ادعو كل من يريد شراء بيجو جديدة ان يقضى ساعات قليلة فى توكيل غمرة ومش هقول اكثر من كدة
عرض للطباعة
ادعو كل من يريد شراء بيجو جديدة ان يقضى ساعات قليلة فى توكيل غمرة ومش هقول اكثر من كدة
انت حظك سئ مع بيجو بس مش معنى كدا انها عربية متستحقش الواحد يشتريها
فى كذا بديل للتوكيل عندك مراكز صيانة معتمدة
انا بأؤيد كلامك بس على السيارات المنتسبة لبيجو اسما فقط
زى الروا-البارس-سمند
انا بقول شهادة ربنا يحسبنى عليها . انا اعمل فى شركة الموظفين فيها معاهم كل انواع السيارات من 307 الى ال بم دبليو . الى معاهم 307 و 406 شافوا الويل . و بعدين انا لم اقل بارس او سمند العربية كويسة جدا لكن انت ادعو الناس تعد ساعتبن فى توكيل سيارة المستقبل و يشوفوا كل الموديلات بيتعمل فيها اة و هما يحكموا . على فكرة انا بتكلم على المواطن العاددى اللى عايز يدور و يمشى مش اللى بيسقط موتور و بيصلح العربية بتفسة او كل يومين مع الميكانيكى. شوف هوندا او نيسان او تويوتا . تحجزبالتليفون و تستلم بيميعاد و مفيش كلمة هندور على قطعة غيار .
انت فعلا عندك حق والتوكيل فعلا زبالة وخصوصا غمرة وانا كنت قلت الكلام ده قبل كده وقلت عليه انو "سويقة" مش توكيل بس دلوقتى فيه تحسن كبير فالتوكيل وروح شوف فرع أبو رواش بنفسك حاجة تفرح بس ناقص ان المعاملة تتضبط شوية وهو هايبقى توكيل محترم....والميزة أصلا ان انت مش لازم تروح التوكيل لأن فيه مراكز خدمة كتير ومحترمة فممكن تختار أى واحد تستريح معاه وده أفضل من وجهة نظرى
ألا يوجد مركز صيانة غير بتاع غمرة ؟؟
لأ يادكتور فيه واحد تانى فأبو رواش ده غير طبعا مراكز الخدمة زى مثلا:
1) أحمد عمارة اللى فمصر القديمة.
2) وهدان اللى فالعجوزة.
3) مودرن سيرفيس اللى فالنزهة الجديدة.
4) بيجو اللى فشبرا.
و في مركز خدمه كمان عند نادي السكه في 22 مركز خدمه مغطيين الجمهورية
و بصراحه معاك حق ان التوكيل بامانه زباله الزباله
بصراحة انا اتعاملت مع مودرن سيرفس الي عند الهيكسيب
ناس محترمة جدا جدا والمعاملة محترمة
وشغل مظبوط
واضح ان في مشكلة في غمرة او حظك وحش معاهم
مع احترامى لحضرتك مفيش حاجه اسمها كده طالما شركة حطط اسمها على العربية يبقى خلاص العربية المفروض تبقى منطبق عليها معايير الجوده الى فى الشركة ديه يعنى طالما بيجو حطت العلامه بتاعتها على البارس مثلا يبقى هى مسؤله امام عملائها أن تكون بنفس جوده سيارات الشركة
أما موضوع التوكيل فده موضوع مختلف يعنى الصيانه للجميع هتكون واحد ه ومعايير ارضاء العملاء برضه مفيش اختلاف بس هو توكيل بيجو للاسف الشديد فى النازل دائما وده سبب من اسباب تراجع شعبيه بيجو عن السابق رغم أن العربيات فى حد ذاتها عربيات لا يعلى عليها
أنا باحزن لما اشوف حد ناجح وربنا اعطاه نعمه وبايده بيفرط فى تعمه النجاح بدل من أن يصونها
