انا عملت حادثة بالعربية الزفت ديه وطلعت مش عربية ديه علبة كانز متركب ليها 4 كاوتشات وماتور والاوبشن اللى انت عايزه
نفسي ارفعلكو صور العربية بعد ما تقلبة وسبب القلب بس مش عارف
عرض للطباعة
انا عملت حادثة بالعربية الزفت ديه وطلعت مش عربية ديه علبة كانز متركب ليها 4 كاوتشات وماتور والاوبشن اللى انت عايزه
نفسي ارفعلكو صور العربية بعد ما تقلبة وسبب القلب بس مش عارف
الحمدلله ع السلامه ياباشا نشوف الصور ممكن؟
حمد الله على سلامتك
حمد الله على سلامتك والحمد لله انك بخير
يا ريت لو توافينا بالصور لو قدرت
قدر الله وما شاء فعل
اسف على التاخير
حمد الله علي السلامة و الحمد لله انك بخير و العربية انا عن نفسي يتكب علية جاز اسبرانزا 113 برقبتة
الحمد لله انك بخير
ومنتظر الصور
عربية ب45 ألف فيها كل الكماليات , تتوقع انها تبقى متينة قوى يعنى ؟!
الحمدلله ع السلامه
معلش اسمحلي انقد كلامك
هو عامل التقييم لأي عربيه السعر؟؟
يعني لو غلو سعرها ل 70 الف هتكون عربيه كويسه؟
اكيد لأ
طيب
امال ايه
الفكره في ان اسعار العربيات مبالغ فيها مبالغه رهيبه
و العربيات الصيني علشان لسه في اول مشوارها بتتباع بأسعار تنافسيه
الله يرحم اللانوس اللي كانت ب 40 الف بقي سنه 99
دلوقتي شوف الناس بتنصح بعض بيها ازاي
طيب ايه علاقه اللانوس بالشيري دي
الشيري هي هي الدايو ماتيز هي هي الشيفروليه سبارك
قبل ما تحكم عليها هل جربتها؟
عربيه زي الماتيز و السبارك
فروق بسيطه في الفينش و بس
شوف اختبار تصادم السبارك و الماتيز هي هي نفس نتيجه الشيري كيو كيو
هو بس الاخ صاحب العربيه اكيد دمه محروق ان العربيه اتدمرت بعد الحادثه
و اكيد ده احساس كل واحد فينا لما يلاقي عربيته متدمره و ربنا معاه و يعوضه خير
بس هو الحادثه حصلت ازاي و فين صور العربيه علشان نقييم كلنا بخربتنا البسيطه هل الدمار اللي في العربيه راجع لضعف فيها ولا نتيجه تصميمها
لأن العربيات اللي بالشكل ده معروف ان الكابوت بينهار تمام في حالات الخبطات الاماميه لحمايه الركاب