كنت اخر مرة غيرت الزيت فى شهر 5 اللى فات عند صيانة ال10000 ... فقررت انى اغير زيت امبارح علشان الزيت كمل 8 شهور رغم انى معملتش سوى 5500 كيلو بية
رحت بنزينة شل عند نادى السكة علشان انا عارف انهم بيرفعوا العربية عند تغيير الزيت و الحقيقة كنت عايز اشوف العربية بيحصل ليها اية من المطبات اللى بحك فيها ( كنت لبست فى مطبين جبلين من كم شهر )
اولا بالنسبة لتغيير الزيت .. الراجل فك الطبة و الزيت نزل اسود خالص مع انة شل الترا و مكملش سوى 5500 كيلو .. انا عارف ان ده كويس ان الزيت يسود بس مكنتش اتوقع فى 5000 كليو يعمل كدة ... المهم الراجل قاس الزيت القديم لاقهم 4 لتر بالتمام و الكمال .. ام حط 4 لتر زيت الترا مع ان الكتالوج قايل انه يوضع 3.7 لتر فقط عند تغيير الزيت من غير الفلتر لكن الحقيقة الزيت اللى خارج كان 4 لتر كاملين .. الحقيقة ان صوت الموتور بقى حنين بدرجة غربية مع انى مكنتش مركز مع الموضوع ده
الحاجة اللى حلوة بقى انى شفت اسفل السيارة
رقم 1 --> المرتور متغطى كله بالفبر من تحت من اول الكصدام الى فتحة خارج الفرن
رقم 2 --> عازل حرارى على كل الشكمان من اولة الى اخرة و الشكمان جوة تجويف مش نازل خالص
رقم 3 --> العربية مجلفة من تحت 10 على 10
رقم 4 --> و المهم انى مالتقش اى اثر للحكات اسفل العربية غير فقط البروز الحديد اللى على جانبى العربية و الشمال فقط لما دققت هو اللى فى نصة حكة بسيطة خالص و لايوجد اى التواء بية .. البروز ده حديد سميك متين جدا حوالى 3 مم
الخلاصة بالرغم من ان العربية واطية لكن مافيش خوف خالص من مطبتنا الجميلة
اسبكوا مع حبة صور لاسفل السيارة و انا حاطط اسهم على البروز الحديد اللى شايل ليلة الحكات
المفضلات