مطلوب مقارنة بين اللوجان و الانوس والفيرنا والنيو اكسنت

السلام عليكم ورحمة الله وبركاته

ماشاء الله فيه خبرات كبيره في المنتدى هنا ربنا يبارك فيكم ويكون علمكم ده علم ينتفع به

كنت عايز اسالكم عن مقارنه من السيارات اللي تحت 72 كده..
واللي هي لوجان واللانوس و الفيرنا
ايه افضل عربيه فيهم ؟ وايه عيوبها ؟
وكمان سمعت ان اللوجان والرينو عموما فطع الغيار غاليه والصيانه غاليه عموما لان لازم تتعمل في التوكيل وده بيكلف مبالغ كبيره جدا سنويا ده حقيقي ؟ وكام التكلفه المتوقعه في المتوسط كل سنه ؟


اخر حاجه لو استنيت شيويه عشان اعلي الميزانيه عشان ادخل النيو اكسنت و السيمبول في المقارنه. حتكون ايه الافضل ؟ ( السيموبل عجباني جدا صراحه. لكن للاسف لاحظت فيه ندره شديده في الاراء عنها قد يكون لقلة انتشارها في الوقت الحالي))


وربنا يبارك فيكم

لوجان أفضل

وقطع غيارها مش غاليه نظرا لاتها تقفيل مغربى فعشان كدا اسعار قطع غيارها وصياناتها معقوله

لكن بالتأكيد مش زى الفيرنا واللانوس اللى يعتبر من اكبر مميزاتهم رخص اسعار قطع الغيار وتوافرها

ولو تقدر تزود للنيو أكسنت هاتكون أفضل اختيار من وجهة نظرى

اقتباس:

---

المشاركة الأصلية كتبت بواسطة hosam_optrawy

لوجان أفضل

وقطع غيارها مش غاليه نظرا لاتها تقفيل مغربى فعشان كدا اسعار قطع غيارها وصياناتها معقوله

لكن بالتأكيد مش زى الفيرنا واللانوس اللى يعتبر من اكبر مميزاتهم رخص اسعار قطع الغيار وتوافرها

---

+1

مع ملاحظه أن اسعار قطع غيار اللوجان بالاضافة لانها اسعار مش غاليه كمان كل يوم بتقل عن اليوم الى قابله مع انتشار العربية


توقيعك ظريف يا استاذ حسام
فعلا لو ابو تريكه موجود كانت الجزائر يمكن شالت 7 ولا 8
وبالرغم من أنى مليش فى الكوره قوى بس والله عينى رغرغت من الفرحه والتأثر
وسبحان الله تعالى اليس العدل اسم من اسماؤ ه فكيف لا ينصر المظلوم

بخصوص المعلومات الى حضرتك بتسأل عليها عن السيمبول


http://www.nilemotors.net/Nile/112377-a.html

اعتقد نيواكسنت افضل اختيار ولو الميزانية خسعت تبقى الانوس هى الخيار الامثل

السيمبول عربية محترمة ولكن يعيبها ندرتها ... بس انا ارشح النيو اكسنت لتوافر قطع غيارها وخصوصا القطع الاستهلاكيه ...

لو الفلوس مكملتش .. يبقى ال لانوس اعتمادية وثبات ... الفيرنا طيارة ورق ... اللوجان لم اجربها لاحكم عليها ...

فى الاخر ارشح ال لانوس لانها احسن الوحشين ...

بس حضرتك .. انا عندى اقتراح تانى .. لو معاك 72 كاش وجاهرين .. يبقى تدفعهم فى مقدم عربية ياريس احسن واضمن من ك ده ... او حتى الهوندا سيتى .. والباقى هيكون مش كتير ...