عرض للطباعة
امبارح اتفرجت على عربية شاهين موديل 99 مغيرة رفرفين قدام بس والباقى كله فابريقة
وفيها تكييف شغال مية مية
وحالة الماتور والعفشة جيدة
و4 فرد كاوتش جديدة
مطلوب فيها 36 الف نهائى
عاوز اعرف كده سعرها معقول ولا ايه
بس مشكلتها انها ملاكى كفر الشيخ وانا من اسكندرية
والمشكلة الاكبر بقى ان لونها اخضر :( :cry:
موضوع اللون اكتر حاجة خنقانى
حاسس ان اللون الاخضر ده مش يليق عليه اى تظبيط فى العربية :mrgreen:
سعرها معقول بس ليه هيا فابركه بالكامل و غيرت رفرفين ؟؟؟!!!!!! دي برضه حاجه تقلق عموما اكشف عليها جايز تكون واخده خبطه جامده من قدام و استعدل العظم بنضافه و غير الرفارف
خلى بالك دول رفرفين مش واحد بس
لازم تسال ليه غيرهم
يعنى اخد خبطه من اليمين جامده شويه وبعدين الشمال او العكس
لان صدر الشاهين جامد مش اى كلام
و كمان صعبه حادثه واحده تدمر رفرفين مره واحده
بالنسبه للسعر هو كويس لو فى القاهره
انا مش عارف ممكن يكون مختلف بره القاهره
تمام يا رجالة
انا بكرة حأخد السمكرى بتاعى ونروح نبص عليها
اما بقى عن سعر الشاهين عندنا فى اسكندرية فهوا شادد حيله شوية
يعنى واحدة موديل 2000 فابريقة بيطلب فيها 43 وممكن تنزل 41 نهائى :!: