الرد النهائي على مهاجمة النيو سيراتو

**a_tharwat** · 29-01-2010 02:07 AM

السلام عليكم,

أنا أول مرة أشترك في المنتدى كنت عاوز أعرف نظام النيو سيراتو. طبعا يعد كده فوجئت بروعة المنتدى وقررت اني مسيبوش ان شاء الله ابدا.

طبعا كلام كتير عن العربية وانها بتتقلب وتولع ومش عارف ايه. انا عارف ان اسلوبي مستفز وفي ناس كتير من اللي علقوا على العربية قبل كده مش حيسكتوا, عشان كده قبل ماتكلم انا عاوز اقول ان مفيش اي حساسيات واني عارف ان كل واحد علق قبل كده كان قصده المصلحة.

بما ان النيو سيراتو كانت اكتر عربية عجباني بالفلوس الي معايا, انا اختارتها رغم كل المخاوف والتحذيرات, بامانة لاني مشفتش حد برة مصر بيشتكي, وان كل الreviews الي معمولة بتشكر في العربية. وبما اني اشتغلت مع الناس دول وعارف هما بيقيموا العربية ازاي وبرضه بما ان مفيش اي اختلاف غير الموتور والفتيس (و الكماليات طبعا), انا قررت اني اشتري.

طب و بعدين؟ استنوا عليا شوية. انا قلقي كله كان من ان بنتي (9 شهور) بتبقى معايا في العربية كتير, فقررت ان انا اختبر العربية بنفسي. قراري ده (رغم ان شكله غبي) اخدته على اساس ان العربية لو حصل فيها حاجة وانا بجربها لوحدي احسن ميحصل وانا معايا بنتي ومش مدي خوانة.

بما اني طولت بما يكفي, الخلاصة ان الاختبارات التالية العربية عدت منها بكفائة عاليه:

تفادي عائق (كرتونة :) ) على سرعة 80كم مع فرملة كاملة
اللفة من شارع الشهيد (امتداد شارع الطيران) قبل الطريق الدائري على 140كم
فرملة على رملة من سرعة 100كم
دوران 180 درجة على 50 كم

حقيقي مقدرتش اتغابى عليها اكتر من كدة, صعبت عليا. بس بما اني معمريش هاحطها في ظروف اصعب من كده (ولا حتى زي كدة) فالعربية بالنسبة لي 100%

لو سمحتوا يا جماعة, الناس اللي علقت ضد العربية قبل كده مفيش داعي للتعليق بالسلب, انا عارف والله ان ملكمش مصلحة ضد العربية وان قصدكم خدمة رواد المنتدى, بس اللي عاوز يجيب نيو سيراتو ومتردد, ينزل يجيبها دلوقت :10D5C8~1107:

**NoRmAl** · 29-01-2010 02:14 AM

هى فكره حلوه أنك تختبر العربيه بنفسك
حتى تكون مرتاح نفسيا وأنت سايقها
رأيي أنا الشخصى فى الهجوم على السياره
الحوادث الى أحنا عارفنها 2 بس مؤكدين حتى الان
البشمهندس غازى و دكتور أحمد سامى
البشمهندس غازى مش بيهاجم العربيه أساسا
ودكتور أحمد برأ العربيه فى كلامه
غير كده
بقولها بالفوم المليان
كل الى بيهاجم العربيه يأما بيحقد على أنتشارها
وحرقه موضوع أن هى الرابحه الوحيده بين منافسيها
يأما بغبغان بيردد وخلاص
لا هو راكبها و لا يعرف حد راكبها
وكله هس فى هس

**a_tharwat** · 29-01-2010 02:22 AM

شكلك بتحب العربية جدا, براحة يا عم على الناس

**alzwawy** · 29-01-2010 02:46 AM

كويس انك اتطمنت بنفسك علي العربيه علشان
هتسمع كلام من ده و من ده ومن هنا و من هناك
ومش هتبقي عارف تصدق مين انما كده دلوقتي انت مصدق
رجليك الي ساقت و مصدق اديك الي لفت و مصدق عنيك الي شافت
اكتبهالي يا رب اجرب انا كمان و استلم علي خير انا استويت كفايه كده 4 شهور

**solycar** · 29-01-2010 03:20 AM

انا مجربتش السيراتو و معظم اللى بينقدوا العربية دى مجربوهاش

خش على اى منتدى ماركة تانية هتلاقى العربيات متقطع فروتها

طبعا فى اعضاء ( و هم قليلون ) تحترم ارأهم لكن فى كتير عاملين زى اعلان كوكاكولا بتاع الفتايين

انت عملت الصح و جربت

و ياريت كل و احد يجرب اى عربية عشان يحكم عليها مش يعتمد على السمع و بس

**a_tharwat** · 29-01-2010 03:45 AM

برة مصر (باكره اقول كده بس حنعمل ايه؟) في الtest drive, هو بدأ يدخل مصر بس على استحياء, عشان تجرب العربية وتشوف نظامها ايه.

غير كده احنا للاسف عاملين زي اعلان التلفزيونات اللي بيقولك التلفزيون اللي متعرفش ماركته عامل زي البطيخة, تدفع تمنها وتاخدها البيت الاول وبعد كده تشوف حمرة ولا قرعة.

**ALSHARIEF** · 29-01-2010 05:36 AM

السلام عليكم و رحمة الله و بركاته ...........

معلش سؤال بعيد عن الموضوع المطروح ( حضراتكم بتقولوا إن الدكتور أحمد سامى عمل حادثة ؟ ) إيه الموضوع ده ؟ أنا أصلى كان بقالى فترة كبيرة كنت منقطع عصب عنى عن المنتدى الجميل ده و معرفش غير لما قريت دلوقتى إنه عمل حادثة .... خير إن شاء الله و قدر الله ماشاء فعل ياليت تطممنونى عليه لإنه و ربى أعلم له معزة خاصة عندى حبيبى فالله الدكتور أحمد المحترم الجميل .

معلش أنا خرجت عن الموضوع بس سلامة الأعضاء بصفة عامة و الدكتور أحمد بصفة خاصة عندى أهم من مليون عربية .

**Ahmed Samy** · 29-01-2010 05:42 AM

المشاركة الأصلية كتبت بواسطة alsharief

السلام عليكم و رحمة الله و بركاته ...........

معلش سؤال بعيد عن الموضوع المطروح ( حضراتكم بتقولوا إن الدكتور أحمد سامى عمل حادثة ؟ ) إيه الموضوع ده ؟ أنا أصلى كان بقالى فترة كبيرة كنت منقطع عصب عنى عن المنتدى الجميل ده و معرفش غير لما قريت دلوقتى إنه عمل حادثة .... خير إن شاء الله و قدر الله ماشاء فعل ياليت تطممنونى عليه لإنه و ربى أعلم له معزة خاصة عندى حبيبى فالله الدكتور أحمد المحترم الجميل .

معلش أنا خرجت عن الموضوع بس سلامة الأعضاء بصفة عامة و الدكتور أحمد بصفة خاصة عندى أهم من مليون عربية .

تسلم يا غالي

ربنا يدك على قد نيتك و يجمعنا في الجنة يارب

اطمنك عليا انا الحمد لله بخير و صحة نشكر ربنا ألف شكر

المشاركة الأصلية كتبت بواسطة a_tharwat

السلام عليكم,

أنا أول مرة أشترك في المنتدى كنت عاوز أعرف نظام النيو سيراتو. طبعا يعد كده فوجئت بروعة المنتدى وقررت اني مسيبوش ان شاء الله ابدا.

طبعا كلام كتير عن العربية وانها بتتقلب وتولع ومش عارف ايه. انا عارف ان اسلوبي مستفز وفي ناس كتير من اللي علقوا على العربية قبل كده مش حيسكتوا, عشان كده قبل ماتكلم انا عاوز اقول ان مفيش اي حساسيات واني عارف ان كل واحد علق قبل كده كان قصده المصلحة.

بما ان النيو سيراتو كانت اكتر عربية عجباني بالفلوس الي معايا, انا اختارتها رغم كل المخاوف والتحذيرات, بامانة لاني مشفتش حد برة مصر بيشتكي, وان كل الreviews الي معمولة بتشكر في العربية. وبما اني اشتغلت مع الناس دول وعارف هما بيقيموا العربية ازاي وبرضه بما ان مفيش اي اختلاف غير الموتور والفتيس (و الكماليات طبعا), انا قررت اني اشتري.

طب و بعدين؟ استنوا عليا شوية. انا قلقي كله كان من ان بنتي (9 شهور) بتبقى معايا في العربية كتير, فقررت ان انا اختبر العربية بنفسي. قراري ده (رغم ان شكله غبي) اخدته على اساس ان العربية لو حصل فيها حاجة وانا بجربها لوحدي احسن ميحصل وانا معايا بنتي ومش مدي خوانة.

بما اني طولت بما يكفي, الخلاصة ان الاختبارات التالية العربية عدت منها بكفائة عاليه:

تفادي عائق (كرتونة :) ) على سرعة 80كم مع فرملة كاملة
اللفة من شارع الشهيد (امتداد شارع الطيران) قبل الطريق الدائري على 140كم
فرملة على رملة من سرعة 100كم
دوران 180 درجة على 50 كم

حقيقي مقدرتش اتغابى عليها اكتر من كدة, صعبت عليا. بس بما اني معمريش هاحطها في ظروف اصعب من كده (ولا حتى زي كدة) فالعربية بالنسبة لي 100%

لو سمحتوا يا جماعة, الناس اللي علقت ضد العربية قبل كده مفيش داعي للتعليق بالسلب, انا عارف والله ان ملكمش مصلحة ضد العربية وان قصدكم خدمة رواد المنتدى, بس اللي عاوز يجيب نيو سيراتو ومتردد, ينزل يجيبها دلوقت :10d5c8~1107:

أنا كمان عملت زيك كده

و اتغابيت كمان زيادة بس تعرف النتيجة اني وثقت في العربية زيادة قوي ...

خصوصا أنها فعلا عملت كام دقة جدعنة في مواقف أنا نفسي ما كنتش مصدقها

بس نصيحة : العربية جراية قوي

و احساسك بالأمان ممكن يقلل تركيزك و يخليك تعمل حاجة غلط زي ما أنا عملت

دايما شوف انت ماشي على كام قبل أي مناورة