بسم الله الرحمن الرحيم "ونبلوكم بالشر والخير فتنه "
استاذنا الفاضل انا عارف ان التوكيل بتاع بيجو سئ جدا جدا بس مش معنى كدا ان العربية وحشة وانت بنفسك قايل اهو العربية كويسه جدا
طب لزم تشوف البدائل ايه عشان متتعبش روحك
عندك بقي خارج التوكيل مراكز معتمدة ورش صنايعية كانوا شغالين فى المراكز والتوكيل
مكانيكي معروف ومشهور بخبراته
كل ديه بدائل
لكن متحطش العقدة فى المنشار ونقول عربيات متستحقش الواحد يشتريها طب ازاى واحنا بنحبها جدا ووثقين فى كفائتها
لازم ندور على حلول وبدائل للمشكلة
انا اتفق معاك فة كل اللى حضرتك بتقوله لكن لى تعليق بسيط
مين قال ان بيجو حطت العلامة بتاعتها على البارس والروا ده لعب من الوكيل فى مصر والشركة الفرنسية ملهاش اى علاقة بالعربيات دية لآنها مستحيل تبقى بنفس مواصفات ال 405 الاصلية
فكل اللى خاطر ووقع فى المصيدة واشترى بارس او رواعلى سمعة ال 405 يتحمل بقي خطأاختياره وكمان خطا التوكيل اللى هو اساسا ورط نفسة فى صفقات مشبوها زى ديه بغرض زيادة البيع مع عدم مراعاة مراحل ما بعد البيع من صيانة وخبرة وتوافر قطع غيار
ده فى حاجات مش موجودة اساسا ولا هيعرفوا يجبوها والباقى اسعار مولعة وكله نصب فى نصب
البارس تابعة لبيجو وقد راسلتهم عدة مرات فى فرنسا لبعض مشاكل التوكيل كما انها موجودة فى سوريا و تركيا و كثير من الدول من عدة سنين . اما بالنسبة للتوكيل فانى ادعوك تشوف اللى عندة موديل فرنساوى اصلى عامل اه هناك من 406 الى 307 الى ...
على الاقل انا بركب عفشة كلها 405 . كمان بالنسبة غمرة فهى المركز الرئيسى و فية حجات لازم هما يعملوها . اخيرا انا لية انصح واحد يارف نفسة كل الارف دة مايشترى حاجة ليها توكيل و معاملة 100 100 .
ده عيب من توكيلات المحروسه مش من العربيه
برغم اختلاف وجهات النظر فاعتقد ان حضرتك تعلم ان البارس سيارة ليست بالمستوى المعتاد لبيجو
ازاى ترجع تصنع عربية وتطورها على سمعة وشكل عربية المصنع انتاجها سنة 1988 ده تخالف موجود فى الدول النامية بس
البارس لاتطابق المواصفات الأوربية المعتمدة وعشان كدا مستحيل تتصنع فى اوربا ومواصفاتها تعتبر قديمة وغير متطورة
الشركة الام ليس لها اى علاقى بالعربية ديه ولا يوجد بها مصانع لها ولا قطع غيار لها ولا اسم لها من الأساس
لكن ليها رقابة على التوكيلات فى جميع انحاء العالم
البارس ماهى ألآ سيارة لاتضاهى نص كفائة ال 405 الفرنساوى
لأنك بتتكلم فى حاجة أصلية وحاجة مفبركة
انا عارف ان فيه موديلات كتير فرنساوى معطلة فى التوكيل السئ بس برضوا مش معنى كدا انها وحشة لأن فى الف منها ماشية فى الشوارع بكفائة وديه مهما كان بتعتبر قلة
ده واحد كان عنده بيجو 405 فرنساوى مو 97 وباعها واشترى بارس جديدةمو 2009
رجع يقول للى بعله ال405 متيجى نبدل وترجع لى ال405
ده بقي نسميه ايه!!!!!!!!!!!!!!!!!!!!
