ياعم هوجان ماروحتش ليه توكيل ابو رواش حتى لو بعيد عنك برضه كان مصلحه والله عن تجربه ماحد فاهم حاجه عير توكيل ابو رواش وبعدين احمد مهران وبعدين المتحده ياري لما تحصل حاجه تانى لاقدر الله روح لهم
عرض للطباعة
يموت المعلم ولا يتعلم
الحمد لله
شكر على هذا الدرس الغالى وتلك الخبرة العظيمة التى اهديتها لنا يا استاذ/ هوجان---جعلها اللة فى ميزان حسناتك وزادك فى الحسنات ورفع الدرجات كلما انتفع واحد منا بها---والشكر موصول لسيادتك
يا جماعة حل التوكيل ده سهل جدا اتنين صينين من الشركة الام والله العربيات مش هتقعد اكتر من نص ساعة ، عشان احنا في مصر ماشيين بنظام الكفتجية
ألف حمد لله علي سلامة عربيتك وكلنا حاسيين أد إيه إنت كنت مخنوق من الموضوع ده والحمد لله إنك عرفت آخره وحسبنا الله في اللي بيفتوا ومش قادرين يقولوا ما نعرفش
وموضوعك ده أكيد فاد وحيفيد ناس كتير نسأل الله أن يجعله في ميزان حسناتك
شكرا ليكم جميعا
تم الوصول للحل
الاخوه الاعزاء لقد قمت برفع الموضوع من جديد
ارجو ان يتم القراءه من الاول للمتابع الجيده
المهم بعد كل ماسبق ذكره ولم استطع التوصل لحل
فاكرين رجب
الميكانيكي بتاع الاميريه
اللي بعض الاعضاء اتكلموا عنه وانا منهم
بعد ما اللمبه نورت اخر مره وكان من حوالي اسبوعين ومفيش سحب نهائي والعربيه مكتومه بمعني الكلمه وال ار بي ام ما بيعلاش عن 2
والعربيه بتبطل مني في الشارع وحاجه اخر بهدله
طلعت علي رجب
بصراحه واد فاهم في العربيه قوي
جرب كل ماسبق من تغيير بوابه لتغيير كنترول لتغيير حساس كامه لتغيير بلف الكاستنر
يعني مشي الخطوات من البدايه صح
وانا جنبه باقوله انت بتضيع في وقتك لان مش ده السبب
قالي سيبني اجرب ولو ماعرفتش اوصل لحل هاقولك ويبقي عملنا اللي علينا
قولت له انا عارف ومجرب كل الخطوات دي ومش عايز ك تضيع وقت ومجهود علي الفاضي
المهم
قالي في حاجه اخيره لازم نجربها
وممكن تكون هي السبب في اللمبه وبرجله وخنق العربيه
ايه هي
علبه البيئه
نعم
مفيش حد فكر فيها قبل كده
ولا المتحده
ولا احمد مهران
ولا التوكيل
ولا حتي الميكانيكي بتاعي
ولا واحد اسمه احمد نور في فيصل كان من ضمن الناس اللي ررحت لها
هي التجربه الاخيره وبعد كده ولع في العربيه
وفعلا كلامه طلع صح
فك علبه البيئه
الفحم الموجود جواها كان عباره عن تراب
وكان سادد الشكمان ومفيش تنفيس وخانق العربيه
والحساس بتعها كان السبب في ان الجهاز بتاع كشف الاعطال يقراء بوابه
وغيرت علبه البيئه بعلبه استيراد من عنده ثمنها 400 جنيه
وبمجرد تركيبها الحمد لله اللمبه طفت
والعربيه ظبطت والسحب اتعدل
يعني بعد كل اللف والدوران والعذاب والفلوس اللي خسرتها طلع السبب بسيط وحاجه غير متوقعه
المهم عرفت امن واحد بتاع شكمان جنبي ان العلبه بتتعدل وبتكلفه 90 جنيه واريح من وجع القلب بتاع الفحم والكربون
لكن مش مشكله المهم ان الحمد لله تم معرفه السبب بعد 3 سنين لف وفلوس ضايعه
وكمان عرفت رجب ميزته انه فاهم قوي في العربيه