المشاركة الأصلية كتبت بواسطة zalabany
من كام يوم رحت ورشة باور في صقر قريش في المعادي وخليت الراجل كشفلي على الباور لأني حسيت انه بقى تقيل عندي المهم الراجل لف الدركسيون وقالي الطرمبه بايظه وعايزه تتغير
المهم قلتله بكام قالي الطرمبه ممكن اجيبهالك استيراد ب 200 جنيه قلتله هاشوف رحت سألت عند بتوع الاستيراد اخر سعر لقيته ليها كان 300 جنيه ما حدش رضي ينزل عن كده المهم رحتله عربنت معاه على العلبه وسيبته كام يوم جابها من الحرفيين المهم كلمته ورحتله فك العلبه اللي عندي لقاها الومونيوم او انتيمونيوم مش عارف المهم قالي دي مش بتتصلح وممكن تتصلح بس بتيقى مش كويسه المهم العلبه اللي هو جابها زهر وقالي ان قلبها بيتغير ليها قطع غيار المهم قالي كمان انا هافورها قدامك عشان اطمن عليها قلتله طيب فور العلبه وفعلا لقى القلب بتاعها خشن شويه راح جايب قلب تاني من عنده جديد وناعم جدا وراح مركبه مكان القلب ده القلب ده عباره عن دائره حديد كده
المهم قفلها وراح مركبها وملينا زيت ودور العربية الدركسيون اخف من الاول بس مش اللي انا كنت متوقعه قالي اصبر لما الهوا اللي في الدايره يفضا والبلوف بتاعة العلبه تسلك لأن الطرمبه القديمة كان ضخها للزيت قليل فأكيد البلوف مش سالكه قالي لما تمشي بيها شويه هاتبقى احسن قلتله ماشي حسابك كام يا باشا قالي العلبه 200 والمصنعيه 40 جنيه انا اتفاجئت لأن العربية اخدت شغل كتير وكنت متوقع الراجل يطلب اكتر من كده 100 او 150 اديتله فلوسه وراضيت الصنايعية وتوكلت على الله مشيت انا حاسس ان الدركسيون اخف طبعا بس مش عارف هل هو ممكن يبقى احسن من كده ولا ايه عامة انا منتظر وهابقى ابلغكم بالتطورات
الورشه في صقر قريش بعد ما تنزل من منزل الدائري على طول في اتجاه حلوان لو حد عايز تليفون صاحب الورشه يقلي وانا ابعتهولو
ملاحظه الراجل ده شغال في باور وعلب دركسيون كل العربيات شفت عنده من اول ال125 الشيروكي ال bmw لانسر حتى الكريسلر النيون كان عامل فيها شغل وواضح انه شغله محترم ومش بيغالي في المصنعيات