ايه احسن مركز معتمد اعمل عنده صيانة (ما عدا العوض جروب)

سلام عليكم
ان شاء الله هعمل صيانة لعربيتى نيسان صنى 2007 مانيوال
وكنت بتعامل مع العوض جروب وشارى منهم العربية بس قررت اغير لانى مش مرتاح نفسيا منهم وحاسس انهم بيطلسقوا وخلاص واسعارهم غالية
ياريت اعرف ايه احسن مكان اعمل فيه صيانة وشغلهم كويس وفاهمين كل حاجة فى العربية واسعارهم كويسة
السبع ولا ابو غالى ولا يونايتد جروب ولا حد تانى
وعندى مشكلة صغيرة فى العربية (او كبيرة الله اعلم :11:)
لما بدور العربية الصبح بتدور عادى جدا ولكن لما بعد م العربية تسخن واجى ابطل وادور تانى العربية بتدور وتفصل فى ثانية ولازم ادوس بنزين عشان متفصلش والحكاية دى بتحصل والعربية سخنة فقط يعنى بعد اى مشوار او بعد تسخين العربية انما لو بدورها وهيا باردة العربية بتدور عادى جدا من غير م ادوس على البنزين ومش عارف المشكلة دى سببها ايه حد قالى دى كهرباء زيادة وحد قالى البوجيهات وحد قالى فلتر البنزين وحد قالى سخانات !! يريت لو حد يعرف سببها يقولى قبل م اروح الصيانة عشان ابقى على نور
وجزاكم الله خيرا

اخى العزيز استعجب وبشده لطول صبرك طوال الفتره الماضيه على توكيل العوض الذى يشتكى منه الجميع
بالنسبه لى انصحك بمركز السبع زهراء المعادى وهناك فعلا ستحس بالفارق
رقم الحجز 0100050700
بس ارجو ان حضرتك تكون عارف انتا عايز تعمل ايه وتجرب العربيه مع المهندس المختص ولازم تتأكد ان كل حاجه تمت على ما يرام ولاتتنازل عن افضل جوده
اما بالنسبه للمشكله الطارئه بسيارتك فستجد حلها فى التوكيل ان شاء الله
وبالله عليك تطمنا عليك