10 مرفق
بمناسبه فوز مصر علي الجزائر صور الفلتر و البارات و تقرير بسيط بعد الاستخدام
صباح الخير اولا,
ازيكو يا شباب عاملين ايه؟
مبروووووووووووك لمصر و مصر كلها فرحانه لحد الساعه 6 الصبح و كنا في الميرغني و الثوره و شارع النزهه,الجو و فرحه الناس و التشجيع و الهتافات كانت روعه روعه روعه روعه,و يا رب عقبال ما نرجع بالكاس يا رب,ان شاء الله رجاله و باذن الله هيعملوها.
و بالمناسبه دي انا حطيت لكو صور الفلتر و البارات اللي ركبتها,
و هما عباره عن بار البطاحتين الامامي فوق و اللي بيكون بعرض الكبوت و ماسك البطاحتين و واحد تحت قدام برده و ماسك القنطره و واحد وره و ماسك المقصين اليمين و الشمال و موصلهم ببعض.
و انا الحمد لله جبت علبه ديفل تايواني بس لسه ما ركبتهاش,
بالنسبه للاداء: بعد الفلتر العربيه اختلفت و اتنفست احسن و التسارع اتحسن و استجابتها اسرع و صوت الموتور رائع تسمع زئير جميل م بيصدع خالص و مش مزعج.
البارات: العربيه مسكت بعضها جدا جدا جدا و بقت حاجه تانيه في الغرز بجد حاجه تانيه و الملفات و ده ناهيك عن ثباتها اصلا,بجد ما شاء الله ثقتي في العربيه زادت و انا سايق و في الملفات و الغرز,و غير كده انك هاتحسها اول ما تركبهم عن العربيه من غيرهم.
البارات جبتها من هاي لاين في ش دمشق و سعرهم : 1. الامامي فوق و الخلفي تحت ب 280 جنيه,
2. الامامي تحت (الازرق) ب 400 جنيه.
3. الفلتر ب 650 جنية.
4. الديفل ب 450 جنيه.
و الناس هناك محترمين اوي و متعاونين جدا و ممكن يجيبلك اي حاجه تعوزها لعربيتك,و بالمناسبه انا خدتت 10% خصم علي كل حاجه عشان نايل موتورز. و البارات ركبتها عند ميكانيكي جامد جنب المحل علي طول اسمه السويسي و خد مني 100 جنيه بس شغله يستاهل و نظيف.
ده كان رايي في اللي ركبته,لو اي حد عايز يسالني في حاجه انا موجود و ده رقم تليفوني 0128287496
محمد حامد