انا معاك ان التوكيل سئ عشان كدا لآزم متعتمدش عليه وتشوف حل غيرة
وارجو ان كلامى ميدايقكش وتعتبره مهجمة منى عليك ابدا فى الاول والاخر احنا اخوات وده وجهات نظر وأختلافها لا يفسد للود قضية مش كدا ولا ايه
تحياتى اليك:8_8_13:
وده يا جماعة اكبر دليل انى مش هستغنى عن البيجو ولو فكرت الف مرة هركب بيجو يعنى برغم كل المساوئ ال من التوكيل دى -وهو فعلا توكيل زبالة ولازم نقول انه زبالة عشان لعل وعسى يتاثر ويتعدل - رغم كده والعربيات البيجو ماشاء الله عليها مستحملة وماشية وماسكة نفسها اه توكيل مفيهوش اهتمام وفى قطع غياركتير مش متوفرة فى التوكيل - لكن موجودة بره - ومع ذلك الحمد لله العربيات مش بتشتكى واقل صيانة بترجع العربية جديدة بدون الحاجة للتوكيل انا عن نفسى مش بتعامل مع التوكيل وبعمل كل ال انا عايزة بره قطع الغيار متوفرة ومراكز الصيانة المحترمة كتير واسعارها معقولة وفاهمين العربية كويس بتعامل مع المهندس صلاح
وعموما لل قرفان من التوكيل فى مراكز صيانة كتير هتغنيك عن التوكيل وده لينك بعناوينهم وتليفوناتهم من موقع وجيه اباظة نفسه
PEUGEOT – CDC WAGIH ABAZA
وهفكر الف مرة وهركب بيجو برضه:S_thum1[1]: الا لما ربنا يكرم بقى واركب مرسيدس مثلا او حاجة المانى محترمة برضه اقل من كده لا لا:11:
مراكز الخدمة لاتغنى عن التوكيل وخصوصا فى الموديلات الحديثة . لان السيارات القديمة شوية متحسش بالفرق . ايضا البارس افضل 1000 مرة من 405 القديمة فى الشكل و الموتور على الاقل . و لكن كما قلت دية بتفرق من شخص لشخص . انا بالنسبالى السيارة و سيلة راحة لاداء مهامى فى الحياة و ليس هى فى ذاتها مهمة فى حياتى علشان اشتريها 2009 و اروح اصلحها فى ورشة . فى سيارات كتيير مريحة جدا عن كدة . اخيرا الاختلاف فى االراى مفيد للقراء و لكن تذكر ان هناك من يبنى قرارارتة عند شراءة سيارة على المنتديات واراء المشاركين فيها
معلش فى حاجة كنت عايز اسال عليها . ثمن ال 405 الان لا يتخطى 50000 باى حال من الاحوال و البارس ب 90000 ازاى بدل . مع العلم ان 405 فى اخر سنين كانت تجميع مصرى وكان عندها مشاكل فحضرتك بتتكلم على التسعينات اكيد .يعنى عربية بقالها اكثر من 10 سنين
ب خمسين الف و توكيل معروف و قطع غيار جديده نار . معرفتش اشريها للبارس . او باة تروح الحرفيين و عزبة شلبى و .....فى رايى البيجو دية لو لاسرة تكون مشروع فاشل .
يا باشا مراكز الصيانة ال انا حطيتها دى معتمدة من التوكيل والدليل ان ده لينك وجيه اباظة ان لم تكن افضل من التوكيل وبيشتغلوا فى احدث موديلات بيجو والتوكيل ان كان زبالة لكن مش سئ لدرجة انى هشترى عربية زيرو مش هعرف اعملها صيانة
اما بالنسبة للبارس فهى سيارة جيدة مش سيئة صحيح هى مش فرنساوى ومش من شركة بيجو الام لكن سيارة معقولة
ومين قال ان لما اشترى بيجو هتبقى مهمة فى حد ذاتها او هلف على الورش سواء رحت التوكيل او مراكز الصيانة هتعمل كل ال انت عايزة فى العربية بسهولة وبرضه هتكون البيجو وسيلة راحة وكمان رفاهية وامان ومتعة ايضا
واخيرا الاختلاف للراى مفيد ولا يفسد للود قضية ايضا لكن الحمد لله انا عن نفسى واعتقد باقى الاخوة هنا بنقول راينا بامانة وعن تجربة وليس مجرد تحيز يعنى ال عايز يبنى قراراة على المنتدى ان شاء الله هياخد راى سليم مش هنخدعه
مين قال ان البيجو 405 كان فيها مشاكل وياترى ايه هى المشاكل دى لانى كان معايا 405 فضلت معانا 12 سنة
اما بالنسبة لانها مشروع فاشل لاسرة انا بركب بيجو من 27 سنة من ايام ال 504 كانت مع والدى الى ال 405 وال 206 وال 406 والحمد لله عمرى ماحسيت بموضوع الفشل ده بالعكس من اكتر العربيات الاصيلة وال بتتحمل اعباء الاسرة فى مصر
شوف يا mecho يا خويا انا ملاحظ ان ماركة بيجو عامة مش داخلة دماغك وده باين من مواضيعك ومشاركاتك
