الرجاء من اعضاء المنتدى المحترمين ارسال ارقام تليفونات الاستاذ حسام والاستاذ ممدوح علشان اتفاهم معاهم شخصيا
عرض للطباعة
الرجاء من اعضاء المنتدى المحترمين ارسال ارقام تليفونات الاستاذ حسام والاستاذ ممدوح علشان اتفاهم معاهم شخصيا
الرجاء أخي الفاضل التحلي بهدوء الأعصاب والثبات ..
تجربتي الشخصية مع الأستاذ محمد ممدوح والأستاذ حسام تجعلهم فوق مستوى الشبهات .
ما حدث عندك غالبا بسبب عطل أو قفلة في الضفيرة .. والسادة الزملاء قاموا بتجربة هذه الحركة على أكثر من سيارة لانوس .. هذا بالطبع غير أنها منشورة على اليوتيوب و (على عينك يا تاجر).
للأسف لا أملك أرقامهم وإن كنت أعتبر نفسي صديق شخصي لكل منهم ـ وكل أعضاء المنتدى عموما ـ فههنا تلاقينا على الخير وابتغاء الصالح الخاص لكل منا قبل العام .
وقبل اتهام أبو يوسف أو حسام .. هل حضرتك وصلت صح ؟ .. متأكد؟
ممكن بعد اذن حضرتك تحكي بالضبط انت عملت ايه وايه اللي حصل علشان لو نقدر نساعدك في اللي حصل
علي فكره احنا هنا في المنتدي بننصح بعض وبنفكر بصوت عالي مع بعض (يعنى الاراء محتمله الصواب والخطأ)وكل واحد بينقل خبرته والمشاكل اللي وقع فيها علشان باقي الاعضاء يتفادوا الوقوع في نفس المشكله والاعضاء لهم حريه التصرف في الاراء
ياحمو اكيد وصل صح لان لو وصل غلط كان المفروض ميكتبش حاجه بعد ماوصل غلط وعلي العموم احنا مستنين نشوف ايه اللي حصل بالضبط ونشوف الاراء ونفكر في الخلل حصل ازاى (للمصلحه العامه لجميع الاعضاءعلشان لو فيه حاجه غلط محدش يقع فيها تانى لقدر الله )
اقتباس:
علي فكره احنا هنا في المنتدي بننصح بعض وبنفكر بصوت عالي مع بعض (يعنى الاراء محتمله الصواب والخطأ)وكل واحد بينقل خبرته والمشاكل اللي وقع فيها علشان باقي الاعضاء يتفادوا الوقوع في نفس المشكله والاعضاء لهم حريه التصرف في الاراء
:S_thum1[1]:
والمفروض أن لايتم أخذ أى رأى
وتنفيذه مباشرة
ويجب فى البدايه عمل أستشاره خارج المنتدى ( لدى متخصص )
بغرض معاينة الحاله ( على الطبيعه )
ومضاهاتها بأقرب الأراء للمنطق ( قبل الأقدام على التنفيذ )
والله كده الكلام مضبوط ..
والمشكلة ممكن تكون قديمة .. أنا كنت بشوف فيوز بايظ عند الكهربائي وحاجات كده .. فك علبة الفيوزات عشان يشوف الضفيرة .. يادوب بيفك .. الضفيره شاطت كلها وأصبح الأمل مفقود فيها.. ذنبه هو إيه؟
المشكلة عندي من الأول .. إلا لو كان الكهربائي ده عنده قدر عاتي من النحس !
افصل البطارية ـ دا لو ماكنتش فصلتها ـ وروح لكهربائي بسرعة وشوف حد يسحب لك العربية لحد عنده والموضوع مش هايكلفك كتير إن شاء الله ..لو هايرمم القديمة
قدر الله وما شاء فعل .. أنا حزين فعلا للي حصل لك لكن ـ صدقني ـ لا أبو يوسف ولا حسام ليهم ذنب
و بعدين معلش يا جماعة انا مش باشكك في كاتب الموضوع بس عايز افهم
هو كاتب انا هانزل اجرب الساعة 1:16 pm
وبعدين
كاتب الضفيره ضربت الساعة 1:25pm
يعني نزل فك التابلوة ودور خصوصا انه جديد في موضوع العربيات ووصل والضفيرة ضربت واكيد اتخض شويه وطلع تاني فتح الكمبيوتر وكتب الرد كل ده في 9 دقايق
تاني انا مش باشكك بس عايز افهم