موضوع ترييح الدماغ ده يا جماعة هو سبب تاخرنا
المفروض اللي بيركب العربيه و مسهلاله الحياة ... المفروض يعرف معلومات اساسية و يبقي فاهم فيها
لان حتي الجديد ممكن يعمل مشاكل بغد فترة ...
و بعدين لو حسبتها مثلا عربيه زي الفولكس بو لو موديل 2001 بامكانيات كتيرة تعمل من 45 الي 50 الف
اما لو زيرو بالسغر ده هتجيب يا اما صيني يا اما عربيه تعبانة
قصدي الموضوع يستاهل
و في الأخر لازم تكشف في التوكيـــــــــــــــــــ ــــــــــل و يديك تقرير عن اي عربية و ربناغ يسلم
طبعا الموضوع يستاهل ... ليك حق..اقتباس:
المشاركة الأصلية كتبت بواسطة casper2010
والجديد ممكن يعطل برضو وارد
ولكن بما إن الإمكانيات أيسر في المستعمل ليه مانحاولش.. وربنا يكرم
طبعا كله مشغول في اللحمة كل سنة وانتو طيبين..
بس المشورة والنصيحة يا جماعة.. حتى لو بعد العيد إن شاء الله
عزيزى Nilebeginner
رأى الشخصى ما دام أول عربية خليها مستعمل.... و تبعد عن زنقة القسط وتكتسب خبرة في العربيات
النصيحة انك تصبر و ما تستعجلش و تسأل مرة و اتنين و تلاتة لحد ما تلاقي عربية نضيفة ويفضل طبعا الاستعانة بصديق عند الاختيار :)
انا شخصيا أفضل اللانوس عن الأكسنت ......ايه رأيك في شاهين?
فكرت طبعا ولكن عن تجربة قيادة.. مثلا الهيونداي أكسنت لما سقتها حسيت إني راكب أتاري!!!اقتباس:
المشاركة الأصلية كتبت بواسطة Chicco
منتجات النصر دي دبابات يا جماعة!
واعذروني في انطباعاتي البدائية الساذجة.. بس فعلا فرق الراحة في القيادة والحاجات دي.. حسيت بيها في النقل وفي البنزين وتروس الفتيس... عشان كدة بتكلم في دايو أو هيونداي وماجبتنش سيرة نصر ولا شاهين ولا لادا
أنا رأيي أنك تبعد عن المستعمل النهارده إنت ممكن تضغط نفسك وتجيب جديد يعيش معاك 4 أو 5 سنين على الأقل لكن لو جبت مستعمل النهارده حتى لو نضيف مش هيكمل السنه من غير مصاريف ويمكن الظروف بعد كده تتغير لاقدر الله وتقعد المستعمله دي تستنزف فلوسك ومش هتعرف تعمل حاجه ساعتها وحط في أعتبارك أن مفيش ميكانيكي عنده ضمير (إلا من رحم ربه) الغالبيه نصابين هيبقى العيب بسيط ويطلعلك في العربيه القطط الفاطسه عشان تدفع
زيرو زيروووووو زيروووووووووو
128 أو لادا 2107 روسي أو ماروتي أو أي زيرو قريب من سعرهم
زيروو يعني زيروو
بتقول إن خبرتك ضعيفة بالسيارات = يبقى زيرو
بتقول دي أول سيارة = يبقى زيرو
بتقول معندكش خبرة بالميكانيكية = يبقى زيرو
كما أنني أنصحك بالإبتعاد عن المستعمل لكثرة مشاكله وأعطاله
أنصحك أيضاً بالإبتعاد عن الأقساط والديون (الأقساط = ديون) حتى تنام قرير العين هانيها
لذلك أنصحك بشراء زيرو على قد فلوسك بدون أقساط زي الإختيارات اللي قلتلك عليهم
وحتى لو حصل للزيرو مشاكل التوكيل عليه حلها ولو محلهاش جهاز حماية المستهلك يقدر يربيه لو إنت طالبت بحقك
ولا تنسى صلاة الإستخارة وربنا يوفقك للخير
راجع الموضوع اللي كتبته اليوم في منتدي بيع و شراء ( شراء سياره يطريقه اسلاميه)
فيه حاجه ممكن تهمك لو عايز تجيب زىرو تقسيط
انا كمان معايا نفس المبلغ و في نف الحيره
ربنا يوفقك