وده رايك واحنا لزم نحترمه
بس كل ده ميعيبش الماركة العريقة بيجو اللى ليها عشاق كتير جدا خصوصا فى مصر لأعتماديتها العالية وكفائة وبتعيش كتير جدا
انت مش عجباك ممكن تريح دماغك وتغير وساعتها هتعرف
واحد زى مستحيل اغير بيجو لأنى جربت اغلب الانواع التانية
بس فعلا انا عمرى مسمعت عن عيوب فى ال 405 نهائيا ده تانى سمعة فى البيجو بعد ال504 شوف بقي تبقى عاملة ازاى
عربة معايا ماشاء الله بتقعد بالسنين محدش بيلعب فيها نهائيا ومتطلبش مسمار ده مع الاستعمال القاسي جدا بتاعى والشد والجرى والسفر الدائم على سرعات عاليه جدا فوق 160
تيجى انت تقولى بارس و روا انا ركبتهم على فكرة حسيت انهم تقليد اعمى ده غير التقفيل السئ والخامات المضروبة
لامجال للمقارنة بجد
ده وهى فى وجيه اباظا فرع المهندسين اللى فجامعة الدول اول منزلت شوفتها هناك وفتحت الشنطة علقت ومقفلتش والراجل جه وحاول وزهق وسابها مفتوحة
وبعدين ماتور ايه اللى احسن من ماتور ال 405 هو احدث اه بس مش احسنة خالص
لآن ماتور ال 405 واخد جوايز اوربية سنة 90 واقوى وش سلندر فى الماوتير كلها واسأل عليه اى مختص
البيجو بيجو من الاخر خصوصا فى مصر
وبعدين انت بتقارن سعر ال 405 مستعمل بسعر البارس الجديدة
طب شوف بارس مستعملة سعرها لا يتعدى 65 الف ده ان لقى حد يشتريها فحين ان فى عربيات برستيج مو 2000ل 2004 فى نفس الحدود دية او فروق بسيطة ولو تقفيل مصري بس مكونات واجزاء فرنسية مش تصنيع مصري
اتحدى لو لقيت واحد معاه 405 تعباه حتى لو مو 88
واغلب اللى معاهم بارص وروا قرفنين منها وعاوزين يغيروا وكرهوا حاجه اسمها البيجو عامة
بقالها معايا 7 سنين و عملت بيها كل حجاه و عمرها ما عملت معايا حركه قله ابدا
و ندما اني هغيرها بس هركب 405 mi16
و لما تسال حد علي العربيه دي سيبه يقول كل العنده واسمع من اعظم و اقوي سيارات بيجو الصناعتها
بس بصراحة يا جماعة بحس ان التوكيل بتاعهاااا وجية اباظة واخد التوكيل اكنة عزبة وارثهاااا عن جدودة
ومبيعملش اى مجهووود اطلاقاااا ومعتمد على نضافة منتجات الشركة وعشق الناس للماركة
وبس
ياجماعة كلامكة كله جميل وانا معاه بس كلة على الانتاج القدييم بدليل ان محدش رد خالص من اصحاب الوديلات الحديثة (2007 فاكثر)
عشان اصحاب العربيات دي قليلين في المنتدي
ياريت ياجماعة حد يقيم لنا تجربتة مع بيجو فى الى موديل بعد 2007 . من ناحية السيارة و التوكيل و رضاة عامة
بالمناسبة محدش حيدفع فى اى بيجو قديم اكتر من 50 الف و كمان مش هتتباع . شوف 406 كانت نزلة ب 320 الف و دلواتى بيدللو عليها ب 80 الف
:B4_388:
على فكرة هى ال 406 كانت ب230 مش 320 ومعظم العربيات الاوروبى فى رنج السعر ده وموديل الفترة دى هتلاقيها برضه بنفس السعر يعنى شوف الباسات مثلا موديل 2000 و2001 مثلا كانت بكلم زيرو ودلوقتى مستعملة بكام والبى ام دبليو 316 و520 و523 كانت كام زيرو ودلوقتى بكام والاوبل فيكترا والاسكودا اوكتافيا
هل معنى كده ان العربيات دى كلها وحشة ؟؟؟ لا طبعا بس ده لاسباب كتير معروفة عن السوق المصرى
السؤال مش ليه العربيات دى بيعاد بيعها بالسعر ده السؤال هو ليه العربيات دى كانت غالية كده وهى زيرو واهم سببين هما جشع التجار فى مصر تانى سبب وده الاكيد لان فعلا العربيات دى متكلفة وكل مكوناتها جودة عالية وفيها امكانيات مش موجودة فى معظم انواع العربيات التانية ومحدش هيحس بقيمة كل ده الا ال ركب العربيات دى ومش هيقدر يركب غيرها حتى لو هيخسر عشرات الالوف وكل مسمار فيها يساوى تمنه
وبعدين عمر ما سعر اعادة البيع كان مقياس ابدا لجودة العربية والا على كده تبقى الفرنا واللانوس و128 من قبلهم احسن عربيات فى العالم
هو واضح ان تجربتك مع البيجو ال مش بيجو اثرت فيك شوية وخلتك كرهت البيجو:H_angry[1]: معلش يا باشا ربنا يعوض عليك