moooooooon u r the best
moooooooon u r the best
فعلا منتدى بروتون أحلى منتدى ....واعضاء بروتون أجدع اعضاء ...زى ما عربيات بروتون ...احلى عربيات
وفعلا المنتدى ده مليِان على اخره ناس كويسة جدا جدا جدا...ومعظمهم بيساعدو بعض بدون اى مصلحة.....ربنا يديم المحبة
- ايمووووون....مينفعش تبقى بره الترشيحات...كده يبقى ظلم....وكمان مينفعش يبقو اتنين بس
- توت
- مهاب
- محمد عبدالعال
- اسامة
- وناس كتير اوى مبتبخلش بأى معلومة حتى لو كانت صغيرة
كلنا لبعض ياجماعه
وده واجب الاخ لاخوه
تحياتي للجميع
السلام عليكم ورحمة الله وبركاته
موضوع جميل وان كنت احب انه يتعمل كل فترة محددة شهر او اتنين زى ما تتفقوا لان اكيد فيه ناس بشكل عام اضافاتها للمنتدى واعضائه لا تنتهى بس احيانا فيه واحد بيكون مؤثر فى فترة ما والباقيين عندهم ظروف او حاجة فبيكونوا مش على نفس التركيز مع المنتدى
بالنسبة لرايى لابرز الاعضاء الصراحة بما انى تقريبا داخل على سنة فى منتدى بروتون وعرفت ناس كتير منهم وقابلتهم وصادقتهم كمان الناس كلها الصراحة فى غاية التعاون وكل واحد بيحب يخدم على اد ما يسمح وقته فالكل تقريبا متقارب فى الموضوع ده انما من وجهة نظرى اقدر ارتب الاعضاء كالاتى :
1- ايمن طبعا
دينامو المنتدى الذى لا يهدا ( على فكرة انا اللى سميته الاسم ده ) خدمات لا حصر لها لكل الاعضاء كان كل الناس فعلا اخواته حتى لو مكنش فعلا يعرفهم اكتر الاعضاء فاعلية على الارض مابين علاقاته مع الناس فى التوكيل والخصومات اللى بيجيبها وخارج التوكيل وحرصه على تنظيم المقابلات البروتوناويه وكل ده لمجرد انه بيعشق بروتون وكل من يركب هذه السيارة ويارب ينجحه السنة ويخلص على خير .
2- استاذ توت طبعا
خبير بروتون الاول من معلومات تاريخية وفنيه وتجارب وخبرات جامدة جدا لا يبخل ابدا بنقلها للناس كلها ده غير انه واحد من اقوى الناس اللى بتدافع عن بروتون بدون تحيز الحقيقه كم هائل من المعلومات الفنيه اى بروتونىلازم يقراها قبل وبعد شراه العربيه.
3- مهاب طبعا
استاذ الواجا فى المنتدى مرجع فى كل ما يخص الواجا خاصة وبروتون عامة . متابع دائم للمواقع الاجنبيه و جميع اخبار بروتون الجديده وبرضه على طول يمدنا بخبراته ومعلوماته القيمة جدا جدا.
4- محب واسامه
اساتذة البيرسونا فى المنتدى صحيح الجين والبيرسونا اخوات بس البيرسونا ليها عشاقها ولها شخصيتها المختلفة ولا يتوانوا عن مساعدة اى حد فنيا او بخبراتهم الطويلة مع البيرسونا ويمكن اسامه كونه من القاهرة بيخليه اقرب للاعضاء اكتر من محب فى الاسماعيلية .
5- محمد سليمان
من اكتر الناس اللى فاهمه فى العربيه بجد العربيه معاه من زمان ومجرب فيها للصبح باختصار مرجع مهم جدا من مراجع بروتون يمكن الاعضاء الاحدث مقروش مواضيعه القديمة و بقاله فترة غايب عن المنتدى بمواضيعه الجامدة جدا جدا -مستنينك يا دكتور -
6- تويتى وهيثم
اكتر الاعضاء حرصا على تسجيل صياناتهم للعربية مع وصف شامل لحالة العربية بايجابياتها وسلبياتها الحقيقة مواضيع مهمه جدا جدا خاصة لاى حد عاوز يعرف وضع العربيه بعد كذا الف هيبقى ايه وتكاليف صيانة العربيه واصلاحها لان محدش فينا يبلاقى الفلوس فلازم يطمن على جودة العربية والاتنين بيقوموا بالدور ده وخاصة ان تويتى معاه العربية من زمان وبالتالى مر بمراحل كتيرة ومفيدة للجميع
7- محمد عبد العال
اكثر الاعضاء اهتماما بتعديلات العربية وتظبيطها واماكن المحلات واسعار الاجزاء موسوعه لكل من يهتم بهذا الموضوع .
طبعا فيه ناس مؤثرة تانيه كتير جدا وايمن عاوز اتنين بس فالموضوع صعب اوى يا دوب قدرت مازودش عن الاعضاء دول
فى النهاية احب اشكر كل اعضاء المنتدى على اضافاتهم واسهامهم الدائم لخدمة الاعضاء
احمد فتحى
ايمن :M_yes[1]:
ربنا يوفق
أحمد بيه مع كامل احترامى لرأيك و تشريفك ليا بوضع اسمى فى الموضوع و أنا شايف إنى ما أستحقش أوى كده على الأقل لأن مساهماتى مع باقى الأعضاء مش بالفاعلية بتاعة باقى الناس الجامدة اللى حضرتك حاططها معايا فمبدئيا محمد عبدالعال من وجهة نظرى لو ده ترتيب يبقى رقم 4 مع محب و أسامة ده أولا و ييجى كمان من بعد الناس دى و قبلى برده الأستاذ خالد حمدى أول مالك للجين تو فى مصر و اللى حافظ العربية أكتر من اسمه ماشاء الله و قد تكون مواضيعه قليلة لكن مشاركاته مفيدة جدا و برده الأستاذ أحمد صيام الوحيد اللى ركب موديلين فى الجين ورا بعض 2008 و 2009 برده كتير ما بيفيدنا بآراؤه من خلال مشاركاته زى أستاذ خالد لأنه مقل فى موضيعه نسبيا برده
ده غير طبعا أى حد بيعرض مساعدته بشكل مباشر من غير سابق معرفة و لا صداقة زى ناس كتير عملت كده معايا منهم على سبيل المثال أبو مريم اللى خلانى أعمل بالعربية أول تست درايف للمانيوال و مدحت سكيك مرجعى الأول فى الصيانات لأننا جبنا العربية فى وقت واحد تقريبا و أخيرا المهندس ramyar و اهتمامه المدهش بيا لمجرد إنى علقت بس فى موضوع على حاجة ركبها فى العربية و قلت إنى عندى النية بس أركب زيها.
طبعا قد يكون الأخير فى ذاكرتى الضعيفة بس اللستة لسه فيها كتير و عمرها ما هتخلص يا أحلى منتدى فى نايل موتورز