إضائة تابلوه العربية التيجو بالضوء الأزرق مظلمة قوى ياجماعة ، ومش عارف أقرأ أى أرقام أو بيانات ، حاولت تفتيح الإضائة لكن معملتش حاجة ، هل فى إمكانية لتغيير اللون الأزرق فى إضائة التبلوه ؟
عرض للطباعة
إضائة تابلوه العربية التيجو بالضوء الأزرق مظلمة قوى ياجماعة ، ومش عارف أقرأ أى أرقام أو بيانات ، حاولت تفتيح الإضائة لكن معملتش حاجة ، هل فى إمكانية لتغيير اللون الأزرق فى إضائة التبلوه ؟
السلام عليكم ورحمة الله وبركاته
حضرتك ممكن تكون مشلتش الأستيكر البلاستيك الشفاف الموجود على شاشة العدادات وده فعلا بيضلم شويه الأضائة ، شوف كجه وشيل الأستيكر وأن كان مفيش فرق يبقى أعرض الموضوع ده أثناء الصيانه وهما بيحلو أى أن شاء الله .
أعرض الموضوع ده أثناء الصيانه:verygood:
ممكن يكون فيه بكرة لضبط إضاءة العدادات زي بعض الموديلات أنا مش متأكد بصراحة بس إحتمال
يوجد بكره لضبط اضاءه التابلوه
اسفل التابلوه على الشمال 2مفتاح لفانوسى الشابوره الامامى والخلفى وجنبهم بكرتين الاولى لضبط النور العالى والتانى لضبط اضاءه التابلوه
شكرا على الردود :F_eyeb1[1]:
المشكلة فعلا ان الاضاءة مش قوية بالدرجة الكلفية وايضا انا ملاحظ ان النور الامامى ضعيف عندى مش قوى بالصورة المناسبة
السلام عليكم:
بالنسبة لنور التابلوه انا شايف انه مناسب بالنسبة لأعلى درجة تفتيح فيه ولا تنسوا ان الأزرق بيكون دايما كدة...وعموما في الحرفيين بيغيروا إضاءة التابلوه وممكن يركب ابيض او اي لون...انا ناوي ان شاء الله اغيرها للأبيض بس هسأل ان كان ده يفرق في الضمان..
بالنسبة للنور الأمامي هل جربت حضرتك تحرك البكرة اللي بترفع او تنزل زاوية الإضاءة؟؟
ياريت تجربها لأن النور الأمامي عندي لما بأرفعها شوية كل اللي جاي أمامي بيتعمي من شدة الضوء ولذلك انا موطيها جوة البلد لكن في السفر بالليل هعليها تاني...
المشكلة بأة اللي عندي ان صوت الإشارات يمين او شمال واطي جدا جدا لدرجة اني كتير مش بأسمعه وتفضل الإشارة شغالة....مش عارف ده اعمل فيه ايه؟
م.ياسر
حلوة معلةمة انهم بيغيروا لون اضاءة التابلوة انا ان شاء الله حروح اشوف الموضوع دة
السلام عليكم:
حضرتك مستغرب انهم بيغيروا نور التابلوهات.....ياراجل دا أنا قبل التيجو لما كانت طموحاتي بتوصل اني اركب لاند كروزر ولو مستعمل روحت اتفرجت على عربية تويوتا اسمها فور تيونر
حسيت ان في حاجة غريبة في العدادات بالتابلوه...ترتيبهم مش زي اي عربية شوفتها
تصدق اكتشفت انها كانت نازلة مصر المحروسة يمين!!!!!! وقلبوها بالكامل شمال.....إيه رأيك بأه؟؟
ربنا يستر