مفيش ضمير كلاكيت 1000000000 مره

طبعا موضوع انعدام الضمير دا بقى شئ عادى جدا زى اى شئ بقى عادى
انا قلت اقولكم على احد الحاجات اللى ممكن تكون اسوء حاجه فالدنيا اللى هيا " لما يوصلوك انك تكره الحاجه اللى المفروض خير و مصلحه و كنت طول عمرك مستنيها "
المره دى انا هاحكلكم عن الشارع اللى انا فيه
من كام اسبوع كده 2 او 3 والله مبقتش بعد خلاص المهم قالولنا هانعمل اسفلت فرحنا وقلنا اخيرا طبعا نضافه (على الرغم من ان الشارع نضيف و البوابين كانوا مهتمين بيه ) بس طبعا الأسفلت احسن بكتير رحمه للعربيات خصوصا بعد مالشارع باظ علشان كانوا بيركبوا خط مياه جديد (مش لينا بس ماشى فالشارع عندنا غلاسه وكالعاده سابوا الشارع من غير ردم واحنا اللى عملناه على حسابنا) المهم قالوا شيلوا العربيات اللى فالشارع علشان نساوى الشارع علشان العربيات اللى جايبه السن الأبيض جايه بالليل المهم شالوا بتاع 30 سم من الشارع كده و قالوا محدش يركن عربيته فالشارع علشان العربيات اللى جايه باليل علشان نبدأ الشغل الصبح (طبعا كسروا كل المطالع بتاعة الجرجات اللى احنا عملنها فالبيوت) بس المهم ولا العربيات جت بالليل ولا حاجه ولا عارفين نخرج من الجراج (طبعا كان فى ناس مطلعتش العربيه على اساس يوم وخلاص الأبيض هيجى) و بقلنا من ساعتها فالقرف ده و الشارع مقرف جدا جدا جدا و لما سألنا ليه محدش بيعمل حاجه فالشارع ده بالرغم من ان معظم الشوارع المحيطه شغلين فيها كان الرد
" اصل المهندس اللى كان مسئول عن الأشراف على تركيب خط المياه (اللى حفروا الشارع علشانه) اتخانق مع المقاول المسئول عن التركيب و كل واحد حلف انه مش هيشتغل" و هما مستنين لما خط المياه يكمل الأول
المهم ده حصل و الخط كمل و كان الأختبار النهارده و طبعا المواسير مش متوصله صح و الشارع غرق و اتبهدل اكتر من الأول و بردوا سابوه و مشيوا
بجد حسبى الله و نعم الوكيل فى معدومى الضمير

طيب شوف شارع ابو الهول (بداية طريق المنصورية ) من امته مكسرين الاسفلت على اساس هيجددوا الاسفلت بئالهم اكتر 5 شهور لا هم اللي سابوه في حاله مع انه كان كويس جدا ولا هم اللي خلصوه والشارع بقه يقرف ويوم ما انسى وادخل منه ببقه مش طايقه نفسي

الحل هو تعمل عزومه جامده كده لاوباما واتفرج على الشارع عندك هايبقى عامل ازاى
ده مش الشارع عندك وبس لا والشوارع اللى حواليك كمان

ده شئ عادي جدا ياباشا الطرق والرصف في جميع انحاء الجمهوريه بقيت مشكله المشاكل وحتى اللي يترصف بيبقى نوع الاسفلت خشن جدااااااااااااااااااااااا وغير مستوي وبيبقي الاسفلت القديم ارحم منه 1000 مره معرفش ليه ولا في ايه
طريق المنصوره القاهره عندنا كل كام شهر يرصفوا ويشيلوا الاسفلت ويفضل شهور على ما يخلص يكون هو خلص على العربيات بتاعت الناس ويدوب يخلص وطبعا اسفلت ورصف من اسوء ما يكون يرجعوا يحفروا ويشيلو تاني ويرصفوا من جديد مش فاهم حاسس بجد انها وكاله من غير بواب ومن غير حساب
حسبيى الله ونعم الوكيل

اقتباس:

---

المشاركة الأصلية كتبت بواسطة mohamedezat

الحل هو تعمل عزومه جامده كده لاوباما واتفرج على الشارع عندك هايبقى عامل ازاى
ده مش الشارع عندك وبس لا والشوارع اللى حواليك كمان

---

ههههههههههههههههههههههههه ههههههههههههههههههههههههه هههههههههه
دى سهله بس اكيد بعد ما يمشى هايشيلوا الأسفلت و الشجر حتى اللى احنا زرعينه كمان

اقتباس:

---

المشاركة الأصلية كتبت بواسطة bmya

حسبيى الله ونعم الوكيل

---

يا رب انت المنتقم الجبار

اقتباس:

---

المشاركة الأصلية كتبت بواسطة نور القمر

طيب شوف شارع ابو الهول (بداية طريق المنصورية ) من امته مكسرين الاسفلت على اساس هيجددوا الاسفلت بئالهم اكتر 5 شهور لا هم اللي سابوه في حاله مع انه كان كويس جدا ولا هم اللي خلصوه والشارع بقه يقرف ويوم ما انسى وادخل منه ببقه مش طايقه نفسي

---

انا عارف بس لما يكون شارع بتمشى فيه و خلاص ممكن تلاقى بديل ليه بس الشارع اللى انت ساكن فيه تعمل ايه, يعنى لو لاقدر الله حصل حاجه الأسعاف و المطافى يعملوا ايه ؟
ولا كده كده مش فرقه بقى !!!!

ربنا يصبر اهالي المنطقه دي

فكرتنى باسفلت فيلم خلى الدماغ صاحى:11: دى حاجة تقرف ياراجل وربنا يصبرك عليهم