الموضوع: الذكرى الاولى لاستشهاد صدام حسين

الله يفتح عليك يا أبو عبدالله

طب انا حد يفهمني اية نطق بالشهادة يعني يبئا شهيد دية ما الراجل بيقلولو هنعدمك خلااص وهيموت مش عاوزو يتشاهد دة الراجل اللي هيعدمو بيقولو اتشاهد يبئا هوا بئا حلو كدة مكان بيحكم العراق سنين طويلة ممسكش المصحف الشريف الا لما كان هيعدموة يعني نقول ربنا يغفرلو ماشي ربنا يخلي الناس اللي اذاهم تسلمحو ميضرش لكن محطهوش جنب واحد معروف اوي هوا عمل اية ف ليبيا ومات اذاي دة اتعدم ودة اتعدم بس دة كان بيدافع عن ارضو ويحررها مش يهجم علي بلد عربي بلطجي هوا يعني والفترة اللي سابوة فيها ال محكمة وحجات دي مش اكتر من ذل لية وانذار وعبرة لكل اللي يحب يتحدا كلام امريكا وابو غريب مكان بيحصل فية ابشع من كدة والحرس الجمهوري عارف كل دة انا كل اللي عاوز اقولو انو مش شهيد بس وراح مطرح مراح بأرفو بكل ايامو السودا وخلااص ومحدش يقلي اذكرو محاسن موتاكم عشان دة حياتو كلها مساوء وولادو كمان اقرو شوية كدة عن تاريخو وانتو هتفهمو ا

شخصيا متفق مع كل كلام استاذ احمد سامي و ابو عبدالله

لكن اعتراضي علي :

انتم مش واخدين بالكم يعني ايه انه كان رئيس وله دوله وان الشيعه هما اللي ماسكينه وهما اللي هيعدموا وشايف فرحتهم اما عينه والراجل واقف ثابت وبرضه مع ذلك ينطق الشهاده

مهما كان ففرحه الشيعه مبرره و معهم كل الحق في فرحتهم :) كرد فعل طبيعي
لكني ضدها كموقف عقلاني و دا ووزير خارجيه ايران قال نفس الكلام :)

طب انا حد يفهمني اية نطق بالشهادة يعني يبئا شهيد دية ما الراجل بيقلولو هنعدمك خلااص وهيموت مش عاوزو يتشاهد دة الراجل اللي هيعدمو بيقولو اتشاهد يبئا هوا بئا حلو كدة مكان بيحكم العراق سنين طويلة ممسكش المصحف الشريف الا لما كان هيعدموة يعني نقول ربنا يغفرلو ماشي ربنا يخلي الناس اللي اذاهم تسلمحو ميضرش لكن محطهوش جنب واحد معروف اوي هوا عمل اية ف ليبيا ومات اذاي دة اتعدم ودة اتعدم بس دة كان بيدافع عن ارضو ويحررها مش يهجم علي بلد عربي بلطجي هوا يعني والفترة اللي سابوة فيها ال محكمة وحجات دي مش اكتر من ذل لية وانذار وعبرة لكل اللي يحب يتحدا كلام امريكا وابو غريب مكان بيحصل فية ابشع من كدة والحرس الجمهوري عارف كل دة انا كل اللي عاوز اقولو انو مش شهيد بس وراح مطرح مراح بأرفو بكل ايامو السودا وخلااص ومحدش يقلي اذكرو محاسن موتاكم عشان دة حياتو كلها مساوء وولادو كمان اقرو شوية كدة عن تاريخو وانتو هتفهمو ا

لما تشوف احوال الموتى وتعرف يعني ايه واحد ربنا يقدرله انه ينطق الشهاده هتعرف احنا بنتكلم في ايه

يا اخي ده توفيق من عند الله
الموضوع ليس بالسهوله دي
انت فاكر انه شعوره اكنه بيركب عربيه وهيقول دعاء الركوب
يا اخي تخيل نفسك اما حبل المشنقه
وساعتها قولي انت دماغك هتبقى جايبه ايه ولا ايه ده لو اشتغلت اصلا

الموقف اصعب مما تتخيل

وبعدين مسالة انه لم يمسك المصحف طول حياته والكلامه ده برضه ليس مبرر
لأن الأنسان يعيش طول حياته على طاعات ويبقى بينه وبين الجنه خطوه ويختم الله له بالنار والعكس

والعلماء بيتكلموا في ان انا لا نستطيع ان نقول ان شارون ده كافر ونقول ده مات على الكفر لن الله اعلم ما يمكن هو قبل مماته اسلم
ولذلك لا يجوز لعن شخص مهما كان بأسمه او تسميته او تحديده
انت تلعن الافرين او اليهود عموما ولكن لا تستطيع ان تلعن شخص معيين

