تبيه هام الاتوستراد بعد مدخل حلوان واقف فى اتجاة المعادى (حادثة) )
انا لسة جى دلوقتى من هناك انا ماشى و يدوبك عديت اليوترن الى بياخدة الناس الى خارجين من حلوان عشان يروحوا المعادى ولقيت عربيات كتير جاية فى وشى عكس وبيقلبوا نور انا الاول استغربت جدا وقلت يمكن دة عشان عيد الشرطة و مفيش مخلفات او يمكن الحكومة بتعتنا قرت الموضوع بتاع السواقة على اليمين او الشمال فى نيل متورز وقررت تخلينا نمشى ذى انجلترا من باب التغير يعنى المهم لقيت كل العربيات المقطورة واقفة على جنب واحد منهم قالى فى عربية مقلوبة ولف ورجع لفيت انا كمان مع الناس الى بتلف ومشيت عكس وعند اليوترن بتاع حلوان بقى منظر غريب جدا الناس ماشية خلف خلاف احنا مشين عكس وناخد اليوترن ونمشى بردة عكس عشان نرجع وندخل مدخل حلوان تانى والناس بتعمل كدة ظهر فجاءة نقيب شرطة وجوز امنا وكان شكلة محتاس ويصعب عليك فعلا هو كان بيحاول يخلى العربيات تكمل على طول فى اتجاة مايو عشان ميمشوش عكس والدنيا تتنيل اكتر عند مدخل حلوان هو كان بيحاول بس بردة فى ناس كتير عملت كدة ومدخل حلوان اتنيل انا بقى مشيت فى اتجاة مايو ونزلت من المرصد (كدة كدة انا بمشى فى على طول )وركنت العربية فى الجراج وقلت مش خارج
