-
عربية صغيرة اتوماتيك
بدور علي عربية لمراتي
وكان اهم حاجة انها تبقي عربية صغيرة -هاتشبك- اتوماتيك ومتضايقهاش في اول فترة سواقة
علشان انا بقنعها بالعافية
فقلت انسب عربية هي البولو اواخر التسعينيات
بس هي صعب الاقي فيها الاتوماتيك ففكرت اغير الفتيس لو ينفع ولو ما ينفعش اغير الموتوركله
فكنت عايز اسال عن البولو الموديل ده هي مناسبة ولا لا لاحتياجاتي
واستفسر اذا كان ممكن اغير الفتيس بس وياتري اغيره فين وبكام
وايه نظام ميكانكية الفولكس وهل لازم اروح لواحد بتاع فولكس ولا اروح لميكانيكي كويس وانا اعرفه
وايه نظام قطع الغيار
طيب لو ماكانش بولو يبقي ايه عربية كويسة و مش موديل بعيد وصغيرة واتوماتيك لبدء التعليم
انا كنت بفكر في الابيزا - الاونو - البونتو -- جولف 3 --ستارلت --شاريد
كبدائل فايه رايكم
-
حضرتك مجبتش سيرة البيكانتو و هيونداي i10
والعربيتين سعرهم جديد او مستعمل كويس واقتصاديين جدا
والموضوع مكانه في قسم المقارنات يا جميل
-
انا شاكر ليك
هو انا مش عايز عربية جديدة علشان هي لسه بتتعلم وتتعود علي الشوارع
انا باسأل هنا علشان امكانية تغيير فتيس العربيات دي
-
اعتقد اغلب الشاريد اللي بشوفه في السوق اوتوماتيك عموما فحتي لو جبتها مانوال ف اكيد ممكن تشتري موتور بالفتيس الاوتوماتيك بتاعه
باقي الانواع مقدرش افيدك وافتي بس انا كنت عايز انصحك بمناسبة التعليم وانها جديده في السواقة يعني تفكر في قطع الغيار برضه وتوافرها واسعارها لو لاقدر الله حصل اي حاجة ولو حتي اكصدامات ولا فوانيس ودي حاجة احنا معرضين ليها سواق بنسوق كويس او بنتعلم
-
مش حاسس ان العربيات دي قطع غيارها مشكلة بالشكل الكبير اوي
Content Relevant URLs by
vBSEO 3.6.0 PL2