الموضوع: حادثه غريبة للصنى

الحمد لله على سلامتك وربنا ستر ويارب يسترها مع الناس كلها . حضرتك بتقول انك مشيت على 140 وانت سايب ايدك ومفيش مشكله يبقى تغيير المقص مصاريف على الفاضى وخلى حد يراجع لك عليه احسن

انت تعمل ظبط زوايا و يديلك زرجينه على خفيف و كله حيتحل ب 30 او 40 جنيه

التاخير الموجود لو سببه المقص غيره افضل لان دا معناه انه اتعوج وكدا يعني اضعف من الاول ودي مشكله مش محتاجه تفسير ويفضل لو تشتريه مستعمل هيكون كويس وارخص ومش هياخد وقت خالص والعربيه تبقى رجعت تاني زي ماكانت انا حصل معايا الموضوع دا في عربيتين وعملت كدا اما لو المشكله في الصاج لو واحد بتاع زوايا محترم ممكن يديلك زرجينه فعلا وتظبط انا حصلت عندي بس كانت بتشد يمين بعد ماتتعمل بترجع تاني بعد شهر تقريبا ولحد دلوقتي لسا ماشوفتش حل نهائي للموضوع دا كل فتره اروح اظبط زوايا وترجع تاني بعد فتره اما بالنسبه للاكصدامات روح لحد يصلحهم وركبهم تاني بلاش تشتري جديد لأن بعد التصليح مش بيفرق عن الجديد وحتى لو اتخرم او اتكسر او اتعوج هما بيتصرفوا وبيصلحوه ودي مجربها في الاكصدام الخلفي في عربيتي

في مراكز ظبط زوايا و عندهم برضوا زرجينة زي بعض محطات البنزين

الف شكر على دعواتكم
الحمد لله روحت لمركز بريجستون عندهم ظبط زوايا وطلع 1/2 سنتى وان شاء الله هاعملها زرجينه بكره او بعده والحمد لله قدر الله وماشاء فعل

المشاركة الأصلية كتبت بواسطة mema75

انا معايه نيسان صنى 2008 عامله 75 الف كيلو المهم انا بسافر حوالى 500 كيلو بيها ( من الغردقة للقاهره ) فقررت اعلم زوجتى القيادة اهو تريحني فى الطريق ( طبعا دي غلطة عمرى ) المهم المدام ربنا يديها الصحه يارب عملة كارثه احنا ماشين فى امان الله فى منطقة فاضيه فى الغردقه على الاول وهي بيتلف فى يو تيرن وهى على الاول مش مموره العربيه طبعا اتخضت فا رجلها تقلت على دواسة البنزين المهم طلعت الرصيف بتاع الجزيره الى فى النص وعدت الشارع المقابل وطلعت الرصيف التاني وفى بعديه مطلع عالى تقريبا انحداره اكبر من 45 درجه وارتفاعه اكتر من 2 متر فطبعا طلعته وبصيت لقيت العربيه فوق المطلع ده والى وقف العربيه رمل كان ناس حطاه علشان تبنى المهم الخسائر
1 - عدد 2 جنت الامامي اتخبطو واحد الحمد لله استعدلناه والتاني هالك
2 - الاقصدام الامامي والخلفى فى الباي باي
3 - ترحيل العجله الاماميه يمين الى الخلف 1/2 سنتي وده المهم الراجل بتاع الزواي قالى هاتبان معاك فى السرعه العاليه وتحدف يمين مشيت لحد 140 وانا سايب الطاره وما حدفتش فهل اغير المقص ولا اوديها لسمكرى محترم يظبطها افيدوني افادكم الله
فى النهايه ربنا يارب يكفيكم شر سياراتكم ويحميكم من الحوادث قادر يا كريم
فى النهايه انا بحمد ربنا اننا بخير واني معايه نيسان مش اى عربيه تانيه كان زماني بدور على حد يشتريها خرده
مصطفى

AHL for your safety and your family's safety,

U have to go to a good 3afshagy and let him give U a report about the situation first,

A friend of mine had the same accident,
he changed the ma2as, and esta3del 3la zargeena the car,

the car was not in a good situation, going right,

I took it and went to elsab3, ehere they changed the right coupling and rechanged the ma2as again , then I took it after paying 3650 EGP and I took it to the ring road,
it was going right again,

I went to a gasoline station, where I zabbat zawaya, where they told me that the mosa3ed is mra7al,

then they made a zargeena to it,

and after that the car was very good,


Sorry for write too much,

Finally,

AHL for your safety

Thank U


Cheers