لأنك لا تلعم ماذا ختم له او ماذا سيختم له فمن الممكن ان يسلم قبل مماته

وبرضه احنا لم نعش داخل بيته لنعرف ان كان بيمسك المصحف او لا
ولا نلعم ما مدى ايمانه في قلبه وهذا هو الفيضل عند الله عزو وجل

وادعوا الله ان يرزقنا الشهاده قبل الممات فهذه مرتبه لا يعطيها الله لأي شخص ولا حتى ان كان في وعيه ويعلم انه سيموت الأن فانت لا تدري اين سيكون رد فعلك او تفكيرك ساعتها علشان تقدر تنطق بها بكل ثبات

لكن محطهوش جنب واحد معروف اوي هوا عمل اية ف ليبيا ومات اذاي دة اتعدم ودة اتعدم بس دة كان بيدافع عن ارضو ويحررها مش يهجم علي بلد عربي

أنا معاك ان التنين مش زي بعض فعلا , عمر المختار له سجل و تاريخ ناصع البياض
ولكن ؛ صدام ماتعدمش وهوا بيهجم على بلد عربي (مقارنتك معناها كده)
صدام فعليا مات وهو يدافع عن بلده (شئت أم أبيت)

كلامك الباقي معناه انك مافهمتش مداخلتي , لو تحب تفهمني أكتر اقراها تاني , بس بشويش .

أولا .. كل سنة وأنتم طيبين بمناسبة عيد الأضحي المبارك .. أعادة الله علينا بالخير واليمن والبركات
ثانيا .. الموضوع اللي انتوا فتحتوه ده موضوع غريب وشائك جدا .. لأن القاعدة العامة فيه بتقول أنك لازم تاخد جانب من جانبي القضية إما مع .. أو ضد .. وللأسف الخصم بتاع صدام هنا هي أمريكا فبالتالي ماتعرفش أزاى تاخد موقف ضد صدام لأنك ساعتها بتصنف تبع الأمريكان .. ودى للأسف المشكلة ..
الموضوع أن صدام قائد من ضمن عشرات القادة إللي ربنا رزقنا وأبتلانا بيهم .. وكل واحد فيهم افتكر نفسه صلاح الدين أو جمال عبد الناصر .. وجاب الحاشية والمنتفعين إللي تغني وتصفق له .. وتحط له صور وتماثيل في كل مكان .. وبأحجام ما أنزل الله بها من سلطان .. ولو حد كان دخل خطوط الطيران العراقية في مصر كان شاف أكبر صورة لصدام في المدخل .. وده وإن كان له معني فمعناه أن الناس دى ماشفتش غير نفسها وعندها قناعه غريبة ومزعجة جدا أنها الملهمة المفردة والوحيدة ..وقول كلام كتير ..
ووصل بيهم الحال أنهم يعتقدوا أن احنا ما نقدرش نعيش من غيرهم .. وأظن كلنا يفتكر الأسماء التسع والتسعين .. بتبدأ بالزعيم وتنتهي بالملهم .. وبدل ما الواحد يبني بلده ويرفع من مستوى الدخل للناس الغلابة أو حتي يحضر نفسه لمعركة مع عدو موجود فعلا علي الحدود أو محتل مدنس تراب المسجد الأقصي .. يخترع لنفسه معاركه الشخصية سواء كانت في إيران أو في اليمن أو غانا .. ويستنزف ثروات ودم شعبه ..
مع ملاحظة أني أنا هنا مش في محل النقد لصدام شخصيا ( رحمه الله ) .. وخصوصا أن حسابات التوبة دى بينه وبين ربنا .. بس نفسي نجرد المواضيع .. وما ندخلش نفسنا في حسابات الشهادة والريادة والقيادة والبدائل إللي موجوده دلوقتي علي الأرض في العراق ( ربنا يعين أهلها ) .. وأن السبب غياب صدام .. وغيره ..
المشكلة أن احنا عندنا أعداء خارجيين وأعداء داخليين .. وللأسف قد يكون تدخل الأعداء الخارجيين أحيانا وسيلة للقضاء علي الأعداء الداخليين .. أعاننا الله وأعانكم عليهم .. وعلي أنفسنا ..
وفي الآخر .. ربنا يرحمنا جميعا .. ومعذرة للإطالة .. وكل سنة وأنتم طيبين ..

المشاركة الأصلية كتبت بواسطة Abouelela

.. وأظن كلنا يفتكر الأسماء التسع والتسعين .. بتبدأ بالزعيم وتنتهي بالملهم..

المشكلة أن احنا عندنا أعداء خارجيين وأعداء داخليين .. وللأسف قد يكون تدخل الأعداء الخارجيين أحيانا وسيلة للقضاء علي الأعداء الداخليين .. أعاننا الله وأعانكم عليهم .. وعلي أنفسنا ..
وفي الآخر .. ربنا يرحمنا جميعا ..

الأسماء دي تلفيق من الكويتيين (بس هو برضه كان عنده نرجسية فظيعة)
و الجزء التاني أنا موافقك فيه تماما