل من الصوت الانذارى على الطابلوة سلك ماشى من تحت الجوانب لغايه الشنطه الخلفيه به الجهاز الاساسى صغير والحساسات الاربعه متوصله برضه بنفس الجهاز فى الشنطه الخلفيه وبياخذ الكهربائى سلك او فرده من المارشيدير الى الجهاز وخلاص كده
للعلم وده مهم الاخرام ما تخوفش ابدا لان الحساسات بتوضع مكانها ومنظرها جميل جدا جدا بس ما ينساش نقطه امير لصق شفاف على كل حساس علشان ما حدش يقدر يسحبهم وبيكونوا متساويين مع الاكصدام
وبرضه القطعه اللى بتطلع من التخريم من الشنيور هما اربعه طبعا بنفس لون الاكصدام صح طبعا ابقوا شيلوهم احتياطى فى كيس معكم فى العربيه
كم استفدت من الحساسات جدا وبطلت الوح نفسى فى الركن ولا اى شئ لان بيديك انذار صوتى ومرئى بالارقام التنازليه
كنت جايبه ب 135 من عندنا المنيا
ونركيب ب30 جنيه ومعاه من الوقت حوالى ساعة زمن فقط
فيه حل تانى أفضل و هو مراية بتركب مكان مراية الصالون فيها بلوتوث ب 350 جنيه و الكاميرا بتاعها ب 150 جنيه بلوتوث برضه بتركب ورا فوق نمر العربية و بتاخد كهربا من اى لمبة من المبتين اللى فوق النمر ..... و بتتوصل بالبلوتوث بالمراية دى ... المراية فيها شاشة LCD تدوس على زرار فيها تروح فاتحالك الكاميرا و تشوف اللى وراك كويس و الكاميرا كمان بتوريك المسافة بالتدريج ... و المراية بتشتغل بالشحن
حل تالت و هو زى ما قلتوا الباركنج سينسور اللى بيتلزق بدون تخريم و ده على ما أسمع إن سعره 200 - 400 جنيه و بالصوت بس زى ما هو فى الفيديو و بيتوصل بلمبة المارش و السماعة بتعدى من ورا الكنبة و تتلزق جوة و بيركب قدام أو ورة
بس مش لاقيه خالص ... سألت عند كذا واحد يقوللى معندناش غير النوع اللى بيتخرمله .... و انا فى حاجة ماسة إلى باركنج سينسور و يا ريت اللى عنده فكرة عن اسعار أو انواع تانية يقول و ده الفيديو بتاعه
[youtube]http://www.youtube.com/watch?v=DfqR2wV6kik[/youtube]
الله ينور عليك هو ده اللي أنا قصدي عليه ودورت عليه في شارع دمشق ومالقيتهوش
بسم الله الرحمن الرحيم
يا جماعة انا سمعت عن المراية اللى بتركب مكان مراية الصالون و معاها كاميرا باركنج سينسور
و كان ليا حبة إستفسارات يا ريت حد يجاوبنى عليها
المراية دى سعرها كام و نوعها ايه
بتركب مكان مراية الصالون ولا فوقها
بتتوصل بالكاميرا ازاى لاسلكى ولا بسلك
الكاميرا سعرها كام
بيتباعوا عند مين
طيب اللى بيتخرملو فى الاكصدام ومعاة شاشة عامل كام فى دمشق
واحسن نوع اى ؟
انا شوفت نوع سباى بشاشة تتفتح اوتماتيك لما ترجع للخف وتقفل تانى ....على النت
هل دة موجود فى مصر